تكفون وقفو القصف

متى على الله ياصناديد الاسلام = يسوقكم ياعرب فزعه وشيمه
وعيونكم ترعى قنوات الاعلام =مافيكم اللي مايشوف الضليمه
اللي تملو بدما راحو احشام =عيشة عزيز ولا حيات الهزيمه
يا الله ياوالي معازيل الايتام = ياعالم غياب سد الكتيمه
انك اتهاديهم على اطيور غشام =ريش الحديد اللي تذب الخريمه
اللي تجي من شرق واللي من الشام = واللي عليها لسعودي وسيمه
ذرة سنام اللي عل الشرع حكام = ال السعود اللي تكفل اليتيمه
اللي لهم لنمشي على الا رض خدام = ارجاح العقول اهل النفوس الحليمه
واللي من الازهر مشاهير الاقدام = واللي من المغر ب شروق العتيمه
لا شلعن واعقابهن تلعج الحام =حطن على اسرائيل شر الهزيمه
يرمن سما ماتذخره خزنة السام = لين اغدي عجاز نخل هشيمه
والباقيات من العرب سير الاقدام =بمدرعات وقاذفات رجيمه
عرب عرب لو بالعرب بغض وخصام=حلف عليه من العرب من يقيمه
هومات فيصل كلها عز واقدام = يومن فيصل من شجرة عضيمه
تكفون يا زبن الكويتي هكا العام = زبن الدخيل اليا غدربه خصيمه
من غيركم يجلا غثا الكبد لا قام = ومن غيركم يشفي الجروح الكليمه
الام ماتت والا بو والخبر طام = والورع مايدرون منهو يتيمه
حال تشيب الروس من ثوبها الخام =وعينن تهل ادمعها مستديمه
اقولها والقصف يسمعله ارزام = في شاشة اللي ينقلون الجريمه
اقولها والقدس صرح للسلام = ثالث حرم واصبح علينا حريمه

الله يعطيك العافيه مشاعر طيبه
وصح لسانك
والله يعين الفلسطينين ويفزعلهم من عنده.

لاهنت ولاهان هذا الحضور

صح لسانك يالذيب

تقبل تحيتي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك أخي نواف

صح لسانك وبيض الله وجهك

نص جميل وشاعر بارع

تقبل تحياتي

صح لسانك أخي نواف
قصيده موكبه الاحداث ميه على ميه وهذا اقل مانقدم لخوننا المسمين

صح لسانك وانا اخوك على هلقصيدة الأكثر من رائعة

من شاعر جزل ومتمكن ..

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت