مراسلات بين الاصدقاء

الاخوان الاعزاء بالمنتدى العزيز هذا احد المراسلات بيني وبين الاصدقاء
احببت ان اشارككم بها ...طبعا الرسائل المرسلة من منقولهم والردود من قولي
مع اطيب الاماني للجميع

.


.

الاخوين الكريمين ابو محمد وابو سلطان
من العجيب الغريب ان كل منكما ارسل لي ثلاث ابيات في نفس الوقت
والاعجب من ذالك ان كل منهما بدأت بأول كلمت( أبطى ...وأبطيت)
وكذالك تحوي نفس الموضوع ....ولعل ذالك من باب الصدفة بما ان كل واحد منكم فى ديرة
وبما انكما من متذوقي الشعر الذين يملكون ذائقه راقية وحس شاعري مرهف
ابي رأيكم بالردود والا الرسائل ماعليها كلام....

الابيات المرسلة من ابو محمد


أبطيت انا ماشفتكم يا أهل الطيب******يا أهل الوفا وأهل القلوب النظيفه

والحظ يخطي بعض مرات ويصيب*****يا ليت حظ الادمي حسب كيفه

وذكر النشاما مثل شرواك ما يغيب*****والكفو مثلك ما نحصل وصيفه


ردي على الابيات السابقة

أهلا هلابك يا منزه عن العيب*****راع البيوت المحكمات الطريفه

دايم على خبري راع مواجيب*****تحرص على كل الرجال الشريفه

أنت الرجل اللي توصف على الذيب***** بيتك عمار وجعل دارك مريفه

ياذيب يوم انك لنا تغيب وتجيب*****عطني خبر وش صار بأمر الوظيفه

يا ذيب يوم أنك رقيت المراقيب*****أتعب على الجزلة لو هي كليفه

من عاش بالدنيا يخوض التجاريب*****ومن رام للجزلات عاف الضعيفه

الأبيات المرسلة من ابو سلطان

أبطي ولكن يا أبيض الوجه ما نساك*****مكانتك عندي تراها عظيمه

عهد الصداقة أثمن انواع الاملاك*****ما يرخصه رجل حياته كريمه

وأنا حفظت عهود الاصحاب شرواك*****اللي لهم بين الرجاجيل قيمه


ردي على الابيات السابقه


يا مرحبا بك عد دورات الافلاك*****لك المودة والغلا والحشيمه

لا غبت محفوظ(ن) ولا جيت حياك*****غلاك ثابت والمشاعر مقيمه

ولاطالت الغيبه على الدار ننصاك*****القلب صافي والنوايا سليمه

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسان الجميع
لا عدمنا ابداعكم

صح لسانك مليووون وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير

صحت السنتكم
..
..
أسجل اعجابي
..
ويعطيكم العافيه ..
..

صحت السنتكم

صحت السنتكم وابداعكم الرائع
كلام جميل من كل الشعار
الله يعطيكم العافيه
/
\

صحت السنتكم وبيض الله وجيهكم


لكم تقديري