يا مرحبا والمعاني ليلها دوب طاب

	المشاركة الأصلية كتبت بواسطة حفيد الحجيري

	نعم الآن استطيع اقول الملعبه انتهت لان نهاية الملعبه تكون اما بانسحاب احد شعراءها بطريقه مباشره وهذا مالم تفعله انت او بطريقه غير مباشره وهي النزول او الانحطاط بالالفاظ البذيئه التي لا ليس بها معنى او نقض للفتل بل هي تعتبر ( كرارة) الشاعر اي نفاذ مخزونه الشعري واللغوي وهذا ما فعلته انت تماما ، لأنك عرفت من محاورتي معك انني يستحيل ان اجاريك بهذا المستوى من الانحطاط اللفظي ولن اقول الشخصي وحاشا لله ان اقصد شخصك،، تبقى على العين والراس اهنئك على حسن قراءتك لقبيلك وتفكيره إذن بعد الختام أتمنى منك ان ترجع تكرّ النظر فالمحاوره وتتمعن ابياتي قبل ابياتك ،،، قد تجد الان ما فات عليك وقد تستفيد مستقبلا فأنت لديك وُجد لفظي مع قليل من الالمام بتركيبة وطريقة ادارةالمحاوره لا اقول انك تهذري بما لا تدري ولكن لو قلنا ترمي على الفاضي والمليان وتقول يا صابت يا خابت فهو كذلك ,,,,, اشكرك كل الشكر على وقتك الثمين واترك الحكم لغيري وغيرك لا عدمناكم

اتعلم منك ياحفيد الله يقوله
اخي انت بعض خلص الوقود من عندك بدا عليك النزول عن قولك
مثل البنت تفل الشعور
وتجاهت بيتك هذا وأنا عرفت تبي تنزل لن الوقود قاضي وحاولت اعدل فيك شوي وردك الى صلب المحاوره من جديد وجبت مهند ونور عند قولك
لي أنا مهند وانت نور يعني انا الحرمه وأنا رجال وهم اصحاب تماثيل نسال الله لهم الهدايه
ورديت عليك برد عقلاني قلت
مادم انت سميتك نفسك بمهند انت مهند وأنا طويل الشبور يعني رجال طويل شبر وانت تعرف المعنى هذا
وجبت الطامه الكبرى وش تبي اسوي فيك تبيني اعطيك مثل ماتقول لي حشى لا قولها لك ولا لغيرك
نعم انا امام الكلام الذي لايرضاه الدين نعم أنا مهزوم وانا اعترف

	المشاركة الأصلية كتبت بواسطة االبرق

	عودت مثل ابن عمك مير سفوا تراب = صفحتك سودا وتبقى لك بطول العصور ان احسب أن قدمي رجالن واثرها ذناب= والى قطعنا الذنب ماعاش قطون وثور الشعر شعر ويواجه بشعر وبعد نزولك بالمحاوره بعد ما ضاق عليك الخناق الحياء من الله ثم من الناس لااستطيع النزل معاك بهذا السلوب مع السلامه

افا افا افا يالذرق اسمحلي ان اقول لك انك انت اللي تلفظت الرجال بهذه الالفاظ السيئة
كيف تقول هذا الكلام و تقول لرجال سفوا تراب و تقول اذناب و تزعل على سعد المحمدي
تو عرفنا و تأكدنا ان مقصدك خوف من العملاق / سعد المحمدي و ليس قصدك الكلام الوسخ

اللي يرفض الرد علىالكلام الوسخ مايبدأ فيه مع الشعراء الآخرين

	المشاركة الأصلية كتبت بواسطة حميدان العوفي

	افا افا افا يالذرق اسمحلي ان اقول لك انك انت اللي تلفظت الرجال بهذه الالفاظ السيئة كيف تقول هذا الكلام و تقول لرجال سفوا تراب و تقول اذناب و تزعل على سعد المحمدي تو عرفنا و تأكدنا ان مقصدك خوف من العملاق / سعد المحمدي و ليس قصدك الكلام الوسخ اللي يرفض الرد علىالكلام الوسخ مايبدأ فيه مع الشعراء الآخرين

هذا نزول في حد المعقول ياحميدان العوفي والتراب افضل من ماقالوا عيالك عمك ياحميدان لاتقول شي لا وانت واعي والاذناب ماهي وساخه هم يعرفون معناها

	المشاركة الأصلية كتبت بواسطة االبرق

	هذا نزول في حد المعقول ياحميدان العوفي والتراب افضل من ماقالوا عيالك عمك ياحميدان لاتقول شي لا وانت واعي والاذناب ماهي وساخه هم يعرفون معناها

اخي البرق السب مثل هذا البيت
اليا حدوك اعيال حرب المطانيخ= اصبر على جور اليالي وكل زق

