نصيحه

.
.
.
.

عليك الله ياوقتن به الطيّب يشوف الجور=يحس الذل في نفسه وصبره محرق(ن)دمّه
يكابر في زمان(ن)صار فيه الصدق مثل الزور=ولو حاول يقول الحق مااحد(ن)ملتفت يمّه
ولكن لك هديّه ياعميل الخير واخذ الشور=تحيزم واحتزم ياصاحبي لاتنقض العمّه
تدارك مابقالك من زمانك واترك المثبور=وخالف وجهتك عن وجهته والهمّه الهمّه
تجنّب عرفة الخايب واحذر صحبت المغرور=وراع المكروالغدّار وايضا راعي النمّه
ترا وقت الرخا للناس مايكشف لك المستور=وفي هرج السعه حتى الحباري تاصل القمّه
عليك برفقة اللي لاطرا ذكره يشعشع نور=ولد حر(ن)على المرقاب للعليا شمر كمّه
هذاك اللي على حالك يعينك وان لحقك قصور=من ظروف الحياه ولابدالك لازم(ن)تمّه
عسى يفداه منهو ميّتٍ قلبه سوات الثور=قليل اسناع حوله دايم الجهّال ملتمّه

.
.
.

مفلح غزاي المخلفي