تشييـــــــــــــــــــخ العبــــــــــــــــــــي

تشييخ العبي

حسبك علينا لا تقهويت من كيف = بعض العرب يقهَـرْك لا مـــــن تقهوى
يوصفلك اللي عاجـــــــز عنْه توصيف = وتحس ما من ردعه ايّات جـــــــــــــــــــدوى
من مسكه الفنجــــال يا رب تلطيف = كـــــــــــــــــن الخليقه جاته بْألف رجوى
كن البشر عنده من مْعـــــزب وضيف = تركي عليــــــــــــــــــــــه بْعيشها واتَّـعَزْوى
الله لا يعـْــوِز يتامــــــــــــــى مضاعيف = للي مثل راعَ الوُصُـــــــــــــوف الِمعَنوى
بعض الرجال يْعد كذب وتلاقيـــــــــــف = ويرتب العالم عَلِيَّه ودنـــــــــــــــــــــــوى
وبعض الرجال يهدّ وقت المراجيف = كنّه بشـــــــــــــــــــــــــــــدّة هدته طير شلوى
واللي شراله ثوب باغلى تـــكاليف = ما يعني انه شيخ في كـــــــــــــــــــــــلّ مثوى
شيخته هذي عنـد هَلـْـــــه المُواليف = ناسٍ لقت تشييخ الِـعْـبِـيّ سلــــــــــوى
بتشوف شيٍ يقــهرك شي مـــا شِيف = واطيبــــــــــــــــــــــهم اللي للرذيله تِفَدوى
الله يستر من زمانٍ بــــــــــه تخيـــف = عادات ربعٍ فيهــــــــــــــــــــم الجَــخّ عدوى
يسريبهم مثــل الوَهَـــج حزّة الصيف = ما ظل عرق الا عَنَ آخـــــــــــــــــره يذوى
لا يا نقيصه ...يا حــسافـــــــــــــه ويا حيف = اردى مهــــــــــــــاقي صارت اليوم مَنْوى
لا شك هذا مـــن بلاوي تــــــصاريف = والرايح اللي طلــــــــــــــــــــبته دوم تقوى
ابن آدم بْــكل السُّبُل واهن الطيف = لا حس انــــــــــــــه وقّـف...يْرد يهوى
ولّا حياتــــــــــــــــــــــه ما عليها تحاسيف = باكر يموت وما هــــــــــــي ان مات بلوى

للتحميل صوت 1 ميجا بايت
http://www.herosh.com/download/44851...____0.mp3.html

صح لسانك مليون في مليون ولا يكفون

جزلة من شاعر جزل

لك خالص التقدير

	المشاركة الأصلية كتبت بواسطة فواز الزويهري

	صح لسانك مليون في مليون ولا يكفون جزلة من شاعر جزل لك خالص التقدير

الف شكر اخي الكريم

صح لسانك مليون على القصيده
والله يعطيك العافيه
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يعطيك العافيه بيض الله وجهك

الف الف شكر


اخي الكريمم وصح بدنك

صح لسانك وبيض الله وجهك ياراع الجزلة

	المشاركة الأصلية كتبت بواسطة بخيتان البشري

	صح لسانك وبيض الله وجهك ياراع الجزلة

تسلم اخوي


الله لا يهينك

وشكرا لك

صح الله لسانك
ولاهنت
وسلم فكرك وبنانك
دمت برعاية الله وحفظة

مشكور اخي الحبيب

صح لسانك وسلم بنانك



قصيدة رائعه بروعة حضورك



لك تقديري