مجارة لقصيدة الشاعر نواف الحصني ( مابعد سوريا )

هذه قصيدة الشاعر القدير نواف الحصني

مـــافـــيـــك يـــاســـوريـــا يـــــاكـــــود زيـــــتـــــون =والــــزيــــت زيــــتــــون مــــاهـــــو نــــفـــــط oil
تــــحــــيـــــون يــاشــعـــبـــهـــا ولا تــــمـــــوتـــــون =مــيــزانــكــم عـــــــــدل ولا صـــــــــار مــــايـــــل
ربــيــعــكـــم مــايــكــيـــف ربـــــــــع شـــــــــارون =والـكـنـقـرس مــــن ضــنـــا ذيـــــك الـعــوايــل
واحسلـهـم مــن ســلاح الـغــرب تـشــرون =ولا مـــــن الـــــروس لــحـــروب الـفـصـايــل
بـالـطـايـفــيــه قــــبــــس بــــــــوش وكــلــنــتــون =رحـــتــــو ضــحــايـــا خـبـيــثــيــن الــعــمــايــل
لــيــن افـتـرقـتـو عــلــى سـبـعـيـن مـجــنــون =ومـــــــن الـمـجـنــايــن حــمــقـــى مـاتــحــايــل
دوك الــــخــــوارج يــشــيــلـــون ويـــحـــطـــون =والــــرافــــضــــيــــه فـــعـــايـــلــــهــــم فـــــعــــــايــــــل
والـلــي عــــن الــديــن والــدولــه يـفـصـلـون =والـــــلـــــي دعـــواتـــهــــم مـــعـــهــــا وســـــايـــــل
والله لــتـــبـــطـــون ثــــــــــــم والله لـــتـــبـــطـــون =يـالــلــي تــحـــرون كــوفـــي ويــــــش قـــايـــل
يـبــيــعــكــم يـشــتــريــكــم عـــــنـــــد جـــــالـــــون =مـــــــــن عــــالـــــم مــايــعــرفـــون الــجــمـــايـــل
ذولا لـــــيـــــعــــــود الــــبــــلــــيــــون مـــــلــــــيــــــون =صـكـو عـلـى اعهـودهـم وســـط الـزبـايـل
انــتـــم عــــــن ازمــاتــهــم مــنــتــم بـــتـــدرون = عــــج الـتـقـشـف نــفـــش روس الـجــدايــل
لـــبـــنــــان مــــــــــن يـــمـــهــــا لاتـسـتــغــيــثــون =بـــغـــداد مــــــن دونـــهــــا حـــطــــو حـــوايــــل
وان كـــان الاشـــراف مـاقـامـو بـمـاعــون =والـــتـــرك فــــــج الــســمــا مــاعــنــه حـــايـــل
صكـو علـى الفـرس قبـل الفـرس يالـون =لــطــايــفــيــه تـــــبـــــى تـــــحــــــط الـــرحــــايــــل
راح الـــلــــولا لـلـخـمـيـنــي وبـــــــن زيـــــــدون =خـــــــــل الاقـــالـــيــــم وشـــــمـــــول الــقــبـــايـــل
ومن يكسب الشام يكسب ملك هارون =مــــن يـخـســر الــشـــام ويـــــذوق الـهــوايــل
يـــاكــــاف يــــــــا قــــــــاف يــامـــيـــم يــــانــــون =يـــا سـيــن يـاعـيـن يـــا الـســت الـجـلايــل
اخـــــاف يـــــم الـنــجــف بـــكـــره تــحــجــون =لاتـامــنــون الـخــطــر والــخــطــب هـــايـــل
الـــــعــــــز لـــــلــــــي لـــوحـــدتـــهـــم يــــبــــذلــــون =الـــجـــاه والـــمـــال و الـــحـــرب الـحــبــايــل
اخـــيــــر مـــــــن عـــزلــــة فــيــهـــا يــهـــانـــون =لابــــــــارك الله فــــــــي لــــبــــس الــمــخــايـــل

اقول صح الله السانك الشاعر القدير نواف الحصني فقد قلت واجزلت ولك بياض الوجه وانت حقيقة من افضل من تكلم عن هذا الوضع شعرا ً الله يعطيك العافية
وقد جاريتك بالقصيدة التالية اعجابا ً بما قلت من جميع النواحي لعلها تنال اعجابك واعجاب الاخوان

الشاعر الي يجر الصوت بلحون = ولا يركب إلا على قب الاصايل
القاف موزون وايضا الفكر موزون = يقول قو ل ٍ على نهج الاوايل
يضرب على الكايدة وابليس ملعون = ماهو بخبل ٍ تدسس بالخمايل
حييت ياراس صامل تحته امتون = من روس ربع ٍ يشبون الفتايل
نواف نواف دام الناس يوحون = والكل يملك اثباتات ودلايل
وبه ناس شالوا وبه ناس ٍ يحطون = بالهرج والفعل مايبر الغلايل
الخارطة وزعة والسر مدفون = والي على الخيل في عينه يخايل
وشلون مدري وحذرا تقول وشلون = البير يحفر ولاشيفت نثايل
والشاطر الي تمسك بالدركسون = ويمكن بسد الخفاء دموعه همايل
من لايخطط بوقت العسر والهون = هذا هو الي تسواء به عمايل
اللون وحد المن هو يجهل اللون = والكيل وزع وبه خازن وكايل
والي بشاشاتنا دوم يتعادون = صدقنا لايهمكم كثر الملايل
الي للاثار والجره يقصون = يميزون الصديق من المحايل
والي على سكة الحجاج يومون = اومايت ٍ بعدها جمع القلايل
خمسين عام ٍ على الخطه يسيرون = مكتوبة السلسلة هي والسلايل
وتمامها منكتب من بعد ستون = ثلاث ٍ وبعدها حذراء تسايل
خليتها جمرة ٍ في راس غليون = ماهي بحفرة ولاجرف ٍ مهايل
والي يميز وعنده راس وعيون = يدري وش العلم ويعرف الحصايل
والي على نومهم لومايقومون = اخير من قومة ٍ ترجع فشايل
اخص من راسه مغطاء ومدهون = العز مايطلب من الي ذلايل
ياعمر يالي على الكعبة تصلون = الوضع خربان واكبرحمل مايل
تكفون تكفون ثم تكفون تكفون = من لايشيل الحمل ماقيل شايل

فايزموسى البشري