لحن بيني وبين أخي الأصغر فريج أبومديده ( ياشاعر الفن والإبداع )

بعد التحيه والإحترام
أكتب لكم هذا اللحن والذي دار بين
ماجد أبومديده
وأخيه الأصغر
فريج أبومديده
والظاهر إني غثيتكم بالألحان الفارغه لكن كلي أمل في الله
إنها تحوز على شي من إعجابكم

فريج أبومديده=
شاعر ولي في القصايد باع=واقـارع الكـل بسلوبـي
لكن امامـك انـا لِسّـاع=طالب في منهجك يا دوبي
ماجدأبومديده=
ياشاعـر الفـن والإبـداع=معاك قصـدي ومطلوبـي
لأن جُهدك معـي ماضـاع=واضح في رسمي ومكتوبي
فريج أبومديده=
لله درك علـى مــا ذاع=تواضعك احـرج اللوبـي
وان كان تسمح لنا بإيقاع=باعزف لك آهات منسوبي
ماجدأبومديده=
هات المثل وإشرح الأوضاع=وإعزف لحون الصفا صوبي
وقـدام لاأعالـج الأوجـاع=مـاأذوق زادي ومشروبـي
فريج أبومديده=
مركب حياتي بدون شراع=نسجت له شراع من ثوبي
وبعد الهنا والصدور وساع=هب الشروّ واخلف دروبي
ماجدأبومديده=
دايم بحور الحياه صـراع=لكـن ماهـدّت جنوبـي
إقدى على نجمها اللمّـاع=ولاتقول ضيّعت وإرسوبي
فريج أبومديده=
سايـر علـى نجمهـا ملتـاع=و ما اعلنت في المدرسه رسوبي
شمس اشرقت ما عليها قنـاع=بـس البـلا يـوم ضحّـوّبـي
ماجدأبومديده=
يامواكِب النجم فالمطلاع=إقرا حسابي في حاسوبي
مادام ضحّى بك الخدّاع=ماأنته على اللاش مغصوبي
إحسَّا لُه الصاع قد الصاع=وقُلُه كِذا ذوق من كوبي
بُكره يطاوِعك لو ماطاع=ويجيك ندمان مرعوبي

ويصحابنا سامحونا

والله والنعم بك وبأخوانك الغاليين
أنا اشهد انكم اصحاب حرف ومعنى
يعرف ابداعكم القاصي والداني
الله يحفظكم ويرعاكم ويحميكم
صحت السنتكم ودمتم لبعض ودام ابداعكم لنا
تحياتي اليك والى اخوانك الافاضل

صح لسانك ولسان اخوك
وبيض الله وجيهكم
لحن جميل وهذا ليس بغريب عليكم
دمتم بود وخير ...

ألحان رائعة وبالعكس فيها كل فائدة سلمت ولاتحرمنا الجديد . . .

سلمت يا ماجد

و صح لسانك و لسان فريج

لحن راقي و جميل

صحت السنتكم وبيض الله وجيهكم
والله يـعـطـيـكم الـعـافيـــــــــــة

صحت السنتكم
..
..
أسجل اعجابي
..
ويعطيكم العافيه ..
..

صحــت السنتكــم
دمتم برعاية الله وحفظة