دلــــــه بــريـــــــه

السلام عليكم ورحمة الله وبركاته
مصافحه متواضعه
علها تحوز على رضاكم

الشعر ماهو كلمةٍ عفويه = ولا سوالف جلسةٍ عصريه
الشعر تراث نعرف ادابه = ماهو فقط وزنٍ مع القافيه
الشعر معنى ينطرب سماعه = ماهو غنى اورقصةٍ هنديه
فيه الجزاله لازمه ياعالم = والجزل واضح مايبي برقيه
الشعر كسبٍ كاسبينه مبطي = ماهو دروس وشرح فالكليه
ترى الشعر لوطاح لازم ينهض = لوجاه جاهل يحمل المديه
كثروا عليه وزودوا بصوابه = شافوه طايح قالوا هذا اضحيه
روحوا بعيد هناك لاتشقونه = بالعايبه والثانيه مرميه
ياللي مسكت الخط لاتفرح به = انته ومن مثلك على الردميه
الناس صارت فاهمه وتميز = بانت عيوب امستره مخفيه
شوفوا مجال اخر تبغونه = لاتقربون الشعر لو بالنيه
خلوه في حاله يعود طيب = لاتقربون ارضه ترى محميه
ياهل الصحافه غربلوا ذا الساحه = ان كان فيكم لشعر غاريه
صونوا جناب الشعر لاتعمونه = تحركوا ياهل العقول الحيه
وان كان مافيكم شجاعه تذكر = لاتقربون الساحه الشعريه
اعطوا مجال لغيركم يحمونه = به ناس فيهم نخوةٍ وحميه
ماعاد نبغى قهوة الاتراكي = صبوا لنا من دلةٍ بريه

-
وسلامتكم