 |
 |
 |
| روائع شعريه |
| روائع الكسرات |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلتــقــى دواوين شــعــراء الــقــوافــي [ جميع الشعراء ] |
 |
|
|
أدوات الموضوع | إبحث في الموضوع | انواع عرض الموضوع |
|
|
|
| روائع شعريه |
| روائع الكسرات |
|
|
|
||||||||
|
|
|
||||||||
|
|
|||||||||
|
|
|
||||||||
| مــلتــقــى دواوين شــعــراء الــقــوافــي [ جميع الشعراء ] |
|
|
|
أدوات الموضوع | إبحث في الموضوع | انواع عرض الموضوع |
26-10-10, 02:11 AM
|
#1 | |
|
شـــــاعر
|
ديوان الشاعر سالم العرم
الرفيق تدري وش احلى شي في عالم الناس شـوف الرفيـق الـلـي ينسـيـك هـمـك سوالفـه تجلـي عمـس كـل هوجـاس ومحـبـتـه تـجــري بـشـريـان دمــــك ولهـب لـك مـن جـور الايـام نسنـاس قـال ابشـر بعـزك ولا احـد(ن) يهمـك ان اشهـد انـه بنـك مــا طـبـه فــلاس ارحـــت يـمــه يـــوم وان راح يـمــك مثـل الـعـلاج الـلـي يعـالـج للـونـاس يسـم فـيـروس الـمـرض مــا يسـمـك اليا شكيت الباس يشكـي مـن البـاس ثالـث اثنيـن اللـي هــم ابــوك وامــك رفيقـك اللـي كفـو ونحـاسـه نـحـاس ابلـيـس لا يشـغـلـك عـنــه ويـخـمـك حتـى ولـو بالمـال مالـي لـك اكـيـاس وسايـق وشغـالـه ومنـصـب يضـمـك الساس يبقى سـاس لا تغيـر السـاس لـو تفـرح اليـومـه يـجـي مــا يغـمـك وتبا الكلام اللـي مـن الـراس للـراس لـــزاد مـالــك لا تـبـيـع ابـــن عـمــك ............................................... الدنيا الفتاة اللي تخونك بعد عيشتـك الهنيـه يوم تسقيك الحلا وايام تسقيـك المـراره اضحكت لي واضحكت لك بالليال الاوليـه وانت تتبعها وتمسك عندها جندي خفاره آه يافيها مـن الميـزات هذيـك البنيـه ورطتني كالشجيع اللي تـورط بالسجـاره العيوب عيوبها لكن تحـط العيـب فيـه افتحت لي بابها ثم ادعت سوء الزيـاره والله انها ضيعتني بين ذيك وبيـن ذيـه قدمها ضاعت علومي ياخساره ياخسـاره ماني مصدق وتشبه لعبة الكاميرا الخفيـه احسبني شاطر وصارت هي الاكثر شطاره والله اني ضدها قررت ابرفع لي قضيـه واشتكيها بالمخافر والمحاكـم والـوزاره كيف تغريني بطيبتهـا وطلعتهـا البهيـه كيف قالت من دخل في دارها فالدار داره كيف قالت ودي اعلمـك فـن النرجسـيه قالت ان حبيتني حطيت لك منصب واماره كيف تنسينا القرابه والخوي ينسى خويه خلت الرجال ينسى صاحبه ويبيع عـاره كيف خلت من فعل بك خير تفعل فيه سيه مد لك يمناه في وقت الشدايد عن يسـاره نيته وحده يومنك لك ثلاثين الـف نيـه من جهوده صار لك عند العرب قدر وقاره آه يادنيا بك الفقراء وبـك نـاسٍ غنيـه والسعيد اللي عمل للاخره واختـار داره ................................... ....................... دام أنا سالم عناية الله وحمدي جدي .... يابس الابلال لصاحت له الحربيه القلوب السود يملاها المـرض وتصـدي مـا يعالجهـا طبيـب ولا بهـا حنـيـه والله اني شفتهـا ساعـة وأنـا متعـدي يوم عديـت الطويـل اللـي لظلـه فيـه وبان لي ما بان لي في وضعها المتـردي وطابت النفس وترفعت وغسلـت يديـه ليه مـا تحقـد عليـه دام ماهـي قـدي جات نيران العـداء فيهـا ولا هـو فيـه بوح سد اهـل الرذيلـه مايبيـح سـدي البيـوت معـززه والنـار نـاري حيـه دام أنا سالم عنايـة الله وحمـدي جـدي يابـس الابـلال لصاحـت لـه الحربيـه كل مسـرع لا يـزود سرعتـه ويهـدي قدم اسوي علـى دربـه مائـة دوريـه وان بغاها بالملاسن وان بغـى بالكـدي قتلت المجهول مـا تدفـع عليهـا الديـه والله انـه ودي اليومـه ولا هــو ودي خايف(ن) يرجع زمان كليب هو ووخيه !! .................................................. ..................... طبعي عنيد طبعـي عنيـد ومــن نسـانـي نسيـتـه واللـي ذكرنـي مانسيتـه ولــو غــاب والزيـن لـو يشـرى بمـالـي شريـتـه لكـن مـا جـاء لـه بـالاسـواق جــلاب في غفلـة ٍ مـن حـارس البيـت جيتـه العـام وإلا الـيـوم مــن دونــه ذيــاب همـي مـن العـربـان تسـمـع بصيـتـه وإلا الحرس ماني بحاسب له حساب يصعـب علـى الـزرع اذا مـا سقيـتـه والزرع غالي وانته تعرف الاسبـاب فـارس وكــم لـيـل ٍ ظــلام وسريـتـه يوم العرب ناموا ويـوم القمـر غـاب حققـت فــي مــاض العـمـر مابغيـتـه اسنيني اللـي ماضيـه كنـت مـا هـاب والـيـوم لـــو انـــي بـدربــي لقـيـتـه لوهـو حمـام يصيـر بعيونـي غــراب ودرب الهوى ماهو بعيب ان مشيتـه مشـاه بـن حثليـن قدمـي مـع عقـاب تاريـخـهـم قــاريــه وانــــا قـريـتــه وعقولهم تازن لها هضاب وهضـاب العيـب باللـي مـا عرفـه غـيـر بيـتـه وان جيت له في حاجة ٍ سكـر البـاب وإليـا بـغـاك بـشـيء جــاء كمبليـتـه لابـس ثيـاب وهـي ماهـي لـه اثيـاب هــذاك لــو انــه رحــل مـــا بكـيـتـه ارمي وراه من الحجر سبـع وتـراب هـــذاك لـــو انـــك بـيــدك كـويـتــه ما طاب من بلواه مـا طـاب مـا طـاب اجـسـام حـيـه لـكــن عـقــول مـيـتـه احساسها مدفون في وسط الاعصاب ونـهـي كـلامـي مـثـل مـانـي بـديـتـه والحـق حـق وصاحـب الحـق غـلاب والـهـرج لا مـنــي حكـيـتـه حمـيـتـه امـوت مـا قالـوا لــي الـنـاس كــذاب اخــاف مــن ربــي واصـلــي بـيـتـه وارجـي مـن اللـي للمخاليـق وهــاب وان شفت لي محتاج قمـت وعطيتـه لـعـل يقـبـل دعـوتــه رب الاربـــاب .................................. ........................... تــــــــــــكـــــــــــفـــــــــــــــى يانسل من هو يتعب الجيش والخيل حدتني ظروفي على شيء مقواه وجيتك وأنا أحس أني أودع الليل وأنت الأمل في دربنا اللي مشيناه تكفى ترى الحاجة تحد الرياجيل والطيب اللي مثل شرواك ننصاه ننصاه لصعبت علينا المواصيل بلاه رجل تفعل الطيب يمناه وننخاه بسم اللي شك الهم والويل اللي شكا من هم نفسه ودنياه مريض ما يقدر على الحط والشيل متساويآ عـنده مـمـاته ومحياه ما فاد به طبآ و لا فاد تحليل