انا السجين اللي بالاعدام محكوم

بسم الله الرحمن الرحيم الرحيم
السلام عليكم ورحمة الله وبركاته

اخواني واخواتي هذه قصيده للسجين محكوم بالاعدام

اسال الله العظيم بقدرته ان يعتق رقبته ويعيده الى اهله سالما

ارجوو منكم الدعا له

وارجو منكم نشر القصيده بنا على طلبه لعل الله ان يعتقه

اليكم القصيده

انا السجين اللي بالاعدام محكوم = حكمي قصاص وراضي بحكم الاسلام
يفز قلبي كل ماقيل مرحوم =فزت سجين زاهمينه بالاعدام
سبع سنوات وكنها حلم جاثوم =بين اربعة جدران عايش بالاوهام
راحت حياتي بين شاتم ومشتوم =النفس عقب العز هانت لشتام
الحر لاذاق المهانه جفى الحوم =لورفت الجنحان بالجو ماحام
غديت من بين المساجين مظيوم =والدمع من عيني تقل دم حجام
بقبرالاحياء ياعرب صرت مخدوم =عيني عجزت عن لذت النوم مانام
دون الفضاءباب على القفل مختوم = ولامن وراه الا العساكر لها اضرام
حكم القدر لاشك باللوح مرسوم =مرسوم فيه الكاف والنون باتمام
شكيت من جور الليالي على البوم = للواحد المعبود علام الاعلام
اخطيت في حقى ولانى بمعصوم =تهت الطريق وصرت انا اليوم منظام
هاذي وصية نادم عاش بهموم =بين الذنوب وتاب عن كل الاجرام
ينصحك ياللي تايهن دايم الدوم =تسرح وتمرح بالمعاصي والاثام
اد الفروض الخمس والحق بها الصوم =واحذر تماشي كل مسرف ونمام
يالادمي ونعشت في حزت اليوم = اقلع عن ذنوبك ترى العمر قدام
ياللي عصيت الله ترى العمر معدوم = العمر تغنيه الليالي والايام
يالادمي قدامك القبر مكتوم = ولو طالت ايامك ترى العمر مادام
باكر تموت ويصيح القبر مهدوم = وسط اللحد ملفوف في قطعة الخام
اعمل لذاك اليوم لاصرت مغموم =يدخلك ربك جنة كلها انعام
من طاع ربه يافتى صار محشوم = يجزيه ربه بالمكارم والاكرام
ومن ضيع الطاعات بالحيل مهزوم = ضحك عليه ابليس في طيف الاحلام
يالادمي بنصحك وان صرت شغموم = اد الزكاة وحج وطاف بحرام
ارض الولى تسعد وتفلح مع القوم = واتبع رضاالله وولدينك والارحام
اعمل اليوم وفيه خاصم ومخصوم=وخلك كفيل للا رامل والايتام
اعمل من الطاعات والامر محسوم = وحذرك من موضات عباد الاصنام
تم الكلام على الخير مختوم =من توقيع شاعر على راس الابهام

الشاعر السجين المحكوم بالاعدام .. احمد عبيد العمري الحربي
القصيم سجن بريده

ربي يفك سجنه و أساله أن يعتق رقبته ...... أمين ......


يعطيك العافيه أختي شوق نجد على النقل الرائع .......

ربي يفك سجنه و أساله أن يعتق رقبته ...... أمين ......


يعطيك العافيه أختي .......

ياولي نعمتي وياملاذي عند كربتي اللهم ياكريم انك تشمل اخي احمد عبيد العمري الحربي بعظيم عفوك وان تفرج عنه حكم القصاص بالعفو يارحيم كما جعلت النار بردا وسلاما على ابراهيم
الله يقر عين والديه فيه
اللهم آمين

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

جزاكم الله خير اخواني

والله انه يحزن

الله يفك اسره
ويعتق رقبته


اللهم امين
يارحم الراحمين

وعسى الله يكتب لك الاجر