تبـاشيـــــــر الـغـــــــــلا ...

مقـفي واساوق خطوتي والهوى صلف*** والشــمــس هفـّـت مابقــى الا طـرفـهـا

شاخــــوف بـردٍ كـنــه مزارق الشــلف*** مــن ينطحــه دمـعـــة عيونـــه ذرفــهــا

لـو يـقـتفــي سمـر المحاديــب من خلف *** قلـّـع وتــايــدهـــا الغـــلاض ونـسـفـهـا

تبرد عظــامــي واتدفــّــى علــى الولف *** الــي سبـــى روح الغـــــرام وحـرفـهــا

علـى تبـاشــيــرالغـــلا حـــالفٍ حــــلف *** مــاخــون مـن ســـر العيـون وصرفهـا

واهنــي من قــرّب احمــا دارهــا زلف *** وطــب الحقـــول اليانعـــات وقـطـفــهـــا

واودع لهـــا قلـب العنـــا تـتـلـفـه تـلف *** ونســـى السنيــن الخـاويـــات وصلفهـا

وان كان لوعــات الهـوى مالهـا خِلف*** والوقـــت ما رد الـحقـــــوق ونصفــهــا

يالله عسى قـلوب البشـر دونهـــا غِلف*** وتبقــى علــى بالـــي ويبقـــى شــرفـهـا .


تحياتي لكم ,,,

يالله عسى قلوب البشر دونها غلف=وتبقى على بالي ويبقى شرفها

صح لسانك ياحمدان مخلد الغيدان ابيات جزله وكلها عذوبه لاهنت سلمت ودمت

قصيدة جزلة وصح لسان كاتبها

الأخ حمدان مخلد الغيدان

بيض الله وجهك وصح الله لسانك

ابداااع راااائع من راااائع

لله درك

تقبل اجمل التحايا

ودمت بخير

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك
..
..
أسجل اعجابي بالقصيدة
..
ويعطيك العافيه ..

صح الله السانك


قصيدة عانقة السماء بجزالتها وأبداعها

تحياتي لك