الله من وقت يتقلب تقليب

السلام عليكم ورحمة الله وبركاته

الله من وقت يتقلب تقليب=قلبٍ على بطن وقلبٍ على ظَهَرّ
من حين تصبح شمسنا حتى تغيب=ومن حين يمسى ليلنا لين الفجر
حنا سوات اللي على جال القليب=هاذي نوردها وهاذيّه صِدر
نجذب بأدينا على كثر الجذيب=أيادينا بلت ولا نلقى عذر
كلّ ما تملى الحاض يغديه النهيب=نهايب مضميه لانهايب بطر
لابده للوريّد مصداف الغريب=ولّا عابر سبيل ومضميه السفر
من يمنع الطرقيه عن شرب العذيب=لا يامن الدولاب لو انه يفر
فإن عِجِّلت له أمسى في دار اجانيب=ومن وخرت له واعذابه من سقر
ألا يكود أتبع خطأ فعلاً مصيب=الله غفور ولا غير الله من غفر
وحنا بما نصخى خواطرنا تطيب=ونكافي من يقبل عطانا بالشكر
لو وِرّدَنا لا خمس ولا سدس ونصيب=ميرادنا نارد على راس الشهر

وسلامتكم

صح لسانك ياطلال
تمنياتي لك بالنجاح والتوفيق

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة