( مثل المشايخ بارض مكه وطيبه=الله عطاهم من مزامير داوود )

/
/
/
/
/
/
/
/
/
/
/
/
/

اخواني
هذه القصيده كتبتها قبل قليل اليوم السبت 14/12/1431ه
وهي لها مناسبه لااود ذكرها
واتمنى ان تنال إعجابكم واعذروني على التقصير ان وجد

كبّ الطرب ياسامعه وش تبيبه=مامن وراها لعبة ابليس مردود
انكان قلت الضيق هذي مصيبه=الضيق ماينزال من نغمة العود
الضيق ماهو للرجال اللبيبه=اللي بدبرة ربّها فكرها زود
حذراك بالغفلات قلبك تذيبه=واللي يفوتك من لياليك مايعود
احرص على الحسنات لوهي صعيبه=مادمت تدري عمر الانسان محدود
واللي يعز الدين دينه رقيبه=عند المقام اللي لمحمود موعود
اقرا كتاب الله مومن بغيبه=تنجا من العثرات لاصرت محسود
ياحض من ربه جعل من نصيبه=حفظ الكتاب يرتّله وردّ مورود
مثل المشايخ بارض مكه وطيبه= الله عطاهم من مزامير داوود

الشاعر / خالد بن عبيد بن معتوق ألأحمدي