سلام ياهل السلام اللي برده خبر

	المشاركة الأصلية كتبت بواسطة حفيد الحجيري

	صح لسان الشاعر الخلوق والكبير مضحي بن جمران وصح لسان لشاعر الجميل البدراني بيض الله وجيهكم

الله لايهينك ياشاعرنا الفذ حفيد الحجيري ولاعليك زود ابيض وجه تشرفنا بهذا المرور الجزل والنير لشخصك العزيز لاعدمناك

	المشاركة الأصلية كتبت بواسطة مهجرس الحرف

	السلام عليكم وصحة السنتكم جميعاً وبيض الله وجيهكم على هذا الطاروق الممتع والمحبوك تحياتي للجميع

وعليكم السلام والرحمه والاكرام
صح بدنك يابو فارس وجهك ابيض ولاعليك زود يالوافي
تشرفنا بهذا المرور لشخصك العزيز والغالي على الجميع لاعدمناك

	المشاركة الأصلية كتبت بواسطة محمد عويض البدراني

	أخوي ابو أحمد اضع ردك وانا اشاء الله لاجيت ارد عليك لاني معزم الليله والان طالع تخبر الليله خميس

ابشر والرد موجود وانا شرحك سرا يابو عويض لكن انا عندي مشكله بالجهاز والله عدة مرات كل ماكتب الرد واجي ارسله يطفي الجهاز والله مادري يقلون افاق وشامل والخدمه زفت ومنيله بستين نيله لكن المعذره والتاخر بالرد خارج عن الاراده وان شاء الله الساعه الثانيه عشر اكون متواجد والختام بردك الاخير

	المشاركة الأصلية كتبت بواسطة حميد رشاد الجابري

	صح لسانك يامضحي بن جمران...وصح لسانك يامحمد البدراني... طارووق متميز...

صح الله بدنك ياحميد بن رشاد الجابري ومليون هلا وغلاء
الله لايهينك ماعليك زود يالجابري تشرفنا بهذا المرور النير لشخصك الكريم لاعدمناك

	المشاركة الأصلية كتبت بواسطة مضحي بن جمران

	اللي له الحظ قام يالقرم طاف وعبر=المسعد اللي عبر اللي له الحظ قام واللي يعشق المنام وشو رصيد الغبر=وشو رصيد الغبر اللي يعشق المنام

النور يجلا الظلام والسيل عدا الزبر = السيل طم الزبر والنور يجلا الظلام
مانيب راعي غرام لاشفت طق الطبر = لاصار فيها طبر مانيب راعي غرام

صحت السنتكم محاوره جدا طريفه

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح الله بدنك والله يعافيك شرفتنا بهذا المرور النير يابو نواف لاعدمناك

مضحي بن جمران=
سلام ياهل السلام اللي بـرده خبـر=وان شح رد الخبر به من يرد السلام
اللوم مالي ملام مالي ياغير الصبر=محمود غب الصبر اللوم مالي ملام
محمد عويض البدراني=
يامرحبا ياالكرام و ياطويل الشبـر=مافيه قاصر شبر من بين كل الكرام
ويش تنتظر بالكلام مافيه خاطر جبر=ماغير قالوا وقلنا في جميع الكـلام
مضحي بن جمران=
دام البقاء والهمام ياهل اقلام الحبر=ياهل اقلام الحبر دام البقاء والهمام
همه نبي واهتمام قبل الغزيه سبر=اليا نظرنا السبر نقول فيه اهتمام
محمد عويض البدراني=
يا الله حسن الختام كل البشـر= للقبـروأشوف مامن عمل يا الله حسن الختام
أنته رفيـع المقـام وشاعـراً معتبـر=احسب حساب الغزيه يارفيـع المقـام
مضحي بن جمران=
اللي له الحظ قام يالقرم طاف وعبر=المسعد اللي عبر اللي له الحظ قـام
واللي يعشق المنام وشو رصيد الغبر=وشو رصيد الغبر اللي يعشق المنام
محمد عويض البدراني=
الوضع ماهو تمام ناساً غطاها الوبر=واللي ماله وبر اشوف وضعه تمـام
واللي مشى بالحرام اشوف بطنه كبر=واللي بطنه كبر يازين ترك الحـرام
مضحي بن جمران=
الحر حلق وحام الغيـم تـوه زبـر=والغيم ساعة زبر الحر فالجو حـام
يازين حد الحسام يعجبك كان اختبر=مبطي وهو ماختبر يازين حد الحسام
محمد عويض البدراني=
الحر روح عدام معـاد عظمـه جبـر=معاد عضمه جبر من عقب ذاك العدام
عاين لسرب الحمام وتشوف منه العبر=مايندرا وين عبر عاين لسرب الحمام
مضحي بن جمران=
الطق وصل العظام اللي غطاها الهبر=عدا حدود الهبر الطق وصل العظـام
غناء لحون الهيام على شواطى الخبر=على شواطى الخبر غناء لحون الهيام
محمد عويض البدراني=
النور يجلا الظلام والسيل عدا الزبر=السيل طم الزبر والنور يجلا الظلام
مانيب راعي غرام لاشفت طق الطبر=لاصار فيها طبر مانيب راعي غرام