قصيدة(صدقيني)للشاعر( ابن دهيم )مبارك بن سالم الحربي

صدقيني
من قال ما حبك كذب صدقيني
ولا تصدقيني لوانا اقول ما هواك


اهواك لانك يا حياتي تبيني
ترى امنياتي في الحياه اكسب ارضاك


ارضاك يمنيني اشوفك بعيني
ودي اغمضها وافتح والقاك


القاك قدامي تحضنك ايديني
واعطيك ماتبغين من ذا ومن ذاك


ذاك الغلااللي بيننا يا ضنيني
كم منه انامضنى الاليته اضناك


اضناك شوقي والله اللي يعيني
ماضن يالمضنون في يوم باسلاك


ماسلاك يانفسن تعيشين فييني
وقلبي وروحي ياهواالبال تفداك


تفداك كل النا س ولاتحرجيني
ما قدرعلى فرقاك اياني اياك


اياك لواتموتين لاتتركيني
خذيني ما بغى اعيش باموت وياك


وياك اجمل مامضى من سنيني
كل يوم يمضيبي رصيدا لذكراك


ذكراك عمري اللي بقى صدقيني
ولاتصدقيني لوانا اقسمت ماهواك




الشاعر/مبارك بن سالم المصلح الحربي (ابن دهيم )

العناية في ربط الأبيات
أسلوب أخرج القصيدة من قالب النمطية
صح لسانك ويسلم فكرك وبيانك
تحياتي

السلام عليكم ورحمة الله وبركاته اخي العزيز طلق المحيا : شكرا لك على مرورك الاكثر من رائع وتسلم وطال عمرك ولاهنت مع تقديري واحترامي اما بالنسبه للقصيده ( صدقيني ) فهذا النظم يسمى المدور

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

السلام عليكم ورحمة الله وبركاته (الحب الباقي ): شكرا لك على مرورك الاكثر من رائع وصح بدنك طال عمرك ولاهنت مع تقديري واحترامي

صح الله لسانك
ولاهنت
وسلم فكرك وبنانك
دمت برعاية الله وحفظة

السلام عليكم ورحمة الله وبركاته (فهد بن غانم )شكرا لك على مرورك الاكثر من رائع وصح بدنك طال عمرك ولاهنت مع تقديري واحترامي