الشامخ اللي معتلى كل الارواس

السلام عليكم ورحمة الله وبركاته

قال الشاعر عبد الغني سعد المعبدي
انه يبي يكتب قصيده في الشيخ واوعدني يرسل لي نسخه منها
وتاخر فالوعد وكتبت له هذه الابيات استعجله

سلام من راسي وتنصاك ياراس=راسا على قسو الدهر مايبيدي
الشامخ اللي معتلي كل الارواس=ماهو كلام يقال علمن اكيدي
يفداك من كل العرب روس الانجاس=وتسلم لنا من كل مكرن وكيدي
ياموعدن ترسل لنا يوم قرطاس=مكتوب في وسطه حروف القصيدي
خلك سريع وللوعد دوم حساس=الله خلق فالناس حر وعبيدي
ون عز ماقفها ترى قلت لاباس=معذور ياراع الجنيه المجيدي
قفل على شعرك بقفلن وترباس=ونقولك معذور حظا سعيدي
وخله على اللي نارهم دوم مقباس=ودلالهم تبهْر بكيف العويدي
ويوم العرب مابين مسلم وقساس=ماشانهم حالا ولاهم فقيدي
وصلاة ربي عد ماهب نسناس=على النبي شفيع يوم الوعيدي