حفيد الحجيري=
يا مرحبا والمعاني ليلها دوب طاب=يا مرحبا بإسم حرب وخصّ بإسم البشور
بابرق وسط السما تبرق فبطن السحاب=عزّ الله إنك ولد قومن ما فيهم قصور
االبرق=
دام البقا يا مبرمجها على كل باب = يامدغم الشيخ وكلها حسبها فطور
البرق بيرق وينزلها عليكم عذاب = والذيب يعرف يتصرف كان واجه نمور
حفيد الحجيري=
حتى من المرحبا يا هيه أشوفك تهاب=الملعبه فأولتها يا وساع الصدور
اصبر واعلمك منهو صقر منهو غراب=يالعارفه بعد ما فاتتك بين السطور
االبرق=
انته ترحب وانا ماشفت زاد وشراب = خل التراحيب لين مهيلتكم تفور
أصبر شويه وانا بعطيك منا خطاب = نظام ساهر ترى ماهو بنقطة مرور
حفيد الحجيري=
آسف ولا اعيدها ، كنت احسبنك عقاب=لكنّها الطيّبه ما تنجني فأرض بور
الفارس اللي يوخرّ عن ملاقا الذياب=فاللازمه والصعيبه بندقه ما تثور
االبرق=
لو لاك غلفتها بين السماء والضباب = لاقول عينك صغيره ماتشوف الصقور
أنطح وجيه الظفر مانلتفت للذباب = عساك يالاجويدي مانته عليه معسور
حفيد الحجيري=
لو رِدْت حطيتها ما بين ضرسن وناب=لكن ما اضحيّ بعرجا عينها عين عور
فالنطح انا اشهدلكم في حمحمتكم عجاب=وانا لك الله على الذبّان شفني صبور
االبرق=
حطاب ليلن تحطب الشين مامن صواب = وانكان ترفع خشيمك حاضرن بذرور
عميان صوران ربي حطكم فم داب = والى قطعت الذنب شبكتكم وسط سور
حفيد الحجيري=
شبيت ناري وأثَرْكُم ثلج فالحال ذاب=حروفكم ما تمد العلم فيها قصور
بالهرج فزتوا ، وفزنا بالعلوم الصعاب=واللي شبك فيك حاول تقطعه لا تبور
االبرق=
أثر الحجيري مثل ضحضاح هاك السراب = يعدي مع الناس بالزفه بجرة بخور
ياموصف (ن) ابن عمه جهل مدري عتاب = الله يازينها عانه عليها أمحرور
حفيد الحجيري=
مجهول الأنساب يبغى يطول عكف الشناب=ذكرتنا بالهنوف اللي تفل الشعور
ارفع علومك شويّه يا قليل الزهاب=لا تحط راسك براسٍ ما تبلّه بحور
االبرق=
ساسي موثق ولاحساب لامثلك حساب = احفظ لسانك ودمك ليش يبغى يفور
يا كم شربنا بحور موثقه بالكتاب = لاتحط نفسك بحور انته غدير مخبور
حفيد الحجيري=
ساسك كما الخيمه العوجه بليّا طناب=أنا كفيلك ليا صادفت نقطة مرور
يا طايره مسافره للهند من دون اِياب=بأرسل معك حي يمكن له فدلهي جذور
االبرق=
ظلمتك حضك وهذه فيك تنزل عقاب = ياحيف من رجل لا ضاقت يعود لزور
اونست بالقلب يارجال شلفا ذياب = ولانيب قايل بقايا الحج تصنع خمور
حفيد الحجيري=
لا صار برهانكم وقت الملازيم غاب=لا تلوم قاضي حكم بالشرع خلك جسور
أدري جرحتك وجرح العام ما بعْد طاب=لكن تريّح وعظمك لا تزيده كسور
االبرق=
من السماء انزلت لي نجمن كبار الهضاب = واليوم هيا تصرف قبل دهن السيور
لا تلبس شماغ وانته قبل لاباس كاب = قدرن مغطى وخلك مثل بعض القدور
حفيد الحجيري=
ما نيب قايل كلامك يالمصَدَقّ كُذاب=صادق . وبعض النكت تبعث علينا السرور
لبسي محاريد جدي وأنت عاري ثياب=وأحيان أقلد مهند يوم أشوفِك يا نور
االبرق=
من ضمن ماصاب راسك مكملن بك نصاب = لكن تقاوم صوابك والفواد معصور
للبس دروعن الى واجهت سيف وحراب = صدقت انته مهند وأنا طويل الشبور
حفيد الحجيري=
بَعَد ما حملتّها حنتّ ظهور الركاب=من حملها قامت (اِ)كْحيله تعدّ الشهور
مادام صدقتني كفك حَمَرْ بالخضاب =واليا طلبتك طلايب خِلّ مش الأمور
االبرق=
عودت مثل ابن عمك مير سفوا تراب = صفحتك سودا وتبقى لك بطول العصور
ان احسب أن قدمي رجالن واثرها ذناب= والى قطعنا الذنب ماعاش قطون وثور