ديوان الشاعر عبدالرحمن عبدالله مفوز المحمدي

بسم الله الرحمن الرحيم
السادة أعضاء ملتقى حرب ومجلس إدارته المحترمين
السلام عليكم ورحمة الله وبركاته وبعد تشرفنا بدعوة
أبو روان لزيارة ملتقاكم وسرني وشرح صدري
ما رأيت فيه وبهذه المناسبة أهدي لكم هذه المصافحة
من خلال أبيات ارجو ان تنال استحسانكم ورضاكم ،،

سلام مني يا ملتقى حرب وأعضاه=يا أهل الكرم والطيب وأهل الشهامة
ودي عليكم أبعث أشواق مهداه=من واحد منكم مرسلة مع سلامه
نبغى نهنيكم على الصرح وبناه=اللي حمل أسم القبيلة علامة
وذا شي نفخر به وكلنا نذود لعلاه= وأنا واحد من اللي يفتخر بإنضمامة
دعانا النويمي للزيارة واجبناه= اخو عزيز ولا نعارض كلامة
أبو روان يمون وحنا بيمناه=عند النوايب يعتبرنا سهامه
اللي يصوبها على صدور اعداه=هو سيفنا المرفوع وحنا وسامه
وذي تلبيه مني بها رد لنداه= عسانا نحقق رغبته مع مرامه
اهلا هلا بالملتقى ومن تولاه=ونسق فروعه واجتهد في نظامه
وجميع من زاره من اضيوف وأبناه=وعادات ربعي يعشقون الكرامة
اللي يجيهم يحصل من الطيب لمناه=يلقى المحبة ولا ينقصون المقامه
على حسب قدره منهم الطيب يلقاه= ولا يروح عنهم خاطره به ندامه
هذا وصلوا عد نو نثر ماه=على شفيع الامه يوم هول القيامة
محمد رسول الله لا حل طرياه=عسى الله يوفقنا لسنته واحترامه

السلام عليكم ورحمة الله وبركاته
هذه رساله وصلتني من احد الاصدقاء عبارة عن مسج على الجوال

أبرسل المكتوب يمك وأكزه=عبر السحاب اللي نشوف ارتكازه
تنثر على الشاشه سلام منزه=تنظم حروفه زين خلف القزازة
الشاهد الله كم لكم من معزة= غير الغلا مالي مقاصد وعازه

وقد علقت عليها بهذه الابيات
عسى ان تستمتعوا بها

يامرحبا وأهلين في كل حزه=وقت الدوام أو كان وقت الاجازه
بالمرسل اللي سلامه يدزه= في داخل المكتوب والطيب حازه
هو عزني وأنا يعلم الله اعزه=والكل منا يفتخر بإعتزازه
تقدير وضروف الدهر ما تهزه= بحول ربي غير يبقى عزازه
هذا الكلام وباقي الهرج جزه=يالشاعر اللي جس شعري وهازه
ثابت وراسخ مثل خبرك مرزه= ما يغيره ميل الهوى واهتزازه
وانت اضنك تبي تستفزه = مدري عجب والا تدور غرازه
ان كان معجب هات بيرق ورزه= وان كان غيره لا تقرب لغازه
يحرق لمنهو اصبعه فيه غزه=عساك تسلم والسلامه مفازه

السلام عليكم ورحمة الله وبركاته
لقد كتبت هذه القصيده في حفل مزاين حرب لظروف خارج عن الأراده لم اتمكن من القائها في الحفل هذه امامكم وارجوا ان تنال استحسانكم

