محاورة الاسبوع الفائت بين عايض القحطاني ومنور المعمري

محاورة الاسبوع الفائت بين عايض القحطاني ومنور المعمري
أترككم مع المحاورة

عايض:=
سلام ياآل الصبـاح شيـوخ هـدلان=من عقب ما جيت مـن نجـد العذيـه
وإن كان منور ما يصفي بعض الأحيان=والله مـا يلقـى الكـدر وأنـا خويـه
منور:=
يا مرحبا في محل طوال الأيمان=ما للتحية جـزا غيـر التحيـه
اللي يمثل قبيلة مثـل قحطـان=ما يبتلـش بالعلـوم الداخليـه
عايض:=
تبقى ونبقى وحنا ربع وإخوان=واللي يحب الوفا يا حي حيـه
صدقت وأنا من اللي فعلهم بان=من عهد ذيك العصور الجاهليه
منور:=
يا عايض العلم له مبدا و عنوان = كانك قريت الحروف الأبجديـه
ماذمكم لا حصل بالجو دخـان=يالراعي اللي مكلف بالرعيّـه
عايض:=
أنا يامنور لا شفت الحاجز حصان=دايم عزومي على خصمـي قويـه
وأنتم بلا شك لا جا الحرب شجعان=يا حرب يأهل الوفا وأهل الحميـه
منور:=
كانك حصان جموح إحسب من الآن=مـا باقـي إلا تـعـدا الجاذبـيـه
يا عايض اللي يخفا غصب ينبـان=والوسم واضح على جنب المطيـه
عايض:=
ما غبت من كلمتك والعلم نيشان=لولا الحيا كان حطيتك ضحيـه
في ديرتك سامع هزة وبركـان=وأنته هنيـا تغنـي السامريـه
الطاروق الثاني=
منور:=
سلام لشيوخ الكويت وللمشاهد والحضور=واللجنة اللي نقدها هادف وموقفها صريح
يالمسردي خلك ولد واحذر يطيّحك الغرور=ترا الغرور يطيّح الرجال قبل انه يطِيـح
عايض:=
يا مرحبا ترحيبةٍ ماحدٍ يلحّّّّّّقهـا قصـور=نيابة عن من سمع ولا يصح الا الصحيح
الله يلعن كل مختالٍ يابو ياسـر فخـور=لكنّ ما به فوق ذا الدنيا ضمير مستريح
منور:=
الله لعلـك للبقـا إهـدا ودمـك لا يفـور=أنته تكلم في لغة قحطان ولسانك فصيـح
إنحت بيوتٍ من صخر والا تعذّر ومعذور=العلم أخير من الجهل والطب للقلب الجريح
عايض:=
أنا أتحمس وأحمي الموقف وأسولف من شعور=يوم الحيايا قـال الأول سمّهـا ينـدح نديـح
لا تحسب إنّك يا طويل العمر شرّاب البحـور=أنا ترا جزل العطا ياراعـي المـدّ الشحيـح
منور:=
يالمسردي لا تحسب إنك صقر أخير من الصقور=حافظ على الأسرار واللي وسط قلبك لا يطيـح
ترا على السرعة يبي يجازيك جنـدي المـرور=ياللي تناطح لك جبل وتقول أنـا مالـي نطيـح
عايض:=
حنّا رجال ولا تشبّهنا يا حربي بالطيـور=عطني من الشعر المليح ولا تجيني بالقبيح
انته تبي تعبر ولكن روح ممنوع العبـور=لأنّك ليا طال المدا ما تَظفر إلا بالفحيـح