قصيدة بمناسبة اكتمال دية عوض الحويفي

ياهاجسي حضر حروفك وابتدع عذب القصيد=وأحسب حساب الوقت وأكتبها على أطرف قافيه
وأتـــرك قديم الشعر عطنا من هواجيسك جديد=اللـــي تبـــيض وجـــه راعيها لاجــــاء الميقافيه
الـــلي يــخيل بـــروقها من قبل لايــسمع رعيد=يــــبشر بـــــجزل الشعر وعلوم الرجال الشافيه
ســـلام يـــاربعي هــل الطالات والفعل المجيد= ســــلام ياحرب الوفاء وضيوف حرب اللافيه
في موقفن يحتاج له وقفة عضيدن مع عضيد=وقفة لها حرب الحرابه وقفتن متصافيه
الله يبيض وجه ربعي والوفاء ماهو جديد=يشهد لها التاريخ والامجاد بالاضعافيه
تباشري ياامل بوقفة حرب باليوم السعيد=وقفاتهم مثل السعد وتحقق الاهدافيه
وقفت لها حرب الحرابه ماتصد ولاتحيد=لاضاقت ادروب السفر جونا على الأكتافيه
كسابة الامجاد بالميقاف مروين الحديد=الأولــــه مـــكسب لــــها والــــــثانيه تنـــعـافيه
مرخًصين المال والأرواح بالوقت الزهيد=ودون القبيله وقفوا في وقفة الأنصافيه
قاد المسيره من يحفظ الطيب ويضد الضديد=عبدالله محمد نحيت ولايبى عرافيه
في كل موقف للقبيلة من قريب ومن بعيد=له وقفتن تحسب لها الاشهاد وقفة كافيه
الطيب من ساسه وساس الطيب بعروق الوريد=حرن شهر مايبدي الا عالي المشرافيه
في مجلسه تلقى الوفاء والطيب والراي السديد=للكيف والنوماس وسلوم الرجال الضافيه
راعيه شيخن بالعلوم الطيبة دايم يزيد=الله يمده بالسعاده والهناء والعافيه
لا قيل عبدالله نحيت يشوش راسك للمفيد=سباق لعلوم الرجال البينة والخافيه
عــــز الـرفيق ومكسب لربعه عسى عمره مديد=نــــسل الرجال أهل المواقف والــعلوم الصافيه
له في مواقيف الوفاء والطيب هامات ورصيد=في بنك وافيين المكارم والعلوم الشافيه
وبنيــت مــــن تـــقدير وأحساس وغلا عقداً فريد=وأهـل الوفاء تستاهل اللــي قيل بالمـــــحرافيه
واختامها صلوا عدد ماقيل من حرف القصيد=على النبي اللي هدانا بالعلوم الوافيه

الشاعر
حمود حامد الجابري


تحياتي
طلال الجابري

صح لسانك وبيض الله وجهك يستاهلون ربعي حرابة الدول

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

صح لسانك يالجابري وصح لسان شاعرها ماقصرتم

والامير عبدالله بن نحيت ماهو مستعيرها من احد . ابوه محمد بن نحيت شيخ الشيوخ وفكاك المحابيس وابو حرب هذي القابه الله يرحمه وابن نحيت من قديم الزمان ذرى للقبيله

[table1="width:95%;"]