شوفوا رده فعل الزوجه لما عرفت انه زوجها تزوج عليها

دخــل الرجـــال علــى مرته

وهي مشغولــة بالبيت

نادها ..
قال : يافلانــه ..
قالت : هلا آآمر ..


قال : تعالي ابغاك شويه لو سمحتي

قالت : شعندك ؟؟


قال : تعالي و بخبرك

قالت : ياحبيبي مشغوله اكوي لك ثيابك !!


قال : خلي الكوي وتعالي


قالت : ان شاء الله



ثواني وهي يايه بلبس حلوو

وريحتها احلى وابتسامتها ماليه ويهها


قالت : آمر حبيبي


شافها بابتسامه صفراء وقال

تراني عرست عليك !!



قعدت على الكرسي وهي تشوفه

وقالت بصوت يرتجف

قالت : شقلت ؟

ويالله قومي خذي لك ثياب و روحي لبيت اهلك

ابسافر انا و مرتي الثانيه كم يوم وراجع



شافته وهي مصدقه ومب مصدقه

وبدون سابق انذار هب في وجهها

وقال : قومي الحيـن وحطي لك كم لبسة
ويالله تراني اترياك فالسياره لاتتأخرين

طلع وهي تطالعه

الا مبققه عيونها مستغربة من الخبر

دقايق معدوده وهي تفتح الباب وتركب وياه

وبصوت مخنوق

قالت : لو سمحت ممكن تجيب لي الشنطه ؟

نزل من سيارته وشل شنطتها وحطها فالسياره

شغل السياره و راوحو بيت اهلها

شوي وهم واصلين للبيت

قال لها : تفضلي انزلي


فتحت الباب ونزل قبلها و شل الشنطه

وجا من عند بابها ومسك يدها

وقال لها : حبيبتي

تراني ما عرست عليك ولاهم يحزنون
بس ترا ابوك مات !!


هي بدون شعور قالت :

الحمد لله خوفتني