عجزوا رجال الطب والعلم بـدواه ومريضة تشك المرض والغرابيل تقول مطبوخة بقدرن اغلي ماه وصغير دمعه فوق خده هماليل يبغى مثل غيره ولا عنده ولاه يبغى مثل غيره مثل باقي الجيل لكن غاب اللي ليا ضاق وداه وحريم في جور الزمن ما بهم حيل غير البكاء وهمومهم والمعناه والوضع لا جيت اشرحه بالتفاصيل يطول لكن يالأمير اختصرناه لكن أبسندها على الجدي وسهيل نايف وبن نايف هل الطيب والجاه وانخاه بسم اللي شكا الهم والويل اللي شك من هم نفسه ودنياه تكفى ترى الحاجة تحد الرياجيل والطيب اللي مثل شرواك ننخاه .......................... ................................. واهني واهني اللي عطاه الله ناس تحبه اربع وعشرين ساعة ما طفى جواله ويامعين اللي جلس وحده وكل كبه لا احد(ن) يزهم عليه ولا تجيه رساله هل عرفتوا وش هو الحاصل ويش السبه السبب هذا الزمن قدر الرجل برياله عند رجل(ن) لو يعالج ما يحصل طبه وارث العله ويارثها وراه عياله قال لا شفتوا وليد المال صيروا جنبه وصفقوا له كل ماغنى لكم مواله وقام يكثر بالوصايا ياعساه الجنبه يحسب انه عارفه وهو حاله حاله دلهم دربه ودربه شين يقطع دربه دلهم درب الجهل والمصلحه والعاله المراجل شرق عنه وهو رايح غربه لا يغرك مشلحه مع ركزته وعقاله الهلالي لو درى هذا يجي من عقبه والله المعبود غير يقط راس هلاله وانصح اللي ما يبا هذا يجي من عقبه قبل لا يجيب الولد يشوف منه خاله يجتهد واليا اجتهد ما يلام والله حسبه والرجل يحسب لمخراجه قبل مدخاله .................................................. ................. التوبه قالـوا تتـوب وقلـت وشلـون ابـا تــوب اتــوب يوميـنـه وعــود عـلــى الـذنــب ضيعـت عمـري بيـن طالـب ومطـلـوب ما بين جمع وطرح واقسم مع الضرب كـلــي آلـــم كــلــي مـعـانــاه وذنــــوب حاربت نفسـي بـس مـا فـزت بالحـرب عصيتهـا طاوعتـهـا نــوب عــن نــوب تمشي وانا اتبعها مـن الشـرق للغـرب ابليـس خـلا المـر فـي عيونـي عـذوب يسقيـنـي العلـقـم ويـحـلا لــي الـشـرب واصبحت فـي دنيـاي ضايـع ومغلـوب كـل الـدروب اتسـكـرت مــا بـقـي درب مهمـا نشـوف مـن الغرابيـل مـا نتـوب اهــم شـــيء نـعـيـش ونـقـلـد الـغــرب نطرد وراء الدنيا مـن الصبـح لغـروب بالمظـهـر الـخـداع والـغــش والـكــذب نشوف عيب الناس وحنا اكثـر عيـوب لـكـن مـحـد(ن) يـقـدر يعـالـج الـجـرب الله عـطـانـا عـقــل وعـيــون وقـلــوب وتفكيرها محصور بالجنـس والشـرب الخيـر مـا مـن خيـر والشـر مصحـوب نقـرأ وننسـى مـا قـراءنـا مــن الكـتـب ننـهـى عــن التبـذيـر ونسـبـل الـثــوب ونقـول حنـا حـزب وحـنـا مـئـة حــزب بالمظهـر الخـداع نجمـع مــن الـطـوب واللـي وصلنـا لـه يجيـنـا مــن الـكـذب ماهي جداره شيء محسوب محسـوب ترفع بحـرف الـواو لـو موقعـك نصـب هــذا كـــلام الـحــق مـانــي مـغـصـوب وكرامتـي مـا تقبـل الضـيـم والغـصـب وعـداد مـا يكتـب علـى اللـوح مكتـوب صلـوا علـى سيـد البشـر طيـب القـلـب .................................................. ............. طابخ الفاس تـدري وش اللـي فالزمـن يدبـل الكبـد لصرت ترجي ناس ما عندها احساس الـلــي ســـواد قلـوبـهـا كـنــه العـبـ د متخالطـآ فيهـا الكهـارب مـع الـمـاس مـن كثـر مافيهـا مــن الـشـر والحـقـد مثـل الافاعـي تقـل ماهـي مـن النـاس لـو ان لــك معـهـا عـلاقـة مــن الـجـد لقطعهـا حـدت لـهـا سـيـف وامــواس ان جيـت تبنـي جسـر حطـت لهـا سـد يعـنـي جنـاحـك منكـسـر يابوفـرنـاس وعـودت تجنـي شـوك يـازارع الـورد اثر المثـل صـادق خبـل طابـخ الفـاس .................................................. ................... ولا ضاع علم الطيب بين الرياجيل تـدري وش اكبـر جـرح يجـرحـك بالحـيـل رفيـقـك الـلـي غيـبـتـك مـــا فـقـدهـا ولا ضـاع عـلـم الطـيـب بـيـن الرياجـيـل وش عـاد بـاقـي مــن عـلـوم(ن) بعـدهـا الله يـبــارك فـيــك ياعـتـمـة الـلـيـل لــولاك كــان الـنـاس راحــت بـيـدهـا اثــرك فـيـك دروس جـمـلـة وتفـصـيـل تعـلـم الـرجــال لـــو مـــا نـشـدهـا عرفـتـي العـربـان جـيـل(ن) وراء جـيــل ان الـمـواقــف مـالـهــا إلا ولــدهـــا وقـت الرخـاء كـل(ن) بـه يـحـط ويشـيـل مـن كـثـرت الاصـحـاب يتـعـب عـددهـا وقـت القسـاء يبقـى لــك الـجـدي وسهـيـل والـلـي يــدور غيـرهـا مـــا وجـدهــا والشـرهـه الـلـي يــم ريـمـان وشـعـيـل عـن سـايـر الاصـحـاب يقـصـر مـددهـا مـا تصلـح الشرهـه عـلـى غـيـر حلحـيـل الـلـي إلـيـا عـقــدة يـحـلـل عـقـدهـا .................................................. ................... الحضين الدافي لو كنت وافي لا تدور وافي الناس صعبه والزمن ياصعبه جرب ويظهر لك جميع الخافي لا صرت تجهل في علوم الصحبه اسمع كلام اللي سعى وطافي بالمعرفه يشبه طواف الكعبه القرب هو قرب الحظين الدافي ما غلا رمضان إلا عشان الشربه هذا مرض صاب العرب ياكافي وهذا الزمن عده زمان النكبه قليل تلقى واحد(ن) متعافي الرجل لصابه يجي في عقبه ....................... ................................... الخطبه قالـوا فــلان شـهـم وتنخـطـب بنـتـه قـلـت هـيـا وانـــا سـالــم خطبـنـاهـا دام ابوهـا مـن الـلـي شايـعـآ صيـتـه لازم انـــه عـلــى الـطــالات ربــاهــا من رجـال(ن) لهـم تاريـخ بالماضـي تشهد ادنى الرجـال وتشهـد اقصاهـا وتكـلـنـا عـلــى الله فـــوق مـوتـرنــا كــل واحـــد مـــن الاثـنـيـن يبـغـاهـا والحقيـقـة مــع الـطـرقـة تهـاوشـنـا كــل واحــد يـقـول الخطـبـه ابـداهــا والمصيبـة هـي الـلـي عـنـد والـدهـا مـالـهـا اخـتــآ وبلشـتـنـا انتـفـاداهـا وجــت علـومـآ كثـيـره يالله الخـيـره الحـقـيـقـة كـثـيــره واخـتـصـرنـاهـا واخـتـلـفـنـا وبـالـطـرقــة تـفـرقــنــا وجـــت عـلـومـآ لـكــن الله ســواهــا واحــد يمـيـن