رحله مع ... قووووقل

سجّيت مع قوقل مسّير ودواج=ادوج في ديار الجزيره وعربها
ماقول بي ضيقه ولاني بمحتاج=من فضل ربي ماشكينا لهبها
ابا اتسلي مقصدي فلة حجاج=والعين تفرح تحت داجي هدبها
مشيت في دربا مطول وهجهاج=يامكثر فروعه ومكثر نشبها
علي ضفافه لاحت افواج وافواج=شفت التناقض في مبادي ادبها
لقيت من ضمنه شواهيق وابراج=ورجوم جل الخالق اللي نصبها
قمت اتفكر وادرج افكاري ادراج=وتحوم عيني بالنظر في ندبها
ودي اتخير في الشواهيق معراج=ابا الطويله منزلي في شذبها
واخترة من بين الشواهيق مبهاج=لجله اخذ عيني وزينه جذبها
سمي بديوان العرب حل ديباج=حلة ذهب احتاز صافي ذهبها
نوخت به زملي وابي فيه ميلاج=وده دخل قلبي وعيني خطبها