كره القرابه

الله وحــده كل علمــن درابـــــــه 00000 بمــره يفـــك البـاب ويقفـل البــاب
ارسل نبـي(ن)بالهــدى يقتدابــــه 00000 امبلـغ اوهـــــادي وناصح وطـلاب
اسلم على كفه جميع الصحــابـــه 00000 وبو بكــــر اول من اسلم ومن تاب
عالم خفايا كل قلب(ن) ومـــابـــه 00000 تاقف له اشناب(ن)وتقعد له اشناب
عبره لمن يبغى يولــــــم زهابـــه 00000 ويبيـع دنيا مـاحسب نا لها احساب
والناس كل(ن)له خطاه اوصوابه 00000 ماضاع حـق(ن)دام للحق طــــلاب
احـدن مكــافح من بـداية شــبابـه 00000 واحدن يدور مدحته عقب ما شــاب
واحدن يعــظ ابهـام كفـه بنابــــه 00000 واحد ايتفـــاخر بالمواقف والالقـاب
واحدن طموحــاته تسبب غيابــه 00000 وليا حظـر كنـه لـه اسـنين ماغـــاب
واكبر خطايا النفـس كره القرابه 00000 اقـــولها والله عليمــ(ن) بالاسبــــاب
يوم ان بعض الناس شقق ثيــابه 00000 حـده زمانـه بين نـاب(ن)ومخـــلاب