سلام لملتقى حرب

سلام إلملتقى حــرب الكبير بداية المشــوار = ســلامٍ ياصل حدود المجــره لــين تاليهـــــا
سلام بعطره الشادي يعطر نشــرة الاخــبار =ويفتــح نفس كاتبهــــا ويفتــح نفــس قاريهــا
سلام وكل حرٍ ماكره دايم مــع الاحــرار = قـوي الباس راســه راس ياخـــذها ويعطيهـــا
الى زانت له الايــام حــقق رغبت الصقـــار= ولـن شانت تبـع جـول الحـباري لين يدميهـــا
بعــد مالله كتبهــــا عندكم تبقــى لنا تذكـــــار= امـــانه والامــانه ما تسـلـم غــير راعيهـــــــا
ابقــلـط داخل الساحه وبلفت كامـل الانظــار= يلين ايذيــع صيتـي بين بايعهـــأ وشاريهــــــا
انا شـــاعر واحقق رغبتي بمعانق الشعــــار= عســـى اللـه تالي الايـــام يستر من بلاويهــــا
ابطلق للفرس حبل الرسن في داخل المضمار=وبقفـــز كل حـاجز شافـته عينــي مناصيهـــــا
يقولون الزمـن جــافي يقولون الزمــن دوار =وانا اقول الزمن كل العــيون اليوم معميهـــــــا
اصلحها يخربها وصــار الي بعد ما صــــار= علا قول المثل فـالنـاس حاميهـــا حراميهـــــــا
خــيانه والخــيانه يكرهون دروبهـــا الكفــار= وهــومســـــلم ولا كنـه قــدر دايـم يسويهـــــــا
يحب المصلحه بجنـيهها والفلــس والــدولار= محـبت عاشـقن مغــرم تعــلق فــي علابيهـــــا
يبـي يكشـخ مع الكاشـخ وكـنه مالك المــليار= يحسـب ان السعـاده بالــدراهم ناس تشريهـــــا
حياته كلها كــذبه كذبهــا بين بســت او بــار= هــذيــك الـبنت نـاويتـه وهـذ البنت نـاويهـــــا
ينـقط فوقهـا بالعمـله اللــي كل ابوهـا غبــار= ســوالف استحـي منهــا معـاد اني مبديهــــــــا
ابطوي صفحت الذكرى الحزينه وارفع المقدار= علا شــان الرجــال الـي تدارينـي واداريها
انا حربي ومن حرب العريقه محتمين الجار= هل المعروف واهل الطيب نذكرها بساميهـــا

ياهلاوغلا فيك بين ربعك
وصح لسانك مليون على القصيده

بيض الله وجهك

صح لسانك مليون على القصيده
والله يعطيك العافيه
بيض الله وجهك

اررررررررحب ياولد ارحب ..

ياهلا والله والف وغلا

يشرفنا انظمامك بـ ملتقى حرب الرسمي ..

صح لسانك على القصيده الجزلا

اخوك / عوض الوسيدي

ارحب ياغالي بن ربيعان تراحيب المطر

وحياك الله في ملتقى حرب وبين ربعك وناسك

وصح الله لساااااااااااانك على هذه الجزله

ودمت بهذا الابداع ياغالي وشكرا لك

دمت ودام تواجدك الرائع

الله يحييك بين ربعك ياغالي وصح لسانك

ابطلق للفرس حبل الرسن في داخل المظمار ,,,,,,, وبـقـفـز كـــل حــاجــز شـافـتــه عـيـنــي منـاصـيـهـا

كفو

و صح لسانك يافارس المضمار

ويشرفنا انظمامك بين اخوانك وابناء عمك

هلا وغلا بالجميع
واتمنى ان اكون من احد ابنا القبيله البارين لها
تقبلو مشاركتي المتواضعه
شكرآ لكل من اضاف تعليقه

صح لسانك مليون على القصيده والله أبدعت يالغالي
والله يعطيك العافيه
بيض الله وجهك

صح لسانك يا ابن ربيعان
و اللهي يحيييك بين ربعك