خـــط واحـــد يـســاره والقـواعـد مـــن العـجـلـه نسيـنـاهـا ثــــم جـيــنــا لـصـاحـبـنـا وحـيــنــا قـال وشـب الـرجـال الـلـي عرفنـاهـا جعـل مـا شـر جـعـل امـوركـم زيـنـه علـومـنـا تـــرى انفـسـنـا شغلـنـاهـا وابتديـنـا وكـــل(ن) يسـحـبـه يـمــه كــل واحــد مـــدح نـفـسـه وزكـاهــا وكل واحد رفـع صوتـه علـى الثانـي وازعـج النـاس حتـى وسـط مبنـاهـا ومادريـنـا ياغـيـر الـلـي لـنـا داخــل دوب تمـشـي ودوب تـحـرك خطـاهـا فـارقــه شـعـرهـا ولبـاسـهـا ضـيــق وعينهـا ناعـسـه والـمـوت بشفـاهـا قلـت ياراعـي البيـت الحيـاء واجــب ردهـــا ردهـــا مـــا تـقــل شـفـنـاهـا وجـت علومـآ حقيـقـة مــا نتوقعـهـا اكـرمـي ياوجـيـه الـنــاس ولـحـاهـا قــال هــذا ولــدي عبـيـد يــا حـافــظ اســم ابـويـه عقـيـد الـقـوم وقـداهــا ليـه وشبـك تـقـل ماانـتـه مصدقـنـي قلـت وشـبـه عـلامـه صــار حليـاهـا قـال هــذا التـطـور واخــر المـوضـه الرياجـيـل مــا تـفـرق عـــن انـثـاهـا وبعـد كـل الـخـلاف وكــل هالصـجـه والصداقـه مـع الصـاحـب خسرنـاهـا ابــك والله مايصـبـح خـــال لعـيـالـي ان رضـيـنـا لــهــا هــــذا ظلـمـنـاهـا واصطلحنـا مـع الصـاحـب وروحـنـا واخـــت هــــذاك لا مــعــاد نـبـغـاهـا ياشـبـاب استـحـوا مـاهـي عوايـدنـا ملبـس الـغـرب كـيـف إنــا لبسنـاهـا الخشـونـه تـعـز الـرجـل مـــا تـذلــه والرياجـيـل تـعــرف مـــن محـيـاهـا شوف كيف الردي يجني علـى عـاره وهــد بـيـت النشـامـا عـقـب مبنـاهـا من بلي يستتـر ويصيـر جنـب اختـه لايـراكــي هـــل الـطـالــه بـمـركـاهـا واسمحوا لي عن التقصير والحاصل حـاجـة(ن) شفتـهـا تـزعـل وقلنـاهـا ............................................... المهايط مادام السالفـة صـارت مشايـط وقت(ن) يشتهـر فيـه المهايـط ابا البس مشلح (ن) شقراء وغن وهايط مثل غيـري مـن يهايـط واقول اني رجل مـا فيـه مثلـي من علوم الوفـاء مالـي خرايـط مشارك فـي فتوحـات الجزيـره نهار(ن) ساط فيه النـاس سايـط وشاركـة الشواعيـر القـدامـى بساعات الرخـاء وإلا الشطايـط وأنـا لقلتهـا ماهـي غريـبـه غريبـه مـن ملقطـة اللقـايـط يبـون يحولـون الحـب قـبـه ونسوا مـا بالسجـل وبالخرايـط وجو قـدام ضربـه هـم سببهـا ولا حطو لهـا سـد(ن) وحايـط وحايطهـا التـوقـع والـركـاده عن اللي مـا تخيطهـا المخايـط جبرنـا الوقـت بـس الامـر لله نهايط بـس عـن ذاك المهايـط ................................................ المرثية الاولى بالوالدة غفر الله لها البارحه قلبي سرت بـه جروحـه من المساء للصبح كني على نـار كله سبب برقن إليا شفت ضوحـه ذكر علي اللي لهـا بالحشـا دار لو يمزح المزاح ما اقبل مزوحـه الحزن قدامي كبر ضلـع سنجـار حطم طموحي حطـم الله طموحـه مفرق الغاليـن قصـاف الاعمـار عزالله اني كنت في كنـف دوحـه ذرا عن البارد وظلن عـن الحـار اللي يضحي دون روحي بروحـه وشلون ما تبكيه عيني والاشعـار اللي غذاني ورتويـت بصبوحـه في وقت تكسب به مربيت الابقـار ياخالد احفظ كل ما قلـت ووحـه واكمل حقوق الوالده سر وجهـار إلحق ترى من راح ما رد روحـه لو تنتخي بالناس من كل الاقطـار نار الفراق ان جات قلبك تلوحـه وبركانها من قوها بالحشـا ثـار واشتد ما بيـن المعاليـق فوحـه ولا عاد لك قدره على صلف الاقدار ياحظ من سابق سقوطه نجوحـه وقد قام بالواجب لمن الزمـن دار ويريحه عن كثرت الصمت بوحـه لقالوا اقرابه له انتـه ولـد بـار ................................................. ............. المرثية الثانية ياسامـر ابـا اشكـي لـك الـيـوم حـالـي واكشف لك اللي بين الاضلاع مقبـور مـن شـان مـا تزعـل اليـا شفـت بالـي ماهـو مـعـك وتـقـول يـابـوي مـعـذور اجـامـلــك وانــــا سـهـيــر الـلـيـالــي تقـول يضربنـي علـى القلـب ساطـور مـن كــف جــزارن مــن الـهـم خـالـي بعيونـه يشـوف البشـر تقـل عصفـور يـمـوت مــن شـوفـه قــوي الرجـالـي وشلون مـن غربـل بـه ايـام وشهـور جاني وابـا اعلمـك وشلـون جـاء لـي جاء لي بعـد فرقـا قريبـن علـى الفـور قريـب مـا مثـلـه مــن الـنـاس غـالـي احـبـهـا وامـــوت فـيـهـا ومـسـحــور حشمة عرب معـدن ذهـب راس مالـي بستـان فـيـه ظــلال واثـمـار وزهــور شمـسـن تـنـور لـي ظـــلام اللـيـالـي تمـدنـي بالعـطـف واللـطـف والـنــور حلـو النـبـا نـبـع الصـفـا مــاه حـالـي يروي عطش قلبي باحاسيس وشعور بلـسـم جــروح الله عـطــاه الكـمـالـي دكـتـور لـكـن مـاهــو ايـــات دكـتــور فـي حضرتـه نفـعـل ذنــوب وتشـالـي وفـي غيبتـه كـم ذنـب مـاهـو مغـفـور هـــذا قلـيـلـن مـــن كـثـيـرن طـرالــي وحبيـت اوضـح زبـدة العلـم بسـطـور ابا اوصي الاصحـاب ووصـي عيالـي الأم تـحــت اقـدامـهـا جـنــت الـحــور قــم واغتـنـم فرصـتـك قــدم الـزوالـي ترى الحيـاة دروس والعمـر محصـور ويــا الله يـاوالـي عـلــى كـــل والـــي اغفـر لنـا لصـار مـن عنـدنـا قـصـور ............................................. المرثية الثالثة البارحة دكدك علـى القلـب داكـوك سمعت لي كلمـة وثـارت شجونـي انا اشهد ان الغالي امي وانا ابوك اللـي غذتنـي ليـن كبـرت متـونـي اللي تحط ايدينها لي عـن الشـوك وتقول انا دونك ولا تصيـر دونـي يوم القسا والناس ما عندها بنوك تشري لـي الغالـي ولـو بالديونـي شرت لي الموتر وعبت لي البـوك وقالـت تحـرص لا تخيـب ظنونـي بسيط لكـن عايشـن عيشـة ملـوك اعطي عيال الاغنياء مـا عطونـي ما طاوعـت فيـه مبـارك ومبـروك اصحابـي اللـي قصدهـم يزعلونـي باب السماحه عندها غير مصكوك تبكي إليا دمعـي نـزل مـن عيونـي لعلهـا فـي جنـة الخلـد انــا ابــوك وياللي سمعتوا دعوتي جاوبونـي .................................................. ....... المرثية الرابعة وجدي على امي وجد من ماتت امه عمره ثلاث