..... ( اعترافك براهين ) ......

السلام عليكم ورحمة الله وبركاته
بما أنني لاأجد نفسي شعرياً الا في الكسره الا أنني أحياناً أجدني
أنجذب الى لون أخر من الشعر لاأدري مالسبب ..
اليكم هذه المحاوله وأمل من الجميع أبداء الراي الذي ينير لي الطريق
..

أنا حياتك وانت معظم حياتي = هذي حقيقه واعترافك براهين
انا في ذاتك وانت ثلثين ذاتي = واللي بقا ياتيك مذعن وبا اللين
واعلم ترى أيامنا ياغناتي = لاغادرت ماعاد ترجع ولو حين
ولجلك من اللي مرني في مباتي = طيفه وأنا مقبل على شط بحرين
شط الفراق وشط فيه أمنياتي = اني أشوفك بعد كنا شتيتين
لاوالذي لجله أقوم لصلاتي = وبامره تجمع ماه في بحر قزوين
لازلت في قلبي وهذي مضاتي = أحطها وابصم عليها با الايدين
هذي حروفي حبرها من دواتي = والحانها توحي حزن ماكث اسنين

أخوكم ... أبو أسامه

ما شاء الله تبارك الرحمن

الشاعر الراقي

& ابو اسامه &

اينما ينبض حبرك الراقي

سواء بالكسرات او الشعر

فننا نعلم انه ما نبض غير الجمال

والحروف الراقية والرائعه

صح لسانك وسلم قلبك ايها الراقي

::

دمت بوافر التقدير

صح السانك ابو اسامه لاهنت قصيده جميله وبوح راقي واعتقد بوجد خطاء املائي بصدر البيت الثاني وان صحته كاالاتي
انا فــذاتك وانت ثلثيـن ذاتـي
واللي بقا ياتيك مذعن وبا الليـن

اما رايي انك شاعر ماعليك اقصور واصل طريقك وسوف تصل لمبتغاك بإذن الله

صح السانك وتقبل مروري

ابو اسامه

صح لسانك وبيض الله وجهك

ما انت بهين ماشاء الله

ابداع هنا كما هو انت مبدع على الدوام في فنون الكسرة

الى الأمام وعين الله ترعاك

لك خالص مودتي وتقديري

صح السانك ابو اسامه

والشعر هو الشعر بكل اللهجات


والقصيده جميله جدا وما عليك الا الاستمرار

بالشعر والبعد قليل عن الكسره ومنحنا هاهنا شئ

من وقتك وتفكيرك


بقايا وميض

الأخ ابواسامه

بيض الله وجهك معزوفه رااائعه من راااائع

صح الله لسانك

والله يعطيك العافيه

تقبل اجمل التحايا

ودمت بخير

الله الله يابو اسامه
ليه حارمنا هذا الابداع من زمان
استمر والله لك مستقبل بالقصيد الله يوفقك
بس عاد لاتفرط فالكسرات يزعل عمنا ابو سالم

	المشاركة الأصلية كتبت بواسطة سلافة الحب

	ما شاء الله تبارك الرحمن الشاعر الراقي & ابو اسامه & اينما ينبض حبرك الراقي سواء بالكسرات او الشعر فننا نعلم انه ما نبض غير الجمال والحروف الراقية والرائعه صح لسانك وسلم قلبك ايها الراقي :: دمت بوافر التقدير

الاخت الفاضله / سلافة الحب

شاكر ومقدر لك تواجدك واطرائك المحفز بلا شك

تحيتي ..

	المشاركة الأصلية كتبت بواسطة جريح الفرقا

	صح السانك ابو اسامه لاهنت قصيده جميله وبوح راقي واعتقد بوجد خطاء املائي بصدر البيت الثاني وان صحته كاالاتي انا فــذاتك وانت ثلثيـن ذاتـي واللي بقا ياتيك مذعن وبا الليـن اما رايي انك شاعر ماعليك اقصور واصل طريقك وسوف تصل لمبتغاك بإذن الله صح السانك وتقبل مروري

الاخ العزيز / جريح الفرقا .

صح بدنك ..

والجميل هو تواجدك ياغالي وملاحظتك في محلها .

تحيتي ..

	المشاركة الأصلية كتبت بواسطة حامد الاحمدي

	ابو اسامه صح لسانك وبيض الله وجهك ما انت بهين ماشاء الله ابداع هنا كما هو انت مبدع على الدوام في فنون الكسرة الى الأمام وعين الله ترعاك لك خالص مودتي وتقديري

الغالي / ابو وليد ..

صح بدنك ووجهك ابيض يابن العم .

تواجد جميل لاخ اعتز به .. لاعدمناك

تحيتي