 |
 |
 |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلــتــقــى الــقــوافــي الإبحار في عالم الشعر |
 |
|
|
أدوات الموضوع | إبحث في الموضوع | انواع عرض الموضوع |
|
|
|
|
|
|
||||||||
|
|
|
||||||||
|
|
|||||||||
|
|
|
||||||||
| مــلــتــقــى الــقــوافــي الإبحار في عالم الشعر |
|
|
|
أدوات الموضوع | إبحث في الموضوع | انواع عرض الموضوع |
22-10-13, 01:38 PM
|
#1 | |
|
شـــــاعر
|
ايه الحطب نشريه في غال الأسعار=نسوق فيه الألف كنه ريالي
بسم الله الرحمن الرحيم
ايه الحطب نشريه في غال الأسعار = نسوق فيه الألف كنه ريالي أبي ليا جونا من البعد زوار = أقول حياكم عزيز الجلالي في ليلتن ذعذاعها برد و إعصار = و استرسلت معها نفيض الشمالي و الكل منهم مهتوي شبت النار = أقوم بالواجب و يرتاح بالي أحط جرم الرمث و السمر بوجار = و أشعلتها و قلطت صفر الدلالي و بيضن بغاديدن بها البن و بهار = جهزتها و صكوا عليها الرجالي يا ما حلا الفنجال منها ليا دار = على النشاما مكرمين السبالي و صينيتن يدعى لها الضيف و الجار = أما غدا و إلا عشن بالعجالي و أتبعتها من طيب الهرج معذار = و أصغوا و قالوا لي كمال و جمالي هذي طرات العمر و إلا الفنى مار = مره و مره و آخرتها الزوالي ياللي تلم المال من كل الأقطار = و الطيب مالك في طريقه مجالي أنته نسيت الموت قصاف الأعمار = يالله عسى ما للبخيلين تالي ليا مت و ألفوا بك على تراب و غبار = ما يفقدك كود المره و العيالي ليا صار ما يفقدك صلفين الأشوار = اللي لهم يوم الملاقى فعالي ذكرك محى من يوم لفوك بوزار = آخر مصيرك وسط قبرن هيالي أقولها و آخذ من الطيب و أختار = بالفعل ماهو بس هرجن يقالي أفعل ولي عند الرياجيل مقدار = متورثن طيبي من أعز غالي من الشايب اللي تعرفه قب الأمهار = إليا عدوا اللي يحتمون التوالي الطيب شاخص قدم مذهب و دوار = ما أقول أنا اللي منفرد به لحالي إليا حكوا لي فعل وافين الأشبار = أعدني معهم على قد حالي ياما و ياما بالقبايل من أحرار = صيارمن ميقاعها بالعلالي و إختامها يا عالمن خاف الأسرار = عطفك و لطفك يوم هول الهوالي و صلوا عدد ما هل همال الأمطار = على النبي عد الشجر و الرمالي |
|
|
|
22-10-13, 04:11 PM
|
#2 | |
|
شـــــاعر
|
أنته نسيت الموت قصاف الأعمار = يالله عسى ما للبخيلين تالي
ليا مت و ألفوا بك على تراب و غبار = ما يفقدك كود المره و العيالي ليا صار ما يفقدك صلفين الأشوار = اللي لهم يوم الملاقى فعالي ذكرك محى من يوم لفوك بوزار = آخر مصيرك وسط قبرن هيالي أقولها و آخذ من الطيب و أختار = بالفعل ماهو بس هرجن يقالي ___________________________________________ شاعرنا المبدع / محمد بن سماح الغيداني صح لسانك على هالقصيده التي كلها جميله حقيقه . وبيض الله وجهك . قصيدة جزله من شاعر جزل .. تحياتي لكم ودمتم بخير وعافية ... |
|
|
|
|
22-10-13, 05:25 PM
|
#3 | |
|
مستشار القوافي
|
قول وفعل ياراع الطيب
صح لسانك وعتلا شانك قصيده جزله من راس جزل |
|
|
|
|
22-10-13, 05:37 PM
|
#4 | |
|
شـــــاعر
|
صح السانك
يازبون المخاسير |
|
|
|
|
22-10-13, 08:22 PM
|
#5 | |
|
إداري سابق
|
الشاعر القدير محمد سماح الغيداني صح لسانك مليون على هالجزالة والابداع الغير مستغربه
الله يعافيك ويطول عمرك |
|
|
|
|
22-10-13, 08:44 PM
|
#6 | |
|
إنتقل إلى رحمة الله تعالى
|
كفو كفو والف نعم يابومشعل
والله قصايدك جزله وتحث على الطيب والعلم الغانم الله يعطيك الصحه والعافيه ويطول بعمرك |
|
|
|
|
22-10-13, 09:15 PM
|
#7 | |
|
إدارة المتابعة
|
كفو كفو كفو قول وفعل يابو مشعل صح السانك مليون على هذه القصيدة الجزلة يالجزل |
|
|
|
|
22-10-13, 09:56 PM
|
#8 | |
|
إدارة المتابعة
|
صح الله لسانك ولاهنت وسلم فكرك وبنانك دمت برعاية الله وحفظة |
|
|
|
|
22-10-13, 10:00 PM
|
#9 | |
|
مستشار شئون الاعضاء
|
تسجيل تواجد في منبر الجزاله صح لساانكـ بيض الله وجهك |
|
|
|
|
24-10-13, 04:02 PM
|
#10 | |
|
شـــــاعر
|
الشاعر الفاضل سند العريمه
أشكرك على المرور و المتابعه و التواجد الدائم معنا و هذا الإطراء الجميل شهاده اعتز بها و اعتبرها تاج على راسي من شاعر جزل دمت بخير يحفظك الله |
|
|
|
|
|
|
|
|
 |
 |
 |
العرض العادي