شهور والجوع طاويـه مـن بعدهـا مـا حصـل اللـي تظـمـه ياغيـر خالـه يــوم يضـحـك تبكـيـه قـــدام ابـــوه تـــورده عـــد جــمــه ولا غـاب يذبحـه الظمـأ مـا تسقيـه ابــوه راحـــت خـالـتـه كـــل هـمــه يـبـا يجازيـهـا عـلـى مـــا تـسـويـه شـاف العسـل لكـن مـا شـاف سمـه يشـك فـي نفسـه ولا شـك لــه فـيـه مــا يــدري ان ثـلاثـة اربــاع دمــه من السموم اللي إليـا غـاب تعطيـه والامـر ماهـو خافـي عـيـال اعـمـه لكـن مـال اللـي رعـى غيـر راعـيـه فــي ذمـتــي كـانــن لـلـرجـل ذمـــه مـا فيـه مثـل الأم مـا فيـه مــا فـيـه لا اخــت لا خـالـه لا جــده لا عـمـه لا مـن دفـع لـه مــال حـتـى تربـيـه واكبر دليـل ان جتـك ضيقـه وغمـه وشال صدرك شـيء ماهـو بقاويـه مـن تتجـه لـه يـوم جـبـت المطـمـه إلا لـمـخـلـوقـن تــعـــزه وتـغـلـيــه ان قلـت لأمـي قلـت هـرجـك وتـمـه صدقت والصـادق إليـا قـال نوحيـه وجـودهــا يعـطـيـك قـــوه وهــمــه من قال مثل المدرسـة قلـت لـه ايـه تـقـول سـلـم يـوصـلـك راس قـمــه لا نـام قلبـك عـن لـزومـه تصحـيـه وختامهـا صلـوا علـى خـيـر الامــه الـلـي موصـيـنـا وربـــي مـوصـيـه ........................................... المرثية الخامسة وجدي على اللي كل ما ضاق صدري قالت حشى ما يضيق صدرك وانا فيه ما اقول تـعلم غـيب لكن تـدري عن الكلام اللي بصدري مخفيه من صغر سني لين وش صار كبري وانا سوات البيت تسس وتبـنـيه تسرح على شاني وتضوي وتسري وتسوي اللي غيرها ما يسويه لمسة ايديها لا قوى السقم تبري بأمر الله اللي ميت الخلق يحيـيه ياما اجبرت في ماضي الوقت كسري وياما بغيت وقالت الدرب لا اتـيه وان قلت لي ما انته على قد خبري اقول خذ من زبدة الشعر تاليه عزالله ان الحال بالحيل مزري والمعترف ماهو بنايم تصحيه عاين ثماني عودت بعد عشري وقربت هقاوي من بعيده هقاويه ياصاحبي ياقوي قلبي وصبري على فراق اللي يـبيني وانا ابـيه ياليت ساعة قبرها كان قبري من شان مال الحي ميت ويـبكيه .................................................. ............... المرثية السادسة مدري صباح الخير وإلا مساء الخير لـكــن تـــدري كـلـهـن لــــك هــديــه وحـده تجيـك الصبـح لاغـرد الطـيـر وحــده تـجـي لابــان نـجــم الـثـريـه ارسلـتـهـا لـــك كلـبـوهـا مـسـايـيـر الــكــل مـنـهــا طـبـعـهـا نـرجـسـيـه اسوقـهـا ســوق الـــدلال المبـاهـيـر للغـالـي الـلـي مابـعـد شـفــت زيـــه اللي مولع فيه مـن يـوم أنـا اصغيـر وروح وخــلانــي وطــــول عـلــيــه ماهـو بكيـفـه بــس حـكـم المقـاديـر لـبـس علـيـه مــن القضـايـا قضـيـه قضيـتـن فـيـهـا تـســاوى المعـايـيـر بـيـن الـنـفـوس الظـالـمـه والـبـريـه ولو غـاب لـه عنـدي مكانـه وتقديـر ولـه صورتـن فـي داخـل البـال حيـه اعيشهـا واطـرب لهـا ياعـرب غـيـر مــا تقـبـل الشـرهـه لـهـا الافضلـيـه ولـلـي شــره مـانـي مـقـدم مـعـاذيـر مــن شأنـهـا ذكــرى حــدى والـديـه تصبح على خيرن وتمسي على خير لـو انتـه اقـرب لـي مـن المـوت ليـه ........................................... فراق الحبايب وش عاد باقي بالزمن من مصايب مادام راح اللي نعزه ونغليه اللي من اول له نسج الركايب ونفرح اذا جابو الناس طاريه الله يامقوى فراق الحبايب عز الله ان له جرح محدن يداويه جاني شباب وصرت في عمر شايب الله على ما صار فيه يجازيه ما تشوفني حاضر وبحساب غايب اصارع الغازي ولاني بقاويه احيان احس اني عن الشعر تايب واحيان من زود الطفش ننتخي فيه ومن بعد ما حطيت فوقه نصايب اطلعه من حفرت الموت واحييه ماهو طرب لكن ظروف ونوايب غير التسلي ماقفي كيف اخليه يطمع عدوي لالقاء المال سايب او شاف من يرعاه ماهو براعيه والله يالولاء اللي ذكرته سبايب لاقفل الباب المقابل وللغيه مالي وراء الشهره هجوس وطلايب ولاني من اللي بيت شعره يعشيه ولا قلت شعري لجل عكش الذوايب راع الهوى يبيع قلبه ويشريه يطيب يوم ويوم ماهو بطايب متقلبن فكره عسى الله يهديه ........ .................................................. اشره اشــره وانــا مــا تهمـنـي شرهـتـك لا مـنـك شـرهـت بـــلاك تـعــرف حـقــك وتـجـهـل حـقــوق الاخــريــن انــا تــرى حبـيـت ابــا اعـرفـك كـانــك مـــا عـرفــت ان اليـسـار الـهــم يـســار ان اليـمـيـن الـهــم يـمـيـن راجـــع حسـابـاتـك وتلـقـانـي الـيــا مــنــك نـظـفــت اطـالـعـك بعـيـونـي الثنـتـيـن مـاهــو نــــص عــيــن الــعــام كــنــت اجـامـلــك والــيــوم لا والله حـلـفــت لطلـق سـراح اللـي مضـى ثلثيـن مـن عمـره سجـيـن مــــادام مـاتـقــدر مـواقـيـفـي الــيــا مــنــي وقــفــت والله مــا تـشــرب قـــراح الـمــاء وحـنــا حـاضـريـن لــو قـلـت لــي تكـفـى وكـثـرت الـتـرجـي واعـتـرفـت مــن لا يـزيــن بـطـيـب لا مـنــا قسـيـنـا لـــو يـزيــن اومـنـت بــان الراسـيـات تــزول وإلا الـزفــت زفـــت والحنظـلـه تبـقـى مـرارتـهـا عـلــى طـــول السـنـيـن لـو انهـا شربـت مــن المـويـا الـقـراح الـلـي غـرفـت مــــا قــــدرت حــــلاوة الـمـويــا ولا مــــد الـيــديــن والـيـوم بـعـد انــي سعـيـت بـعـالـم الـعـالـم وطـفــت اومـنـت مــا يـوجـد ريــاض إلا ريــاض الصالـحـيـن وحذفت مدري وش حذفت وضفت مدري ويش ضفت بـس الوكـاد انــي حفـظـت الـلـي لـهـم رفـقـه وديــن ...... ................ .................................... وصف لا والله لا والله يــــا طويل العمر نشوان ظلـمـت الـفـرس يــوم الحـقـايـق تغـيـرهـا تقـول ان مابـه زود عــن بـاقـي النـسـوان وانـا اقــول يـفـرق راسـهـا لـيـن حافـرهـا ابـا اعطيـك وصـف وميـزه يارفيـع الشـان وانــا شـاعـر احــب الطبيـعـه واصـورهــا لهـا عنـق شـامـخ يشـبـه الـدلـه ارســلان بيـمـنـى الـكـريـم الـلــي بهـيـلـه مبـهـرهـا ولـهـا انـفـآ بــه الـعـزه يذكـرنـي بشـامـان من سيوف عزتها علـى الـروس نشهرهـا وجديلن كما ثعول المطر من علـى الامتـان سحـابـه عـلـى الطـايـف تبـاهـى بماطـرهـا وعينـن حـوت كـل الفـرايـد مــن الالــوان وغيـر النـعـاس الكـحـل كـاسـي محاجـرهـا وصدرن مثل فقع الزبيدي علـى الريضـان مـعـالــم تـعـلــم مـــــا تــعـــب مــدورهـــا وشفـة كمـا لـون الفـراولـه مــع الاوجــان نسـيـم الـهـواء لــو ناشـهـا ابــا يـعـورهـا وضحكـة دلـع مـن مبسـم الـلـول والـرمـان ورمــان صـعـده يـاسـعـد عـيــن تـاجـرهـا وقـامــه ورزه كـنـهــا شــوكــة الـمـيــزان وكمـا حـرف الالـف مقارنـه مـع مجاورهـا ولهـا خصـر مابـه زود عـن حبـة النيشـان يـبـا يتـعـب الـرامـي الـيـا جـــاء يعـايـرهـا ولهـا سـاق مبرومـن مثـل بـرمـة الثعـبـان يشـابـه خـطـوط المسـطـره فــي دفـاتـرهـا وخلـفـيـة الــكــزس الــيــا روح مـسـيــان يسـابـق ريـــاح الـصـرصـر الله يسـتـرهـا بـراعـة جـسـم مــا حطـتـه ريـشـة الفـنـان ونـعـمـة عـطـاهـا الله مـانــي بـحـاصـرهـا لـكـن ثـارنـي فيـصـل وزاد الـبـلا نـشـوان وطلـع علومـن كـنـت قـبـل امــس قابـرهـا وقلت اختبر نفسي على الوصف والوجدان ياوجدي وجـود اللـي خـذت قلـب شاعرهـا ................................................ ماهن مثل مي عـلـى كـلامـك ياطـويـل العـمـر هـــي يـمـكـن ديـانــه مـــا تـوفــت ديــانــه أو أن ربــي مـثـل مـيـت خـلـق حــي وراحــت ديـانــه وعقبـتـهـا جـمـانـه لكـن تبغـى الصـدق ماهـن مـثـل مــي الــلــي تـمـايــل كـنـهــا الـخـيـزرانـه قابلتهـا قبـل امـس بيمـن جـبـل طــي وقـامـت تـطـالـع فـــي كـيــد ولـعـانـه وقالت من اين وقلت انا من هل عطي وزادت شطانتـهـا القـديـمـه شـطـانـه مـدري تبهلـل فـي وإلا اعجـبـت فــي لـكــن تـقــل احـــس فـيـهــا مـيـانــه وقلـت وش رأيــك تخاويـنـي شــوي لا رحـت ادور بيـض طـيـر السمـانـه قالـت تمشيـهـا عـلـى مـيـن يـااوخـي كانـك صـخـر مـانـي تــراي ستكـانـه قلـت ابـك انـا سـالـم بعـيـد الهـقـاوي مرضـى علـى بـنـت النشـامـا خيـانـه لكـنـهـا خـــوة شـــرف يـابـعـد حـــي نـمـوت جـــوع ولا نـخــون الامـانــه .................................................. .... مقتطفات متـى طلبتونـا وقلـنـا لـكـم لا لو تطلبون عيوننا مارفضنـا وأنا معود من طرفكم علـى لا نسيتوا إنـا كلنـا مـن بعضنـا اكبر خسارة يوم كان الغلا ما كلام عيـت تمسكـه كـف يدنـا .............................................. الحاجـة الـلـي حــدت فــلان لـفـلان لـعــل ربـــي يـغـنـي فـــلان عـنـهـا كنت احسب الي لقساء الوقت خلان مثـلـي إلـيـا ضـيـق عليـهـا زمنـهـا واثـر المعـزه عندهـم هرجـة لسـان حتـى لـو انـي شخـص فيهـا ومنهـا ................................................. بعض العـرب فعلـه يحليـه للنـاس وبعض العرب تظهر حلاته فلوسه المال حط الذيـل فـي خانـة الـراس والفقر خلا الراس كل(ن) يروسـه .................................... العين تقتل مثل ما يقتل السيف والله يعين اللي تصيبه عيونك سبحان ربآ كملك بالتواصيف خلاك عالي والمخاليق دونك .................................................. ....... نهار السبت وموافق ربيع اخر مساء عشرين بعد عشر وثمانن واربع اميه والف منساقه جمعنا الله سوى نبغى نودع ناسن الغالين رجالن في دروب اهل الوفاء والجود سباقه وحنا يوم خاوينا الرجال اهل الوفاء والدين تمنينا يطول الدرب لكن ربنا ساقه وراع المعرفه قال اعرف الرجال من ثنتين ومعه ثالثه لمن ساقك رافقة ساقه وراع الطيب في وقت الشدايد والرخاء واللين تظلي رايته بالعز بين الناس خفاقه لو انه مات تبقى سيرته حيه مع الحيين اليا جاء ذكرها كلن وقف قايم على ساقه 0000000000000000000000000 قالوا تردى قلـت مانـي مجنـون اطيب ما دامي على الطيب قـادر الطيب يبقى وأهل الطيـب يفنـون يصير ماضيهم على الارض حاضر 000000000000000000000000000 لا تعتذر وتقول مانـي بقاصـد ولا تقول مالك حق تزعل وتنهار آسف يوم انك قلتها شـيء وارد طبيعة الكاذب يجمع له اعـذار ................... ..................................... اكثر العربان لشاف له غـاره يغيـر يحمل الجثه وهـو مشتـرك بقتالهـا والحقايق واضحه والبحر يصبح غدير عند رجلٍ عـارفٍ دقهـا وجلالهـا .................................................. .. زال الظلام وبان لي نور الاشـراق وغسلت حبك مثل غسـل الجنـازه قلبك حجر ما يحس في قرب وافراق ما تدري ان قلـوب غيـرك قـزازه ولا عاد لك في داخل القلب معـلاق واللي سواتـك مالنـا فيـه عـازه .......... .................................. فرقاك صعبه والظروف اجبرتني وعزي لمن مثلي ظروفه تكيـده سود الليالي بالمـرارة سقتنـي لا شك انا مؤمن وعندي عقيـده ............. ................................ لو ان الشمس تكسف والقمر يخسف بهذا الكون يكفي نورك اللي يـا بعـد عمـري ينورهـا انا خايف من الحساد والعدوان لو يدرون مفرقة الحبايب كيـف مـا تابـس حناجرهـا انا ماني مصدق بس لا تصدق ما يحكون ترى العدوان تفرح لا لقت واحد يناقرها ................. ................................... ياحب انا بلشت ماعاد احبـك ذقتك وجربتك وعفتك وبعـدت ما كنت اصدق فيك ناسٍ تسبك واليوم عما قيل لي فيك صدقت ............ ............................. دمعت حزن حلت بعد دمعت افراح وحلت على القلب المعنا مصيبـه قلبٍ شكى من لوعة الحب مرتـاح يصعب على المحبوب فرقا حبيبـه 00000000000000000000000000000000000000000000000 صدقيني عاشقٍ مغرم وحبي لك قديم من قديم الوقت حبك بقلبـي راسمه من بعيد الدار جيتك من ربوع القصيم وانت بداية حياتـي وفيـك الخاتمـه 000000000000000000000000000000000000000000 ان كانت الدنيا على هيك حاله مالي حسافه بعد حققت الاحلام كم شخص بالدنيا يغرك خياله وهو تصنيفه من حساب الانعام 000000000000000000000000000000000000000 الايام لو تصفي للإنسان ساعة تجي ساعةٍ فيها تضيق البصاير ولولا صواديف الليالي وكدرها ماغرد القمري وما طار طاير 0000000000000000000000000000000000000000 الزمن غدار ياكثر المصايب يغدر الإنسان في يومٍ وليلـه بالرخاء ياكثر ما نلقى حبايب وبالشدايد كلٍ اعلن في رحيله ياعجب ياكثر ما شفنا عجايب يازمانن ما عرفنـا مستحيلـه ................................................ لو كنت وافي لا تدور وافي الناس صعبه والزمن ياصعبه جرب ويظهر لك جميع الخافي لا صرت تجهل في علوم الصحبه ................ ............................. والله ان الظليمه شرها مستطير اوجعتني وانا رجال راعي جلد ما دريت ان ما بالناس صحوة ضمير لين شفت البروق وحن صوت الرعد ياعجب كيف تسعد غير في ضر غير يالله اني دخيلك عن وجيه الحسد والله اني بعيني كل واحد كبير ولا به اصغر من الظالم بعيني احد ................. .......................... الله يسود وجه بعض الرياجيل والله يبيض وجه سود الليالي عرفت فيها وش هو العدل والميل وعرفت فيها كل مرن وحالي وعرفت فيها راعي الجيش والخيل وعرفت فيها ناقصين الرجالي وعرفت فيها القطب والجدي وسهيل وعرفت فيها وش حرام وحلالي وعرفت فيها ما يسمى بابو ذيل وعرفت فيها للثقال الجمالي ودرست فيها دروس جملة وتفصيل وبدالي اللي بالزمن ما بدالي .......................................... يالغاليـة طعـم الحيـاة المـواصـل وإلا القطاعة طبع من مابهم خير وأنا ما دامي حي مـا حـط فاصـل يرخص لك الغالي ولا به معاذيـر واحـد فواحـد ناتجـه كـم حـاصـل اكيد واحد ناتج الحـب ابـا يصيـر وانت الوحيد الغالي اللي نراسـل وتصف لـه بنـات فكـري طوابيـر .................................................. ....... لضاق صدري نصيت الصاحب الغالـي اللي إليـا جيـت عنـده ينشـرح صـدري ولو هو نساني ترى ما غاب عن بالـي ياكـثـر مغلـيـه لـكـن تـقـل مــا يـــدري مـرت سنـه مــا طـلـع رقـمـه بجـوالـي حتـى الرسـايـل تغـالاهـا عـلـى قــدري وشلـون وشلـون يسمـع هـرج عذالـي وانا على شانه ارخص لو طلب عمري يانـاس تــرى القطـاعـه مالـهـا والــي وش عذركم يوم صديتـوا وش عـذري ............................................... سـلام ياسكـر وكـيـف الـحـال يا اغلى البشر واعز خلق الله ياللي تساوي لـك ميـة رجـال يـاحـي هالـصـورة وهالطـلـه .................................................. ....... [color="blue"]من كثر ما جاء لي من اصحاب واقراب والله فــــلا عــزيــت واحــــد ســواتــك ومن كثر ما اعزك ومحسب لك حسـاب لـو تطلـب عيونـي مـن الشـوق جـاتـك والله مـاعـايـن بـــك مـنـافـق وكــــذاب يـاغـالـي(ن) تـفــدى حـيـاتـي حـيـاتـك [/color .................................................. ....... المعـزة تجعـل الـرجـال يـرخـص ذاتــه لو يجيه من الرفاقه جرح ما يفطـن لـه آه ياراع الوفـاء محـد(ن) ذكـر وقفاتـه لـو يسـوي طيـب حطـوه الرفاقـه زلــه وفـوق هـذا سـاكـت ومتحـمـل معنـاتـه وان تكـلـم قــال يمـكـن ياعـسـى لعـلـه ياعسـى ناسـه تقـدر طيبـتـه وسكـاتـه ويعقلون وياصلون الرحم من شان الله ............................... ............ اهـــم شـــيء اواصـلــك بتـصـالـي حتـى علـيـه لــو رفضـتـوا تــردون وابا اللتمـس لـك عـذر بـلاك غالـي واقـول ممكـن مـا معـاهـم تليـفـون لـن القطيعـه مـاهـي بــراس مـالـي ولاني بجاهل ينقصه عرف وعيون وأنـا ادري انــك لــو تــدور بـدالـي ما انته بلاقي صادق حساس هلون ياكـبـرهـا كـبــراه يـاويــل حــالــي لا عشت مديون(ن) ولا مت مديون .............................................. .............. يـوم اجتمـع بالليـل سيـل(ن) وقـمـرا كـنــت اتـمـنـى لـــو عـلـيـه تـمـريـن والسيل فوق الارض والارض خضرا ولا ينقـص إلا شوفـة العـيـن للعـيـن .................................................. .............. ياناس وين اللي يطف الحرايـق في قلبي المهموم شبـت حريقـه من سبت اللي كان ليـه مصـادق ونسى صداقة صاحبه في دقيقه ...... .................................................. ....... تجبرني الحاجة على بعض الاشكال وارد نـفـسـي لـلـرخــم والـهـلامــي المرجلـه ماهـي علـى كثـرت الـمـال ياكـثـر مــال المغتـلـس والحـرامـي مـا كـل مـن جـاب الشهـادات رجـال ولا كل من كبـرت جيوبـه عصامـي شفت السحاب وقلـت يازينـك خيـال واثره مـا بـه مـاء وروحـت ضامـي .................................................. .............. المشكله ماهو بتربيت الانثه بعض الرجال الله يجيرك مغثه مغثتن يدبل كبود الرجاجيل وان جيت لدروب المراجل تحثه تلقاه ما عنده على قطعهن حيل وان شفت شكله زين والجسم جثه تذكر رقبة الزرافه مع الفيل ياللي تبث العلم بالله بثه وعلم به العربان جمله وتفصيل ان الردي ماهو بتربيت الانثه كم حرمتن ربت رجالن مشاكيل المشكله لصار بالعرق عثه والله ما يخضر ولو ناشه السيل تم الكلام اللي كتبته على اثه وعساه من جيلن يوصل على جيل .................................................. .................. لي صاحبا يسوى من الناس مليون راقي على كل المخاليق راقي والله لو طيبه يوزع على الكون والله ما يبقى من الكون باقي .................................................. .. والله اني كل ما شفتك تضيع علومـي ليه مدري ليه هذا اللي عطانـي ربـي الجمال اللي عليك برسمته مرسومي طلع اللي بالحشاء له مدة(ن) متخبي انت لو ما تعزم العالم تجيك عزومـي والكرم ماهو كرمك اللي عطاهم ربي ................................................. .................... اكتـب علـى