يالله باسمـك أبتـدي نظـم الأشعـار=وأهدي سلامي حـرب واللـي حظرهـا
نيابه عن أهل الحفـل كبـار وصغـار=أرحـب وأهلـي عـد وابـل مطرهـا
بأهل الحفل واللـي لفـى الحفـل زوار=والله يديـم الـدار والـلـي عمـرهـا
واللي حماهـا مـن طماميـع وأشـرار=وخلى التلاحم صورتـن مـن صورهـا
ومن كلمة التوحيد سـوى لهـا أشعـار=وجود بناها عـن الشـرور ونصرهـا
عبدالعزيـز وجعلـه اليـوم فــي دار=الفردوس الأعلى يقتطـف مـن ثمرهـا
ومن حمد ربي عقبه على النهـج سيـار=سنـه حمـيـده ومقتفـيـن لأثـرهـا
والحفـل هـذا دليـل مـن الأثـمـار=نتـاج بـذره صقـر الجزيـره بذرهـا
تزينـي يـادار فـي لبـس الأســوار=وحطي علـى جيـدك غوالـي دررهـا
ثم افرحي يادار فـي شـوف الأخيـار=وقولي هلا في بدوهـا وفـي حضرهـا
وهاتي مزايين الأبـل اللـي لهـا كـار=عند الرجـال اللـي تحبهـا وتخبرهـا
شوف الأبل يجلى عن العيـن الأكـدار=ويرجع على العين المريضـه بصرهـا
شهد لها الخالق كيـف تلفـت للأنظـار=في شوفهـا وشـوف طلعـت وبرهـا
زين الأبل يحمـل معانـي ولـه أدوار=في عرفهـا وطبوعهـا وفـي سيرهـا
وهذى مزاين حرب من نسـل الأحـرار=تسـر وتعجـب كـل منهـو نظـرهـا
هـذى عطايـا الله قـعـدان وبـكـار=عسى الله يجنبها الخطـر مـن بشرهـا
عسى الله يرزقها بالحيا وزود الأمطـار=حتـى تربـع فـي طـوارف ديـرهـا
وعسى الله يديم الأمن وخفضان الأسعار=ويديـم للديـره نورهـا مـن قمـرهـا
عبدالله حبيب الشعـب الناصـح البـار=ووليه وإخوانـه عزهـا وهـم جبرهـا
الله يديـم لـعـز وافـيـن الأشـبـار=هـم ذخرهـا لامـن تطايـر شررهـا
اما ابـو فيصـل بـه المـدح يحتـار=الـلـي مـذلـل للمـزايـن وعـرهـا
كريم سبـلا يـده مـن الخيـر مـدرار=احيـا نباهـا عقـب وقتـن دثـرهـا
تشجيعه وبذله من علامـات الاصخـار=وصـدق المحبـه للأصالـه نـذرهـا
لاما غدت في كل المناطـق والامصـار=فكـره عظيمـه مشعـل اللـي نشرهـا
ترفع له البيضـاء علـى راس مسبـار=بعال الهضاب ومـن نظرهـا شكرهـا
وعساه يسلـم مـن صواديـف الاقـدار=ويبقـى وسـام معلقـن فـي نحـرهـا
أهل الأبل تاقـف لـه اجـلال واكبـار=لجلـه اعـاد لهـا لجزيـره سفـرهـا
تراث الاجداد اللي سمعنـا لـه اخبـار=صرنـا نشوفـه مـا نتحـرى خبرهـا
يامير مشعل انـت والصحـب الاخيـار=تشريفكـم ملـك القلـوب و اسـرهـا
جيتك اضفـت علـى الحفـل الانـوار=أهلا هلا بـك أنـت واللـي حضرهـا
نهـدي لبـو فيصـل ترحيبنـا الحـار=من اعماق القلوب اللي بحبـه غمرهـا
ولايفوتني بالشكـر مـن كـان سهـار=علـى نجـاح الحفـل وأحيـا سهرهـا
أخص لأبن دليم ومـن معـه حضـار=عبـدالله البدرانـي وقفتـه نعتبـرهـا
وقفت وفـاء منظورتـن سـر وجهـار=واللـي معـه أفعالهـم مـا نحصرهـا
عسى الله يوفقهـم مـن غيـر أذكـار=وأرجو السموحه من شأن أبغى اختصرها
ابو بدر يستاهـل مـن الشكـر مليـار=ومتـأكـد أنــه مايـبـي ينتظـرهـا
ولكـل منهـو حاضـر الحفـل مقـدار=وقنوات التراث اللـي باسمـه شهرهـا
تستاهـل التقديـر مـع كـل إصـرار=لأفـرادهـا والعاملـيـن بـأسـرهـا
مـن اكبـر مديـر ليـاحـد كـومـار=المصـور اللـي كاميراتـه سطـرهـا
وهـذا الحويفـي يبـي بـس مـعـذار=من كـل شخصيـه بالحفـل ماذكرهـا
الكـامـل الله والبـشـر دوم قـصـار=وكلـن حسـب جهـده يمينـه فسرهـا
وصـلاة ربـي علـى سيـد الأبـرار=إعـداد رمـل سهولهـا مـع حجرهـا

