يازامل العوفي ذرى كل خايف = ياللي عليك الحر الاشقر يوصف

قصيده موجهه للشاعر الكبير/ زامل الكبير العوفي
شعر:سعود بن عبدالله المبيريك

يازامل العوفي ذرى كل خايف = ياللي عليك الحر الاشقر يوصف
الطيب عندك والشجاعة ولايف=وبكف تتلف ماجمعت بالكرم كف
وللشعر ديوانن يضم الطرايف =لو المحيط الاطلسي جف ماجف
من بعد رايك ماعلينا حسايف =عميان الارياء مالي برياهم شف
غزون محيرني غريب الوصايف=يخفي اهداف مالها اسباب تعرف
خيله جدايلهن تعدى الردايف= وان دنقت على النحر عرفها ضف
سوق الهوىمقرهن بالمصايف= وبالعملة الصعبه غذاهن يولف
مجمعه من كل مله طوايف= ماتمشي الا من المركزتعلف
و حراسهن تاصل اركبه الشفايف = متشطبن وجهه ويابس تقل خف
وعن الهداد محيزمن في نجايف = اليا مشى تشبيه نصر منتف
وجلابهن عليه طاقة لفايف= راسه تقل زبيل مقلوبن مخرف
اول حياته من كلاب المضايف= وجهه تقل شق اسودن والفم اثرف
والقائد الأكبرمدير الوظايف=الي تجمع له اجنوده ويلهف
راع الذلول اللي عليها السفايف= اللي يقود المعركه ويتحلف
عرفت عنه من الحقايق نصايف= من شلتن عاشت على الدجل واللف
في راس برج عن مبانيه نايف= بتلى حياته من دعى الناس خرف
يابو علي لاهنت ويش انت شايف=انا اتركه والانجيبه مكتف
ركبت بروس العابرات القذايف=شورك وتسبق رفت الرمش لارف
عذره يقول الامرمزح وخفايف =انسى القضيه والملفات تتلف
هو الذي ضدي يصف الحلايف= بأمره منه خيله غزني مكلف
قالن سلام بكلمتينن ظرايف =ردالسلام ان كان ودك تعرف
وعويت عوية تالي الليل حايف= ذيبن حداه الجوع والخوف وانكف
ورديتهن عقب مغزاهن نكايف= وقالن قديمن من رموز التخلف
تابع محطات الفضاء والصحايف= فكرك ملف البرمجه به مغلف
وقفيت مما شف تايه وعايف= وقفن لهن ضبيح مثل المهرف