محاورة بين الشيخ الداعيه عايض القرني و تركي الميزاني

سلام يا رمز الأدب والدين وبحور القصيد=ياللي بنيت أمجاد وصروح ما تمحاها السنين
إنت بزمنا أكبر عطايا وقتنا وأغلى الرصيد=ولا أقول غير الله يخليكم ذخر للمسلمين
أهلا هلا بالشاعر المقدام والشهم الرشيد=في حضرتك ننثر سنابل كادها والياسمين
إليا ذكر تركي ذكرنا قصة القول المفيد=أقطف زهور الورد من شعره على مر السنين
الله يبارك فيك ياللي كلما زادوا تزيد=وتبني من الأشعار ما تذهل عقول السامعين
النار فاتح بابها والموت في حبل الوريد=لكن متى تصحى قلوب الغافلين النايمين
ذكرتني بالنابغة والبحتري وابن العميد=مجالس المأمون في بغداد وأيام الأمين
معاوية نمدح علومه مير ما نمدح يزيد=وش لون نمدح من توهق حيل في قتل الحسين
هذي شهادة والشهادة منك يا دكتور عيد=نبي نعلقها على جدار الزمن للتابعين
أحد بها الدنيا شقي و أحد بها الدنيا سعيد=تمر دورات الزمن والعاقبة للمتقين
أبي أرسل الأشواق لكن كيف يحملها البريد=أحسن نوصلها وليلة عيد شوق الطيبين
أرجوك خبّر كل مخذول وشيطان مريد=قبر الغزاة ديارنا وحنا عيال الفاتحين
ضاعت حلول المشكلة يا شيخنا مابه جديد=إلا غرور أهل اليسار وصمت أصحاب اليمين
مدري نقول لما مضى من وقتنا ليته يعيد=وإلا عليك نهل كل الدمع يا بدر وحنين
اليآس ذنب وعندنا أحفاد المثنى والوليد=والشبل من ذاك الأسد وأرض الوطن كله عرين
من يعتصم بالله ربه عاش في عمره سعيد=يبشر بحفظ الله له ويكون في حصن حصين
حنا بلشنا بالقريب اللي عرض دون البعيد=يا صعبها لا حولت ما بين خشم وبين عين
الجرح مبطي مابرى والصبر ذاب مع الجليد=ولا أقول غير الله يعين القانتين الصابرين
حنا تعودنا على طحن الحجارة والحديد=ولا نخاف الموت لنّا للجنان مسافرين
عدونا والله ما يحميه زيد ولا عبيد=على جماجمهم نشيد مجدنا الباهي المتين

يعطيك العافية

و بيض الله وجه شيخنا الفاضل/ عايض القرني

و صح لسانه

مشكور وبيض الله وجهك على هالنقل الجميل

الله يـعـطـيـك الـعـافيـــــــــــة


اخـوك الـحـب الـبـاقـي


دمت بخير

يعطيك العافيه اخوي بندر

محاوره رائعه

بيض الله وجهك على المنقول

محاوره رائعه وقويه

اليآس ذنب وعندنـا أحفـاد المثنـى والوليـد
والشبل من ذاك الأسد وأرض الوطن كله عرين
من يعتصم بالله ربه عاش في عمـره سعيـد
يبشر بحفظ الله له ويكون في حصـن حصيـن


الله الله الله

ماشاءالله ابداع اكثر من رائع

صح الله السنتهم وبيض الله وجيههم

ومشكور اخي بندرالحربي على النقل والأختيار الرائع

تقبل تحياتي

ودمت بخير

شكرا لكم اخواني
على المشاركه بالموضوع
دمتم بخير

صحت السنت الشعار

وبيض الله وجهك

مشكوووووووووووووور يعطيك العافيه