الاوراق مـن زود فـنـي وانظـم الابيـات مـع صنـع الامـثـال وامشـي علـى الدنيـا بثقلـي وزنــي عاقـل ولـد عاقـل ومـن نسـل عقـال واعـرف مافـي خاطـر النـاس عنـي وابـدي لهـم جهلـي ولا نـي بجهـال صح احتـرم مـن عزنـي واحترمنـي ولي هيبة(ن) يخضع لها كل رجـال وقتـي يـوم انـه جـارنـي وامتحـنـي علمني دروس(ن) بها الخلق تهتال .............................................. قلبي خضر ودنات ما هز ساقه الله يـسـتـر لا يـوديـنـي الـنــار قلت اثقل شويـه وخـل الطفاقـه ترى الطفاقه تورث الهم والعار يـورط الحـلاق مـوس الحـلاقـه اليـا تعـدت حدهـا والـزمـن دار ................................................. عـديـت فــي راس الـطـويـل الـشـلاقـي في صحصح(ن) توه من الوسم ممطور فـيـه العـيـون تـصـب مـثــل الـسـواقـي وعلـى شواطيـهـن بـنـات كـمـا الـحـور .............................................. ما كل رجـال(ن) تحطـه فـي يمنـاك بـعــض الاوادم يـغـنـي الله عـنـهــا ان كان ماهو شيك في وسط مخباك مـثـل الجـنـازه خلـهـا فــي كفـنـهـا .................................................. ......... ما كل ما يلمع ذهب ياحبايبه بعض المظاهر كاذبه ثم كاذبه بعض المظاهر لا يغرك بريقها ادرس مخابرها وتترك طريقها احذر تناسبها وتصبح قريبها وتغيب شمسك قبل ياتي مغيبها ............................................. علمونـي خبرونـي وش هـو الارهـابـي علموني خبروني وضحـوا لـي بـاالله لا تلفـون الكـلام وتحرقـون اعصابـي نعنبوا رجل(ن) عن الحق تحداه الذله ................................................ ويش عذر اللي يخون اهلـه وخـان ترابـه يوم جاء وقـت الحسـاب النـار وإلا الجنـه كيف جنب عن طريـق اللـي غـذاه وجابـه كيف خـان العهـد كيـف العهـد جنـب عنـه كيف ينسى فضل مـن غطـى عليـه اثيابـه كيف ينسى الشكر لاهل الشكر واهل المنه كيف ما شاف الحرم كان الردي صلـى بـه كــان بالدنـيـا اجـنـان احـنـا تـرانـا بجـنـه ................................................. الله ولا خـــوة ردي الـمـعـرفـه اللي يعرفك يـوم وايـام ينسـاك اللـي إليـا منـك بغيـتـه بوقـفـه يصك عنك الباب ويقول مبغاك مجهـزن للبـاب درفــه ودرفــه يصكهـا ويفكهـا يــوم ينـخـاك .................................................. احدن طلع بالشعر واحدن له سنين ولا طلع يركض ولو انه ركض ركضه ترى ما طلعه الشاعر اللي شايفن نفسه علـى قلـت سنـع ودك إليا منـه تسـاوى لـك بوجهـه تصفعـه .................................................. . احب سامر قد ما احب خلود واحب خالد قد ما احب ابويه والصاحب اللي ساعة الضيق موجود اصنفه في خانة امي واخويه تفاخري ياباشة البيض والسود واكوي عدوينك ثمانين كويه محسودتن فيه وانا فيك محسود وطفيت نار اللي حسدنا امويه .................................................. ................. واهني اللي عطاهـ الله نـاس تحبه اربع وعشرين ساعة ما طفى جواله ويا معين اللي جلس وحده وكلٍ كبه لا أحدآ يزهم عليه ولا تجيه ارساله هل عرفتوا وش هو الحاصل ويش السبه السبب هذا الزمن قدر الرجل برياله عند رجالن لو يعالج ما يحصل طبه وارثه من راس ابوه وتاركه لعياله قال لاشفتوا وليد المال صيروا جنبه وصفقوا له كل ما غنى لكم مواله .................................................. ...... الورد وده يوم شافك يشمك اروح عنـك ويرجـع القلـب يـمـك يسوقني غصب(ن) عليه واجيلك ياساحرتنـي فـي عيـونـك وفـمـك البرق يبـرق بيـن راسـك وعينـك الله يـامـحــلاك يــاخـــف دمـــــك عـز الله انـك نــادره بـيـن جيـلـك الــورد وده يــوم شـافـك يشـمـك يمـيـل لــك ويداعـبـك ويحكـيـلـك ملكت قلبي وانشغل بك وضمك وقمت تلعب فيه كنه جديلك تكفى تلطف يرحم ابوك وامك ما دام انا منك وعليك اشتكيلك انا ابدوي صادق ولا اعرف انمك اصدقكك لا قلت لي ياحليلك انظر بوضعي كان وضعي يهمك ياحضرت الجاني دخيلك دخيلك ............................................. ................ اثنين مليون قل بي قصيد وقلـت كلـك قصايـد قصايدي بك فاقـت اثنيـن مليـون ياما سهرت الليل يـوم انـت راقـد احاول اصور لك الوضـع وشلـون حتى تصـدق فـي نهـار المعايـد استغفر الله يـوم كانـوا يصلـون كنـت اتنقـى لـك بيوتـآ فرايـد ما احب اكررلك على مـا يقولـون واسكت بعد عندي علومـا جدايـد تراي احبك قبل لا كون هـل لـون من يوم انا صغير بي الحـب جايـد ارسم على الجدران قلبين وعيـون تبى الصراحه كنت عنصـر محايـد لا تابـع النـادي ولا فلـم كرتـون يشوقني نسنـاس خضـر الجرايـد واكتب لك ابياتآ واغني لـك لحـون مع زود عمري فـي حـب يتزايـد مجنون ليلى غيره جنـون وجنـون من خاطرك ندعس على كـل كايـد لو كان صعب لخاطرك لازم يهـون وسواس حبك جـاب لـي النقايـد الناس نوب تعدني شخص مجنـون ولو اني من اللـي بشعـره يهابـد ويحكي مثل بعض العرب يوم يحكون يا كان رحـت دبـي لديـار زايـد وفي ذمتي يا غير اجيلـك مليـون .................................................. .......... الثوب المرودن مـن اللـي يرقـع الثـوب المـرودن يـوم جـابـه فــج وعلـي اعطيـه كيلـو مـن ذهـب واثنيـن مـن فضـه يقـولـون الـرجـال الصـقـر لـخـاوا الـدجــاج يـــدج وانـا اقـول اشهـد ان اللـي يقولـه مـا ظـلـم حـضـه اليـا طـاح الجمـل كـثـرت سكاكيـنـه وكــل(ن) لــج ولـكـن الجـمـل يبـقـى جـمـل لـــو طـــاح بـالـرضـه صحـيـح ان الخـيـال خـيــال لـكــن مقتفـيـلـه عـــج ولـه سيـل(ن) اليـا منـه لمـس حيـد الجـبـل قـضـه وهــذا هــو بــلاي الـلـي ذبــح قلـبـي وفـجـه فـــج وثــور بـــه بـراكـيـن(ن) مـــن الـنـيـران وتـلـضـه الا يالـلـي تـقـول انـتـه عـلامـك لـيـش بـالـك ســج وغض الطرف عـن مـن تـاه دربـه واتركـه غضـه انا وشلون ابا سمع لك وابا