والغناه اللي تجي باخر عمر

البيوت محدده خمسة عشر=والهدف مكتوب في شات القناه
شرح موجز عن معالجة الفقر=وش مفاهيمه على قيد الحياه
ناجد ان الفقر للانفس قهر=يبهت الانسان ويقصر خطاه
كد تكلم عنه باالماضي عمر=لو وجدته حي ذكيته ذكاه
والغناه اللي تجي باخر عمر=طيبه لوكان مافيها طراه
الغناه اللي بها عز وستر=وابومتعب حي هوراس الغناه
عالجه في كل مايمكن واصر=يشلعه مشلاع ظرسٍ من جماه
في مراسيمٍ على شعبه تدر=مروي شعب تروى من غلاه
فيه حي زايره قصر قصر=عكس من شعبه تربص في دماه
والضمان اللي على راس الشهر=للأرامل واليتامى و العراه
منشين وحدات للي ماعمر=بالقرى والمدن في كل اتجاه
والقروض اللي تسدد من يسر=يستلمها الحي والميت عفاه
واطلع اللي طال سجنه من عسر=منثني في حمل باهض ماقواه
وأمن البعثات دعمه مستمر=من تقدم في شهاداته عطاه
اشهد انه معجزة هذالعصر=من تواضع يرفع الله مستواه