مـنـقـيـة ٍ بـ الفوز تـقـدح شـراره ~مـا كـنّـهـا بالـوصف غـير الزوينات

سـر يـا قلمنا و احـتكم لـ العبـاره
على النقا و امن الطروق القديمات

تعجب عيون اهـل الشرف والنعاره
و تسد عيـن اهـل الخزا والتشمّات

مـن مكنز الموروث فـيـهـا حـراره
و امـن السطر فيها رموز و دلالات

منـقـيـةٍ بـ الـفـوز تـقـدح شـراره
مـا كـنها بـ الوصف غـيـر الزوينات

ابـل النحيتي فـي زمـان الـقشاره
يـوم القفر تـرعـاه مـا حولها رعاة

مـن هيبته مـا حـافها ابـا الـدواره
لا ابـصر يمين ارقابها وسـم عرقاة

و حجاب يـوم الحرب شوفه بشاره
حـزة قـدومه رفـرف النصر رايـات

تــبــاشــروبه وارديـن الــكِـداره
و الـخصـم مـنه معيف جيده تلفّات

لـه بـيـرقن مـا ذِكـر عنه انكساره
يـَدرون شـوفه لابسين الــغيارات

وقـت الملاقى مـا عطاه اسـتداره
ياما كسب بـ الصيت كل البطولات

و مـصـافـق الفرّيس في كل قـاره
و امناوخ الشجعان صـبـح المثارات

غـارة حجاب ان مــا خـَذوها نِـذَاره
فوق الجموع انـ صلـّها راحو شتات

و بـيته مـنـيـع الا بـ حـال الـزياره
تقـلط له الضيفان حـيلن سـمـينات

و ان طار عن وجه الحسان الستاره
يـقـلـط على القالات مقـلاط موّات

مــرابعـه في نـجـد لـهن اعتباره
و خيلـه قـلايعـهـا خـيار السـلالات

و كسايبه فـ الـبل نــقوة نـــداره
فـعايلن بـ اثبات ما هـي بـ الاِنبات

لو فـي روابـي نجد حس و شعاره
تبكي فعول حجاب شوق الـخوندات

تـدفع مـن الفرقى الـدموع بغزاره
و تصدّر المنعى بـ كـل الـمجـالات

شـيـخن رسم بـ شعابها و القراره
مـجـد ٍمَ تمحيه السنين الـطويلات

يـِـدعى بـهـا لا شِـب ضو المناره
و تكحل عيون عداه مـع كل منحات

من يومها بـ السيف و الرمح اَغاره
لـين التطور و المدن و الحـضـارات

و ابـن نحـيت اَمـارتـه بـ الـصداره
تـشدي بـ رفعتها جـبال السراوات

و الـيـوم عبدالله كـسـبـها جـداره
و الفضل لله و الــبـقـيه سـلامات

ابن نحيت اللـي بـ راسـه سـطاره
هـذا جملنا اللي يـشيل الـثـقيلات

حر ٍ مـَ اخذ يـوم اللزوم استشاره
من مـاكـر ٍمجناه روس الطويلات

و الحر قـالو قـبـل تـكفيه اَشـاره
و ابومحمد لـ الـفـخر فيه الاثبات

مـا هـي عـلـوم مـحفرين الجحاره
اللي تحسب الطيب شتم و مسبات

للطيب روسن مـا تحسب الخساره
تـرخـص علشانه كـنـوز ٍ ثـمينات

تاريخنا مـا هـو حلـيب بـ غـضـاره
اليا انسكب نسكب عـليه الدميعات

تـاريخـنا اللـي مـا خـذينـاه عـاره
تاريخ حـرب اهل القنا و المروات

ربعي عـلى عظم الكسير الجباره
و امـجادنا مـا هي علينا جديدات

و لـ سلـمنا فـينـا لـ حفظه غياره
قبل العصور المظلمه و الظلالات

و لا لـحق نـاصع بيـاضه سـمـاره
فـ المقبله و الا على فـايتن فات

و لا خِبر منا قـيـل شاعر طراره
هل الشعر و الدين و العز بالذات

و رجـّالنا مـا له مـا اخـذبه تجاره
من كثر ما يفنيه حـشمه وعادات

للضيف و العاني تقـل في خفاره
ولا يِشحن الحربي لـيا قيله هات

و ان قيـل شاهدها بدون استعاره
فعل الذويبي ثـابتن كـل الاوقات

حجـرف سليل المجد نـمـر النماره
رمز الكرم في نجد من غير شكات

اللي ذبـح سـبـع الـركايب بـطاره
لـ ضيوف يـوم القل فيهم عـلامات

حـنـا الكرم تـاجه بـ كـل افتـخاره
و لـو الثبوت اسردبها مـا لها انهاة

حـنــا بــدو مـا غيرتنا الـحضـاره
و بسلومنا سـبع القبايل شـريكات

و الوقت بيـن ارفـاعتن و انحداره
تـبقى الفعول الـطيّبه و العلاقات

و السبع يسبع لـو مـذاقه مـراره
و لا يبري المـوجوع كـثر الملالات

هـرجـن بـلا بـرهان كلـه عـيـاره
يبـقى على ماقيل زيف وشعارات

و الفار و الله مـا تجيه الـطـهـاره
لو يغتسل نجس الذنب سبع مرات

و ابليس يِرجم لا اعترض بـالحجاره
عقب نـتـعـوذ منه رب السـماوات

تـم الـكــلام و زايـد الـهـرج بـاره
و الله عـلـيـم بـ مـا تـكن النحيلات

بـدرالـهبـيري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

والنعم في من ذكرت
وفي حرب
كلها
ولاتهون القبايل
صح السانك لاهنت


و الفار و الله مـا تجيه الـطـهـاره
لو يغتسل نجس الذنب سبع مرات

كفؤ يابدر ونعم بوسامة العرقاه
مهما الشاعر مدح لن يوفي مزينه حقها بيض الله وجهك وصح لساانك مليون

اشكر جميع من شاركني هنا برد
الله يبيض وجيهكم جميع
لاهنتم