زواج الصغيرة

السلام عليكم ورحمة الله وبركاته
أخوتي الكرام جال بخاطري موضوع ضخمه الإعلام
ليجد من يسمع له في ما يبتغيه المرجفون
وهو زواج الصغيرة وما اختلقوه لمحاربته من أعذار واهية تنطلي على الكثير
ومنها ان الوقت تغير وأيضا لا تقارن ناس هذا العصر بالرسول والصحابة
وضمنت الرد على هؤلاء في هذه القصيدة
فعلها تحوز على رضااكم

سبحان من هو جاعل العقل مقياس=من رحمته كل الملا يطلبونه
البارحة في مجلس بدون جلاس=لاحت بروق الشعر وهلت مزونه
في راس رجمٍ والهوا فيه نسناس=جال فحنايا الصدر يمحى حزونه
طيفا لفاني بالحلا وطيب الانفاس=بدراً وليل الشعر غطى متونه
ومورد الخدين في طرفه نعاس=كن النسايم من جهاته تصونه
هلا به القلب وتحرك بالاحساس=اللي هوى المزيون حرك شجونه
رد التحية والنظر فيه هوجاس=حتى الحزن كنه كحل في عيونه
سألت ياسيد الغنادير لاباس= جاوب أسى والهم زاد بظنونه
قالت علي الوقت حاكم بالاتعاس=غصباً علي اقبل بما يحكمونه
تاجر بضاعة والمعاني للافلاس=ما بيه لكن الأهل يرغبونه
واللي هويته يشرب المر في كاس=كل ما تقدم للطلب يرفضونه
جاوبتها حطي كلامي فالاقواس=أهلك على مبدا لهم يعرفونه
لهم نظر أبعد وفالناس أجناس=مالك فحب اليوم كثرت فتونه
قالت تمهل وقتنا اليوم حساس=توي صغيرة صعب ما يطلبونه
قلت العفو لك فالنبي خير نبراس=كل الصحابة والسلف يقتدونه
الوقت واحد والتهاويل فالناس=على الهوى تسمع لما يشتهونه
افكار غربية والاعلام بلاس=والكل يفتي حسب رغبة جنونه
قالت بذاك العهد ما شي ينقاس=والناس غير الناس لا تظلمونه
جاوبتها الإسلام منهج لنا ساس=باقي ليوم الدين لو يكرهونه
دستورنا القرآن والعقل فالراس=ومحمد القدوة لمن يتبعونه

اللهم صلِّ على محمد وعلى آله وصحبه
ومن تبعهم بإحسان

جاوبتها الإسلام منهج لنا سـاس
باقي ليوم الديـن لـو يكرهونـه
دستورنا القرآن والعقـل فالـراس
ومحمـد القـدوة لمـن يتبعونـه



اللهم صلِّ على محمد وعلى آله وصحبه ومن تبعهم بإحسان الى يوم الدين


احسنت البيان زادك الله بيانا وحكمة وصح لسانك

مشكورة يابيان الصمت على القصيدة التي تتحدث عن موضوع إجتماعي في مجتمعنا .
لك جزيل الشكر

اللهم صلِّ على محمد وعلى آله وصحبه ومن تبعهم بإحسان الى يوم الدين

صح لسانك على هذه الدرة يابو محمد

الله اما صلي وسلم على نبينا محمد

الاخ القديرالشاعربيان الصمت

صح السانك وبيض الله وجهك ودام الله عزك

تسلم ياالذيب على هذي القصيده الجزله الله يعطيك العافيه

تقبل تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة عبدالله الفريدي

	جاوبتها الإسلام منهج لنا سـاس باقي ليوم الديـن لـو يكرهونـه دستورنا القرآن والعقـل فالـراس ومحمـد القـدوة لمـن يتبعونـه اللهم صلِّ على محمد وعلى آله وصحبه ومن تبعهم بإحسان الى يوم الدين احسنت البيان زادك الله بيانا وحكمة وصح لسانك

حيااااااك الله أخي الكريم

عبد الله الفريدي

وتسلم على هذا المرور العاطر

ووفقك الله ورعاك

صح الله لسانك وأدام عزك وبيانك يابيان الصمت

قصيدة رائعة في مبناها ومعناها

سعدت بمروري وتصفحي

تقبل ودي واحترامي

صــــح لسانكـ اخوي بيان الصمــــت

قصيده رائعه وطرح مميز

لاهنت وبيض الله وجهكـ



تقديــــــــــــــري واحترامـــــــــــــي