الــى الـغـالــي بـخـــيـــتـان الـبـشـــــــري ولا يـهــونــون الاخــوان

وليف الشوق =
من شان راع الوفا موجود = الـلـي عـلـى الطيـبـه رابـــي
ســلام مـالـه عــدد مـعــدود = مايـخـتـلـف دايــمــا ثــابـــي
بخيتان البشري=
يبقى الوفا بيننا ممدود = ماينقفل يـوم لـه بابـي
ترحيب مايلتزم بحدود = ولو غابو الكل ماغابي
وليف الشوق=
هــذالــذي بـيـنـنـا مـشـهــود = ومـايـوم راع الـوفـا خـابــي
هيا استمع مني المسـرود = اللي حوى صفحة خطابي
بخيتان البشري=
درب الــوفــا غــايــة الـمـنـشــود = مـانــتــخــذ عــــنــــه مــجــنــابــي
مصغي لك السمع 0 والمردود = تــقــراه فــــي صـفـحــة كـتــابــي
وليق الشوق =
اللي تما دى وعليه شهود = واحـــذره يـزيــد فـــي مــابــي
حتى تطاول على المحدود = كيـف العمـل فـيـه ينجـابـي
بخيتان البشري=
ورّد شـهــودك عـلـيــه وقــــود = دعـــواك 0لاصــــرت طــلابــي
ويصدر لك الحكم فالمشهود = بـالــحــق لايـمــكــن انـحــابــي
وليف الشوق =
حاولت لجل اسلم المنقود = شرفت وارسلت الاصحابي
عيـا يجـي معهـم المـقـرود = للـحـق مــا فــك الا بـوابــي
بخيتان البشري =
لاصار يمه بعثت وفود = ومعهم على الدرب ماصابي
بالقن والساير المنشود = كملتّ 0 ماحولك عتابي
من لا فقد فالعرب مفقود = ومرصود له كشف وحسابي
بالشرع يخضع ولك يعُود = من لا به الطيب ماطابي

اسعدني هذا التحاور معك واتمنى ان اكون وفقت في الرد ونلتقي على الخير اخي الغالي ابو منى

صحت الالسن وطابت القلوب
ودمتم بود

	المشاركة الأصلية كتبت بواسطة بخيتان البشري

	لاصار يمه بعثت وفود = ومعهم على الدرب ماصابي بالقن والساير المنشود = كملتّ 0 ماحولك عتابي من لا فقد فالعرب مفقود = ومرصود له كشف وحسابي بالشرع يخضع ولك يعُود = من لا به الطيب ماطابي

تسلم مليووون على الرد الشافي والكافي

صح السانك مدد بلا عدد وبيض الله وجهك ودام عزك

شرفتني على هذه المحاوره الرائعه بروعة حضورك الغالي

الى اللقاء في محاوره اخرى ان شاء الله

بدع ورد ومحاوله وحكم عمالقه مدرسه للقوافى والاحكام المقنعه حفظكم الله

صحــت السنتكــم
دمتم برعاية الله وحفظة