معتق العياضي وفلاح المورقي بالرياض

طاروق بين الشاعرين / معتق العياضي وفلاح المورقي من الحفلة التي أقيمت بالرياض
يوم الأربعاء الموافق 4/5/1430هـ

معتق العياضي =
سلام تسليمه لها ستة أبواب=والسابع مسكر ولأحدٍ يصلـه
يالمورقي صاحبك ولفله كتاب=يبا ينافس صورتك بالمجلـه
فلاح المورقي =
يامرحبا وإقلط ترى مابه أغراب=وإن كان ماقلطت دربـك تدلـه
ياصاحبي معتق ترى كلنا أصحاب=والصاحب أدمحله ثلاثيـن زلـه
معتق العياضي =
أنته وأنا في حفل عكفان الأشناب=ماقصروا والكيف فنجـال دلـه
ياصاحبي صادق ولاأنته بكـذاب=واللغز غامض مالقى من يحلـه
فلاح المورقي=
أنته وأنا فالحفل وأحسب لي حساب=وطويـق ظللنـي وظللـك ظلـه
اللي يبا النصرة ولايبـذل أسبـاب=إليـا وصـلـه دار مايستحـلـه
معتق العياضي=
حربي وأمثل عزوتي قدم الأجناب=وطويق لـك وأنـا يظللنـي الله
محراب مكة عن ملايين محراب=وإن كان فاتك فرض رحله وصله
فلاح المورقي=
إتقدمك عزوتك من باب الإعجاب=أنته ياولد منير شاعـر وفلـه
ماخاب ظن اللي يقدمك ماخـاب=لكن ليت الظـن يثبـت محلـه

منقول من موقع الشاعر معتق العياضي