من العايدين

يا مملكتنا الغالية من العايدين = وكل عام وساكنينك بالف خير
بالقلوب معايدة قبل اليدين = وبالتهاني بيننا نحث المسير
انت عزيزة غالية طول السنين = وفالقلوب انتي لك الحب الكبير
من العايدين انقول لهلك اجمعين = ويا عساهم دوم فخير وفير
وصومهم مقبول ومن الفايزين = والكل يوم العيد بالفرحة خشير
و يا خادم البيتين يا ذرف اليمين = من العايدين وكل عام انت بخير
ويحفضك مولاك يا حام العرين = ذي تهاني من كبير ومن صغير
وياجنود ابلادنا يالغانمين = التهاني من صغير ومن كبير
فالقلوب انتم تراكم حاضرين = النصر حليف والمولى نصير
انتم حماة الدار كيد المعتدين = وعون للحكام لا نادى النذير
نحمد الله كل ابونا مسلمين = واكيد حنا افراحنا بالعيد غير
التعامل بيننا ساسه متين = مانفرق ذا غني هذا فقير
ربنا الخلاق والاسلام دين = وحنا على نهج النبي دايم نسير
انطيع خالقنا ونرضي الوالدين = ولضيفنا ولجارنا الحق الكبير
التسامح طبعنا قسوة ولين = وحنا هلى الميقاف فاليوم العسير
ويالسعودي تعيش مرفوع الجبين = دام حكامك على السيف الشطير
ويمملكتنا الغالية من العايدين = وكل عام و ساكنينك بالف خير

http://b.top4top.net/m_1837vwz2.mp3

صح السانك وبيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك