سألت عيني؟؟؟

صبااااح الخير
هذه الابيات تمثل حوار دار بيني وبين ((عيني)) بعد فراق اثنين من اعز اصدقائي:سعود المزيني وابن عمه عبدالله...اترككم مع الابيات

سألت عيني: ليه وش فيك تبكين؟=قالت: بدون شعور غصب(ن) عليه
سألتها: وش سبّت الحزن ياعين؟=قالت فراق أغلى واعز البريه
سألتها:منهم؟ وقالت لي اثنين=أهل القلوب الطيبة والوفيه
قلت: اذكريهم..قالت: ((السين والعين))=باغيابهم حالي تراها شقيه
قلت: اوصفيهم..واوصفتهم بوصفين:=اقلوب بيضا والضماير نقيه
قلت: اسألك بالله لو جوك هالحين=وش موقفك لو بادلوك التحيه؟؟
وازرت تكلم واصبح الدمع نهرين=يجري وانا امسح دمعها في يديه
ودامت على هالحال تقريب شهرين=تذرف غزير الدمع صبح وعشية
والله يلولا اللي خلقنا من الطين=ثم العلاج اللي من الصيدليه
كان انعميت وصرت ضمن المريضين=الشوف مامن شوف والحال سيه
لكن رحمني مْبدل العسر باللين=ربّ(ن) عليم بكل غاية ونيه

صح لسانك وعلاء شانك يابو فيصل على هالمحاوره الجزله بينك وبين العين والله يلهمك الصبر بعد فقد الاصدقاء والله يرحمهم ويرحم امواتنا واموات المسلمين وهذه هي النهايه الحتميه لكل مخلوق لاهنت على هذه القصيده الرائعه يابو فيصل وهذا الشعور النبيل وهذا الوفاء للاصحاب ولو ارتحلو سلمت ودمت وتقبل مني صادق ودي

صح السانك وبيض الله وجهك

قصيده جزله من جزل

مضمونها جميل وسامي


لاهنت الله يعطيك العافيه

الله الله الله

ياسلاااااام


ابدااااااع يابو فيصل

لله درك وبيض الله وجهك

جميل هذا التحدث مع العين

صح الله لسانك

واتمنى لك التوفيق

تقبل تحياتي

ودمت بخير

مضحي بن جمران
جريح الفرقا
ابن خيرالله الردادي
صحت ابدانكم ولاهنتم ع المرور....

صح لسانك وسلم بنانك


قصيدة في غاية الروعة


::::::::::::::::::

الله يعطيك العافيه

وصح لسانك

والله يرحمهم جميع

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الفجر الخجول سررت بمرورك يالغالية

حمود الجابري صح بدنك يالغالي