بسم الله الرحمن الرحيم
أيها الأحبة الأعزاء اسعد الله أوقاتكم في كل خير الحقيقة أني مقل بالشعر الغزلي وتوجد عندي قصائد قديمه بهذا اللون أحببت أن أشارك بإحداهما وهي مخففة القافية (هجينيه) لأني تعودت كتابة هذا اللون بهذه ألطريقه وارجوا أن تنال إعجابكم

ياليتني ماعرفت الزين =ولاحل بالقلب مسكانه
من يوم عرفته وحالي شين=وهلت دموعي على شانه
كل السبايب رموش العين =ومصادف بخط سلطانه
يوم كان يمشي مع الخطين =أشر لي الزين باعيانه
وقفت حاير ولا أدري مين=اللي رماني بنيرانه
أغديت الفرامل مع البنزين =وتركتها في ترس مليانه
نزلت ظني على التأمين =اثري بها القير في خانه
قالت امسكها ووقف زين =سيارتك ليش عجلانه
قلت اسمحي لي يانور العين =مفتون ثم شاف فتانه
ايات خدمه وويش تبغين =قالت على العرف عطشانه
تقدر تجاوبني بهذا الحين =ويش قال ربي بقرآنه
قلت السؤال الذي تنوين =فاهم جوابه وعنوانه
لا هو بتبارك ولا بياسين =بسورة الحجرات يافلانه
يذكر ربي به الناسين =جعلهم طبقات سبحانه
من أجل التعارف يانور العين=ولايصير تبقين ظميانه
وهذا السؤال الذي تعنين =وردي على قلبي عنانه
قالت حبيبي وحلف يمين =قلبي هدف وانت نيشانه
صبت الهدف مانته من المخطين =برميه صويبه وفنانه
مير ارحم الحال لا تغدين=أبقى طريحه وغرقانه
سلمت أمري وقلت أهلين =عبد(ن) مسلم لعمانه
يالله مشينا ولاتبكين=نقطف من الحب واغصانه

الساده أعضاء ملتقى حرب الأعزاء السلام عليكم ورحمة الله وبركاته
هذي القصيده انجليزي عربي وهي من قصائدي القديمه احببت أن أشارك بها
والكلمات الانجليزيه بين قوسين

(ذا لاف) أثـر عـلـى جــروح=(ان سـايـد) القـلـب مخفـيـه
(الويـز كراينـق) بـلا مصلـوح=(يـو مصت)تنظـر لـي شـويـه
(بلـيـز)لا تسيبـنـي وتــروح=(ان يـور فـايـر) بــلا مـيـه
(دونت ثنك مي لاير ) واقول مزوح=(بليـف مـي) يـانـور عينـيـه
(نـووي) نقـدر معـاه نــروح=(تـو تشنـج) سكـه سـوى ذيـه
(هو كان تـل مـي) لفيـن اروح=(كــان اي فايـنـد) دوا لـيـه