الله انه يقطع الرجـل جحـاد الجميـل

الله انه يقطع الرجـل جحـاد الجميـل=لو عطيته كل طيبك ليا احتجتـه جحـد
والله ان مايجحد الطيبه رجـال اصيـل=اي رجلٍ يجحد الطيب عني ماش احـد
مشكله لاضاع طيبـك بجحـادٍ بخيـل=لاشبع من طيبك السبت ينساك الاحـد
ننخدع باهل المظاهر قليلين الحصيـل=والردي ستره عن العيب بالدنيا اللحـد
ماورى سودالليالي مـراح ولا مقيـل=وان تحداك اسود الوقت بظروفه تحـد
عد نفسك بالمواقف كما السيف الصقيل=حد سيـفٍ بالمهمـات مايبغـى محـد

الاخ / عوض عواض الغيداني
صح لسانك والله يعطيك العافية على هذا الإبداع
رغم قلة الابيات إلا أن كل بيت منها يعتبر قصيدة كاملة

صح السانك عوض وبيض الله وجهك قصيده جزله لاهنت

صح لسانك يابوعواض
انت شاعر متمكن في كل مجالات الشعر
بانتظار جديدك00

الله انه يقطع الرجل جحاد الجميل = لو عطيته كل طيبك ليا احتجته جحد
الأخ الشاعر القدير/ عوض عواض الغيداني

صح لسانك والله بيت فالصميم وهو مطلع القصيد والذي دل على قوة القصيده

السلام عليكم ورحمة الله وبركاته
سلمت ودمت أخوي الشاعر عوض عواض الغيداني على القصيدة .
.
.
جزله ورائعه وصح لسانك
أخوك ابوساره

الشاعر عوض الغيداني
صح لسانك
ويقول الشاعر عبد الله بن زوبن
بطيب جاز وبردء لاتجازي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

مشكله لاضاع طيبك بجحادٍ بخيل
لاشبع من طيبك السبت ينساك الاحد



صح السانك يا عوض قصيده مميزه ولا اضن احد يشبع من الطيب



على ما قال ابن جدلان

كان جاتك سالمه حب يدك وخشها

الشاعر عوض عواض الغيداني الله يبيض وجهك الامور الي ذكرت حاصله