اخذ منك بعض الهرج وهرجـك يشبـه لمويـا البحـر وشـلـون ابــا مـضـه ياكـثـر الـلـي مـعـه هـجـو ولكـنـه وقــف مــا هــج يخض الخصم في وقـت الشدايـد ماحـد(ن) خضـه ولكـن ياشجيـع الهـرج قـول الـلـي مـعـك بالـخـرج سـلاحـك قــول قـيـل وقــال فـضـه لـلـعـرب فـضــه الا يالله يالـلـي لــك سـجـد عـبـدك وصـــام وحـــج تـزيـن حــظ مــن طـالـت يميـنـه وارتــدى حـضــه .................................................. ............. فلسطين صدقيني حزين انك بليا جناح يافلسطين مانتي لليهودي بلد تشتكين المصايب بالمساء والصباح بس مافيه رجال(ن) شجيع ارتعد ينصر اللي صنع له من صخورك سلاح يوم شاف ان من حوله بخل بالمدد صيرميآ يجابه بالحجر لين طاح يدري الموت قدامه ولكن ورد عازمآ جازمآ مسقي عدوه ذحاح اشهد انه ولد طحطوح نعم الولد ماتنعم وعاش الذل والانفتاح ردد الله واكبر واحتزم واجتهد ما نظر للرجوع اهم شيء المراح عارف انه حسب ما يزرع ابا يحصد كيف ننسى رسول الله وطعن الرماح كيف ننسى الصحابه كيف ننسى سعد كيف ننساك ياطارق وننسى صلاح وان بغيتوا بعد عندي علومآ بعد اشهد انه نجاحآ ماسواته نجاح نعمة(ن) ما تعد ولا تقدر عدد ياعسى يصحي النايم ويبدى الصباح صحوة(ن) توعي اللي في حياته رقد وللسعد بالمنابر يذن ابن رباح ويرعد الراعد اللي له زمن ما رعد ويرفع الصوت وينادي بحي الفلاح ولاتوخر رجال ولا توخر عتد والهبايب تهب وعطرها يوم فاح ريحة الجنة اللي للمجاهد وعد وعد وبل المزون اللي بها البرق لاح ياصلاتي على محمد وصلوا بعد .................................................. . العزيمه ماني من اللي ينعزم تالي الناس انا من اللي ينعزم فالبدايه اموت ما نزلت للمرجله راس لو بت ما حصلت لقمة عشايه الله ميزني وبي عرف واحساس وابوي علمني من العرف آيه قال انتبه ياكليب من غدر جساس لو ان جساس من اعز اخويايه وقال انتبه ترجي مرق من وراء الفاس حتى لو انك تطبخه للنهايه ترى الحياة دروس والناس دراس والموقف يبين بلاك وبلايه .................................................. .. مدح للحوامضة وشيوخهم مـنــا لــكــم تـحـيــة الاســلامــي اقولـهـا عـــن الـعــروم حـزامــي اقــف وامثلـهـم وأنــا ابــو خـالـد في ماقـف ٍ سامـي وعلـم ٍ سامـي لله يـحـيـي كــــل مــــن شـرفـنــا جـاءنـا ولـبـى دعـــوة الـعـزامـي والله يحيـي مــن وصلـنـا عــذره لـو كــان مـاهـو جـالـس ٍ قـدمـي ترحيبتـن مثـل الـذهـب والفـضـة والفـرق يصعـب وزنهـا بجرامـي يصعـب علـى راع الـوزن يازنهـا لانهـا جـت مـن بحـرهـا الطـامـي تارد سـوات العيـس فـي موردهـا لا جاءت من بعد الشديـد حيامـي مدت رجال العرف واهـل الجزلـه عـيـال مسـفـر بالنـهـار الحـامـي العرم مسفر مـن عيـال حويمـض زبـن الدخـيـل مـورديـن الظـامـي وما دامهم ربعـي عصابـة راسـي المجـد سيفـي والمـراجـل خـامـي حنـا يطيـب الطيـب مــن طيبتـنـا غرب وجنوب وشرقها والشامـي من دون قاصـر بالوفـاء ورجالـه الطـيـب عـرقـه بالنشـامـا نـامـي الحق يا اهل العرف يفرض نفسه وعـده إليـا جالـه مـجـال الـزامـي ومن لا حفظ ماضيه ماله حاضـر وأنـا اسلامـي وافتخـر باسـلامـي والرجـل لا مـن قـام دون حقوقـه ترفع له البيضاء علـى الاعلامـي يقـودنـا شـيـخ ٍ عـريـب ٍ سـاسـه شيـخ ٍ ولـد شيـخ ٍ وحـر قطـامـي له شيخـة ٍ مـن عنـد ابـوه وجـده ماهي بشيخة مـن وراء الاقلامـي يــوم الشـدايـد والحـيـاة القـشـرا قـــدام حـكــم مـطــوع الحـكـامـي الـفـضـل لله ثـــم لـــه واجــــداده واللـي يـقـول الـحـق مــا يـلامـي ذرا لـنـا عــن كــل بــرد وحـايــه مصمك صخر ماهو بيوت خيامي ظـل ٍ لنـا وقــت السـمـوم وحــره تقـول ماهـو مـن لحـم وعظـامـي عــج الـرمـك لـثـار يــوم الـقـالـه ضرغام ينطح له مائة ضرغامـي إليا غشى الزمـل الضبـاب وخيـم ستر العذارى مرعـب الاخصامـي علـى العـداء داب ٍ يـمـوت سـمـه مـن جـاه سمـه يذبحـه مـا قـامـي راع الشجاعـه والكـرم والفـزعـه المـجـد مـجـد محـطـم الارقـامــي والنادر اللي جبت بعض اوصافه تــرى شبيـهـه جـالــس ٍ قـدامــي نعـم شبيهـه غــازي ابــو محـمـد على اسـم جـده عاشـت الاسامـي اللـي علـى سلامـتـه مــع شـوفـه سـقـنـا البـشـايـر والله الـعـلامـي انتـه مثـل بــرق ٍ يبـشـر بالـمـاء منـه ارتـوت كبـد العليـل الظامـي إليـا حـدا الرجـال وقتـه جـاء لـك ومال العظـام إلا شجيـع عظامـي يجيـك هـمـه كـبـر ضـلـع تهـامـه ويروح مـا تقـل ان صابـه رامـي لك مجلس ٍ عامر لشفت اضيوفـه اقــــول لا حــاتـــم ولا حـتــامــي يـابـو الـكـرم والـجـود والـجـديـه وغيرك ولد عـم الكـرم وارحامـي هــذا قلـيـل ٍ مــن كـثـيـر ٍ شـفـتـه وزود حماسي وانتخيـت الهامـي وجاءت الفرايد فيك وحـده وحـده تجري كما البكره بـدون خطامـي بكره لـو انهـا جـاءت بـأم رقيبـه بأقـل مــن ملـيـون مــا تنسـامـي متـبـخـتـره والـبـخـتـره تقـبـلـهـا فـي كبرهـا مثـل البطـل صـدامـي لان راعـيـهــا تــســاوي عـيـنــه وعنـده عليهـا حجـة استحكـامـي مــا دور العـيـشـة وراء بيعـتـهـا لو بات ما عنـده عشـاء وايدامـي لــكــن يــهــد الــنــادره لـلـنــادر الـلـي تـفـوق الاربعـيـن بـعـامـي صلـوا علـى محمـد شفيـع الامــه تحـيـة اسـلامـي وخـيـر خـتـامـي |
|
|
|
21-07-11, 01:01 AM
|
#2 | |
|
شـــــاعر
|
الشاعر القدير /سالم العرم الحويمضي صح الله السانك على هالديوان الجزل والرائع والثري بكل ماهو جديد وجميل وصدفه خير من الف ميعاد مريت ولقيت هالديوان المنوع بكل علم طيب وبيض الله وجهك ياسالم على العمل الجميل والمجهود الرائع وترويت شعراً هنا يالعرم واتشرف اني اول من يصافح دايوانك يابن العرم واول من يرد عليه ولي عوده لاستمتع بهذه الدرر مرار وتكرار تقبل تحياتي اخوك/ عبدالله الدبياني |
|
|
|
|
|
|
 |
 |
 |
العرض العادي
