جمال الروح

ارجوك تعذرني وانا قلت بعذرك=ما عاد ينفع بيننا قول يا ليت
كم مرتن من فعل يمناك أحذرك=يومن فيك الخير كله تهقويت.
أحلام ليلك ماتفارق منابرك=ضيعت دربك من ردى الحظ وأخطيت.
في كل ليله من سوالفك ابررك=ترجع على ماضيك لو قلت عديت.
تجرح وانا ماودي اجرح مشاعرك=أدمح لك الزله وترجع كماجيت.
مابه جديد الا قديمك ويجبرك=تبقى كذا ولا كذا ماتشافيت.
خلك على ذكراك يمكن تكبرك=في ناظري بأول قبالك تعليت.
أول لاشفتك غير وأخلفت باخرك=واليوم ماينفع من الوضع مليت.
دور وتلقى غير زولي يدبرك=لابد من شرواك تلقى وصافيت.
اللي يعرفك ياأريش العين يخبرك=واللي جهلك يقول ياطيب الصيت.
صبرت مير الصبر بالوقت دمرك=فاتك كثير ولاتفيد التناهيت.
أقول ولا أقول محتاج أذكرك=بالمختصر هالبيت يسوى مية بيت،
لولا جمال الروح محدن يعبرك=ذنبك على جنبك وحذرت وأزريت.

حمود حامد الجابري