سلام الله على الزاير سلام الله على الحضار

	المشاركة الأصلية كتبت بواسطة سالم العرم

	صحت السنتكم

صح بدنك لاهنت يابو خالد وحياك الله وابقاك
سعدنا بهذا المرور النير والتواجد الجزل لاعدمناه

	المشاركة الأصلية كتبت بواسطة غازي الزغيبي

	محاورة جميلة و شعار كبار بيض الله وجيه الشعار:

حياك الله وابقاك يامراقبنا القدير وشاعرنا العملاق ابو طلال
شهادتك وسام فخر على صدورنا ولا عليك زود ياشاعرنا العلم
وجهك ابيض بكل الجزلات والعلوم الغانمه سلمت ودمت
لاهنت اسعدنا مرورك الطيب وتواجدك فخر للجميع طال عمرك

صح الله السنتكم ابداع غير مسسسسسستغرب من الغالي مضحي ومن الغالي قراح
شعراء متمكنين الله لايرمينا في حلوقهم ونروح فيها ههههههههههههههه

	بدا الشاعر : قراح الحربي ،،وقال :- سلام الله على الزاير سلام الله على الحضار سلام يرفع السهم المضـارب ويتفـرد بـه

	الشاعر : مضحي بن جمران ،، قال :- هلا يامرحبا ترحيبتاًٍ تستثمـر استثمـار تبي ترفع رصيد اللي تثمرها وتشهر به

الله الله الله

طاروق رائع

صح الله السنتكم اخوي قراح ومشرفنا مضحي

اشكر الجميع على المرور لا هنتم

قراح الحربي=
سلام الله على الزاير سلام الله على الحضار=سلام يرفع السهم المضـارب ويتفـرد بـه
ليامنا حضرنـا فـا البـلاد وعدواالـزوار=من الي يذكرونه كايـف الطـاروق يلعبـه
مضحي بن جمران=
هلا يامرحبا ترحيبتاًٍ تستثمـر استثمـار=تبي ترفع رصيد اللي تثمرها وتشهر به
ليا منا صرفنا عملة اليورو مع الـدولار=يجي الاول كما الثاني وذا من ذاك ياقربه
قراح الحربي=
عسا فيك البقا ياتاجر واقف علـى الـدوار=لياشاف البضاعه كاسده له فعل يشكر بـه
يدوم المصرف الي ما يعامل با البلد سمسار=ليامنه صرف عمله يخسـر نافـخ ذربـه
مضحي بن جمران=
اصرفها ليا شفت الشريطي مبتلش محتار=ليا ضاعت حساباته مابين الجمع مع ضربه
نعامل تجارٍ دايم ونظاراته ماهـن بقصـار=نزيه امين صادق والوفاء فالقرم نشعربـه
قراح الحربي=
كلامك معتبر يا طيب الرفقه وريف الجار=ولكن البلا مـن تاجـر بلـوا وتبلشبـه
يقول ان الشهود اثنين والثالث يطق الطار=ويامنك فتشت ابضاعته ياهي كما الشربه
مضحي بن جمران=
تراء ماكل غصنٍ لو تمايل يحمل الاثمـار=وانا لاشفت غادي ماسلكت الدرب مع دربه
خلصنا ونتهينا بعد طفينـا حريـق النـار=سلمنا والسبب ماهو ضروري نعرف السبه
قراح الحربي=
انا ما همني يا مضحي الي يلعب المزمار=ولا هم العرب همه ولاهو واصل الغبـه
ولكن لا يبيع البزر في سوق الذهب بزار=وعلى راسه ليا منا زعلنا بـزره انكبـه
مضحي بن جمران=
انا ابشرك صافي صفنـا مابينهـم قمـار=ومن طار وتطير خبـره لايامـن الصبـه
وراع الحب نشرله على دكانـة العطـار=لعله عنده يصرف جميع الحب من خبه