( حب الاتي بجده ) ......... مساجله

/
/
/
/
/
/
/
/
/

اخواني
الاعزاء
هذه مساجله لي مع اخي العزيز الشاعر
القدير /
نداء الغيداني

واتمنى ان تنال إجابكم

لا ضيّقـت خالـد همومـه بدنـيـاه=ينخا الصديـق اللـي فـؤاده يـوده
هذاك ابو سامـي عسـى ماعدمنـاه=قولـت نعـم فـي طيبتـه ماتسـده
راعي هـلا ماتتـرك الجـود يمنـاه=والطيـب جالـه ورث خالـه وجـده
هيا استمع ياعالـي القـدر والجـاه=صاحبك خالـد بيّـح الوقـت سـده
يشكي عليك الحال من هـول ماجـاه=دنيـا العنـا لوعاتـهـا مستـبـده
ثـارت عليـه الغامهـا بالمعـانـاه=يسعى يكافـح لكـن البخـت ضـده
من بعد ماوقّف على القـاع بخطـاه=مسرع وقع فـي سهلـة ٍ مجرهـده
خط ٍ يابو سامي كتبتـه لـك اقـراه=مرسـول جالـك منتظـر منـك رده
فارقت لي مخلـوق عجبـه حلايـاه=بيـن العـرب بالزيـن مافيـه نـده
صدفه بـلا موعـد تلاقيـت ويـاه=شفت العجب مابيـن عينـه وخـده
حتـى سحرنـي ببتسامـة محـيـاه=غـلاه يشبـه حـب الاتـي بجـده
مير البلا مخلـف عهـوده ومبـداه=طاوعبي اللي حرضـوا لـه بصـده
ومن وضعنا شمّت بي اعداي واعداه=يـوم التوتـر بينـنـا زاد حــده
وان كان يحسبني مع الوقت بنسـاه=يبقـى غشيـم وجاهـل ٍ بالـمـوده

الشاعر / خالد بن عبيد بن معتوق ألأحمدي


واليكم
رد
الشاعر/
نداء الغيداني

حيا الكلام اللي بعـد ماقرينـاه=قامت بيوت الشعر له مستعـده
من شاعرٍ يختار قافـه ومعنـاه=ويخوض بحر الشعر جزره ومده
مذكور في طيبه ولو ماعرفنـاه=وإن عدو الشعار.خالـد .نعـده
الاحمدي معروفٍ اصله ومنشاه=طيبه من رجال الوفـا يستمـده
يشكي علي الحال من بعد مولاه=من صاحبٍ يبني غلاه .ويهـده
وأقول ياخالد توكـل علـى الله=واللـي تحـدا يارفيقـي تحـده
من لاحفظ وعده وعهده بليـاه=حب القلوب الصافيه ماهو قـده
كم قلت لك يالاحمـدي لاترجـاه=لو زينه المشهـود كـلٍ يعـده
مثله عديـم المعرفـه لاتحـراه=خله يولـي جعـل مالله يـرده
حتى ولو جالك يسوقنه اخطـاه=الا إن مالك عنه يالذيب صـده
هذا كلامي وأنت حاول تحاشـاه=على الجفا والبعد حـاول تحـده
مادام يسمع هرجة عداك وعداه=ولا يحتفظ بوعـوده المستبـده
خله يفارق وابتعد عنه وجفـاه=وتلقى بديلٍ له ولو عقب مـده
لاصار مايبغاك وشلـون تبغـاه=ابعد عنه ماهو بكفـو المـوده

صح السنتكم وبيض الله وجيهكم

اخي صقر المراقيب

لاهنت

ويعطيك ربي العافيه

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك
..
..
أسجل اعجابي بالقصيدة
..
ويعطيك العافيه ..

ابو صقر الحربي
صح بدنك ويعطيك العافيه

صــــح لسانك
وبيض الله وجهك

	[rainbow]صح السانك وبيض الله وجهك ويعطيك العافيه وتقبل مروري[/rainbow]

الحب الباقي
الف شكر لك

اشكرك على مرورك
وصح بدنك
اخوي / سالم الفريدي

اشكرك على مرورك
وصح بدنك
اخوي / سالم الفريدي