مع التحيه ومزيدا من الاحترام

اهداء مع جل تقديري ل الشيخ / سعود معلا السليمي
.........ً

لك التحيه عد ماذعذع النود
ياسعود ابو ناشي حفيد القرومي

حرٍ شهر للعز راقي به سنود
يستاهل العليا خوال وعمومي

له حد ما بين الرياجيل وحدود
يقلط بسلمٍ تحترمه السلومي

قول وفعل في كل الافعال معدود
اليا وقف دايم يسد اللزومي

يبقى على يمناك والعلم مردود
رفقه ومعزه لنشاما تدومي

من لابة ٍ اسود ونمور وفهود
تحط في يدك القمر والنجومي

راعي هلا يامرحبا وازرق العود
طلق الحجاج دايم ضحوك وقدومي

في مجلسه مافيه ناقد ومنقود
مجلس عن هروج الضعوف محشومي

للمرجله سلم ومواثيق وعهود
ماغيرت فيها علوم الرخومي

اللي دنافسم تقيدهم قيود
ياليتها عن دنفستها تصومي

قصير يمنى عاري الطيب ملهود
والطيّبه عنها الضعيف محرومي

هذاك زرعه ماله ايّات محصود
لو يلبس البشت وجديد الهدومي

ولاهمنا هرجه ولاعنه منشود
وهرج الردى شرواك عنه معصومي

مضمونها شكر وثناء لك ياسعود
رجل تقول الحق حازم صرومي

ونحب نعامل راعي الجود بالجود
اللي على فعل المراجل عزومي

وحنا نحل الحبل والحبل معقود
وحنا لها وقت المواقف نقومي

لنا مع أهل الطيب ماضي وموجود
وبالاوله نقلط بلابه وقومي

وزحول الرجال شرواك فخرٍ لنا شهود
تعرف مكان الجدي عالي يزومي

يقولها .. وريث من ربعه يسود
وشدادنا مثل الحجاز محسومي ؟

تحيااتي
ابن عاتق المفرجي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

وشدادنا مثل الحجاز محسومي

كفؤ والنعم

صح لساااااااااااانك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وكلك



والف شكر لحضورك المبهج


ووجهك ابيض لاعدمتك

	المشاركة الأصلية كتبت بواسطة ابوهليل

	وشدادنا مثل الحجاز محسومي كفؤ والنعم صح لساااااااااااانك

كفوووك الطيب وماعليك زود


وصح بدنك وكلك


تحيتي

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك وسلمت ودمت


والف شكر لحضورك الراقي


تحيتي

لاهنت وصح السانك

تقبل التقدير والاحترام

وفقك الله