الباب عن زائره ما حط مزلاجه

مهداه لسمو الامير / سعود بن متعب بن ثنيان ال سعود حفظه الله

سلام يا من لبست مـن الكـرم تاجـه=و تاج الرجوله وتاج الطيب والخـوه
شيخٍ ليا جيت يمـه يضحـك حجاجـه=و يسالك عن حاجتك و يقول وينـوه
منهـاج حكامنـا ال سعـود منهاجـه=ما هو بفعـل المكـارم ناشـيٍ تـوه
دايم ليا جيـت يسالنـي تبـي حاجـه=مجتمعةٍ فيه طيـب و عقـل و مـروه
و الشعر غالى بحره هاجـت أموجـه= وحرصٍ على مدح شيخٍ ما طفت ضوه
الباب عن زائـره مـا حـط مزلاجـه=شيخٍ على الطيب عنده عزم وحمـوه
ياهاجس الشعر ناجي معزبـك ناجـه=عساه دايـم يمـد الجـود مـن قـوه
و اللى عرف كيف مدخاله و مخراجـه=يمشى بوجه السحاب ويرتجـي نـوه
ينزل بوجه السحاب و يبنـي أبراجـه=ياطيب المزن روى اللـى ضمـي روه
أن طاب جوه يطيب ويشعل أسراجـه=و يقول للوقت سوى اللى تبـي سـوه
( سعود ) شيخٍ يعدل كل مـن عاجـه=ياحظ من هو يخاوي طيـب الخـوه

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك ياشاعرنا العلم على الحصني لاهنت على هالدره الثمينه
جزله من راس جزل ومهداه لجزل يستحقها سمو الامير سعودبن متعب بن ثنيان ال سعود
حفظه الله سلمت ودمت يابو فارس وبيض الله وجهك وتقبل مني صادق ودي وتقديري

صح لسانك يانقي



وافيه وأنت وافي




لاعدمنا حضورك المشرق



الله يرعاك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك اخوي
و احنا في انتظار مثيلات لها
دمت في حفظ الرحمن

بيض الله وجهك شاعرنا القدير// الاستاذ علي الحصني

علي الحصني

صح لسانك وبن سعود يستاهل

صح السانك يا بو فارس شاعر كبير وابيات لها وزنها في ميزان الجزاله

ابو فارس
صح لسانك
وتقبل مروري
ولك مني فايق التقدير