دق الجهاز وهاجس القلب خايف

هذه قصيدة رثاء قالها الشاعر عضيب بن هليل العلوي الحربي
بالشيخ المغفور له بإذن الله :محمد بن عوض بن سرور العلوي الحربي .. وهي موجهه للشاعر لافي بن نفجان الشعبي الحربي..

دق الجهاز وهاجس القلب خايف=متوقعٍ لاخبـار ماهـي وديـده
كني على ماقيل بالعين شايـف=وتم التحـري بالعلـوم الاكيـده
يالافي النفجان دمعـي ذرايـف=أخفيه لاكن ضامني في مزيـده
وقلبي يلفه ياابيض الوجه لايف=لفت هبوب العاصفـه للجريـده
يلوج من بين الضلوع السنايف=وينعى الرفيق اللي تهيا شديـده
ينعى الرفيق اللي عليه الحسايف=عز الله انـه راح منـا فقيـده
ياخوي والله ماصوابي مسايـف=متمكن بالقلب ينـزف صديـده
بعض الملا لو مات موته خفايف=مافاقده ياكـود عيـن الفريـده
وأبو عوض كل البشر له ولايف=بالعرف والمعروف وثق رصيده
شيال بالشـده ثقيـل الكلايـف=عضيد من بار الزمان بعضيـده
وسوالفه بين النشامـا طرايـف=ماتاع كلمات الخنا مـن وريـده
شهم وكريم وفيه كل الوصايـف=وله سيرة طول الليالي جديـده
مرحوم يارجل سلوكه عفايـف=فاز وتميز بالخصـال الحميـده
يالله ياللـي بالمخاليـق رايـف=عن الشقا تختار روحه سعيـده

الشاعر العلم/ عضيب بن هليل الحربي