يامركز الطلعه

(عبدالله عتيق العطوي)

يامركز الطلعه على الراس والعين
الأمر مانعصيه ومنفذينه
ادري بكم على المواطن حريصين
وقفاتكم يالأمن جدا ثمينه
وانا بدوي فالبر راعي بعارين
ويضيق صدري لانزلت المدينه
ليه عن نياقي حوالي اسبوعين
وشوقي لهن شوق الضنين لضنينه
البل غلاها ساكنن بالشرايين
حبا عن الاجداد متوارثينه
ودي اقضي عندهن يوم يومين
قبل رمضان يهل ياصايمينه
وإن ماسمحتوا لي تراجعت ذلحين
والدرب صوب عيالنا خابرينه

(سعد المحمدي)
عن مركز الطلعه لك ايسار ويمين
حسب اعتقادي سمح دربك يمينه
قدام ماتذن عليك المواذين
من فوق يالمقدام صافي مكينه
امش وتوكل ياوريث الكريمين
ينجيك من نجاء بنوح السفينه
حالي مثل حالك يمين الميادين
الدرب يافرز الوغى قافلينه
من لام مثلك ياطليق الحجاجين
ياعل ماله بين الاجواد عينه
حب النياق مقوسات العرانين
من السلف ترا الخلف حافظينه
الكلمه اللي حطها بين قوسين
يافداك من دينك على غير دينه
المسعد اللي ماعرف دولة الصين
اسبابهم كل الوطن حاظرينه

صح السنتكم
والابل كلها خير
اقلها تشرح الخاطر
اكرمها الله وذكرها في كتابه
ابداع لاغرابه

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت الالسن وبيض الله وجيهكم
الله يرفع الغمة ويزيل الوباء

	المشاركة الأصلية كتبت بواسطة الكحيلة

	صح السنتكم والابل كلها خير اقلها تشرح الخاطر اكرمها الله وذكرها في كتابه ابداع لاغرابه

الكحيله
مشكوره على مرورك الرااااااائع

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح بدنك لاهنت على مرورك

	المشاركة الأصلية كتبت بواسطة حسيـن

	صحت الالسن وبيض الله وجيهكم الله يرفع الغمة ويزيل الوباء

ووجهك ابيض
امين

صحت السنتكم كلام جميل
عن معشوقت ا لعر ب الاابل

صحــت السنتكــم
دمتم برعاية الله وحفظة