ليل الأنس

قال ليل الأنس طاب=قوم خاطب من هويت
قلت ما فاد الخطاب=والتمني .. ليت .. ليت
آه ياعمر الشباب=فات .. أقفى .. مادريت
بعد شعر الرأس شاب=وابتنى .. وانهد بيت
مابقي للذيب ناب=أحتمي به .. لاعديت
ولابقي هامش كتاب=أحتفظ به .. لاقريت
لا تسمِّعني عتاب=يعترضني لابديت
رحت صفَّيت الحساب=وعقب ماني .. انتهيت
كِنْ نور الشمس غاب=وكل مافي الأرض .. ميت
والعجب كل العجاب=لو ذكرت اللي نسيت
كان ضن العبد خاب=لا اكتفيت ولا كفيت
ياعمر مثل الضباب=وين رحت وين جيت
كان ماحدك حجاب=دون حده وش سُوَيْت
ربع قطرة من سحاب=ماتفيدك .. لاضميت
ياشقي .. من تاب آب=اذكر الله .. لاخليت
عود عن ذاك السراب=ما أنت أول من سهيت
ينفتح ستين .. باب=للفضائل ..لانويت
لا تلقيها الصعاب=وأنت تعرف من عصيت
احترس .. من قال هاب=مايفيدك ..لاغديت
وافتكر يوم الذهاب=فوق لوحٍ .. لارقيت
وأنت قطَّعت الطناب=للبيوت اللي .. بنيت
ما يوقي في العقاب=صاحبٍ .. فيه التويت
يوم قال الأنس طاب=قوم خاطب من هويت

الشاعر لافي بيض الله وجهك وصح السانك


لاهنت واقول باقي للذيب ناب ومخلاب الله يطول عمرك


قصيده جزله من جزل
الله بعطيك العافيه

ياسلاااااااااااااااام يالشااااايب

لافي

ابدااااع ونظم ونصح وتذكير

واسلوووب جداً جميل وغير مستغرب منك يالغالي

لله درك

تقبل اجمل التحايا

ودمت بخير

	المشاركة الأصلية كتبت بواسطة جريح الفرقا

	الشاعر لافي بيض الله وجهك وصح السانك لاهنت واقول باقي للذيب ناب ومخلاب الله يطول عمرك قصيده جزله من جزل الله بعطيك العافيه

جريح الفرقا
,
صح بدنك
،
والله ما أدري
،
عمرك يطول
ـ
لاهنت

	المشاركة الأصلية كتبت بواسطة ابن خيرالله الردادي

	ياسلاااااااااااااااام يالشااااايب لافي ابدااااع ونظم ونصح وتذكير واسلوووب جداً جميل وغير مستغرب منك يالغالي لله درك تقبل اجمل التحايا ودمت بخير

أبو سامي
،
ماعليك زود
،
ووجهك أبيض
،
وعساك دايم
،
لاهنت