( كانها الاقدار تعلن لك وفاتي)

/
/
/
/
/
/
/
/
/
/

يافهد حالي لها مده طويله=في سنين عجاف ضاقت بي حياتي
دوك دمع العين ماكفكف هميله= لاسكن عقلي هواجس ذكرياتي
صاحبك يافهد حاير في دليله=ضاق صدره راحت افكاره شتاتي
ارسم الاهداف وتضيع الوسيله=تمضي الايام عيني ماتباتي
صابر ٍ في جور ماتشيله قبيله=وارسم البسمات دايم في شفاتي
واكرم الضيفان واعز الفضيله=وعذرب العدوان يافهد بصفاتي
خططوا لي بالخفا الفين حيله=واتكل باللي رجيته في صلاتي
والغدر نوماس عند اهل الرذيله=والصبر لهل العزوم العالياتي
ماوقف عزمي وهذي مستحيله= كانه الاقدار تعلن لك وفاتي
ولا رجيت الرزق من يد ٍ بخيله=راجي ٍ باللي يحقق لي مناتي
الله اللي بامره تهل المخيله=يفرج هموم ٍ بقلبي ساكناتي

الشاعر/ خالد بن عبيد بن معتوق ألأحمدي