عـــــــزّاااااه

قصيدة متواضعة

ياشيـن قلّـة حيلـة اليـد شيـنـاه=في موقـفٍ فيـه التأخـر يخجّلـك
مع وافياً في ساعـة الضيـق تلقـاه=مستأسرك وبقيد مـن طيـب كبّلـك
وأنت ولد حـرٍ مـن العـز مجنـاه=مملوك تحت أمره من آخرك لأوّلك
تقعـد تشـرّح فيـك سكيـنـة الآه=كل ماطرى لك موقفك ليـن تقتلـك
ماهـو رداوه منـك ميـر المعانـاه=من حظّك اللي طاح عاجز يجمّلـك
أجوف عديم إحساس لو صحت تنخاه=يطرب على ونّـات زايـد تغربلـك
عـزّاه كانـه لازمـك ثـم عـزاااه=مالـك منـاص ولايفيـدك تحايلـك
تفضـل تــردد كلـمـة أوّاه أوّااه=كل ماطرى لك موقفك ليـن تقتلـك

عبدالملك الرحيلي