( مهم لكم يالمحاميد) ونعم في قبيلة حرب كلها

الاخوه الاعزاء في منتدى العز منتدى (ملتقى حرب ) السلام عليكم ورحمة الله وبركاته
لقد كلفني بنشر هذه القصيده اخوكم الشاعر/ خالد بن عبيد بن معتوق الاحمدي0
وهي موجهه إلى صديقه العزيز الشاعر/ نايف بن غانم الحيلاني (شاعر الحدث)
ونتمنى أن تنال إعجاب الجميع0

إلى بدا همي على قلبي يزيد= اوقتي على الاحزان دندن بزيره
انخا الصديق اللي على كل تأكيد= ياقف معي وقت الضروف العسيره
اقصد ولد غانم له افيد وآشيد= رجال حلاّل العقود الكبيره
لانه مجوّد ممسك العرف تجويد= رجال جرب لازم ٍ نستشيره
ربعه بهم نوماس وارجال اجاويد= غاراتهم مثل السهوم الخطيره
اهل الكرم والسيف واهل البواريد= فيهم ذرا للي فقد من يجيره
وحنا بني عم ٍ لكم يالمحاميد= والمشتكى مقبول بين العشيره
اسمع يانايف مابقوله وماافيد= عما حصل ماازيد كبر الشعيره
انا غرامي زاده الوقت تعقيد= زود ٍ على تعقيد شله شريره
اعطيتهم مَملك ومااخذت ماريد= وعرضت نفسي للسيوف الشطيره
طيبي لهم فايق على كل تحديد= لعيونهم جهدي على غير سيره
لكن يجازوني نكايه وتنكيد= حتى ابعدوا مضنون عيني بديره
قاموا يردونه بساليب تهديد= حتى احرموني منه حسد ٍ وغيره
ياما حبست الدمع مع فرحة العيد= من دون وصلي كن ساقه كسيره
وقلبي على الاخلاص قد جاه تعويد= وانا رجل صادق ومخلص ضميره
مجرده من نية السو تجريد= وذي ميزة ٍ فهل الوجيه السفيره
حظي من الاقدار في وضع تجميد= عيا مصيري يرتبط في مصيره
صبري عليها غير قابل لتمديد= كيف العمل قلي وكيف البصيره
واللي أمرنا في عباده وتوحيد= فيها حلايا من سماح وسميره
نصيبها بالحسن زايد عن الغيد= في خدها الكادي وبالفم شيره
وله عنق ريم ٍ زاد بالحسن تقليد= عقد ٍ من اصناف الذهب يستديره
وجديله اللي فوق الامتان تجعيد= تفوق ريح المسك ريحة عبيره
وافزع قبل يزداد وضعي بتصعيد= واصبح شهيد ٍ بالغرام وسعيره
واختم وصلي عد مايمشي البيد= على احمد المعصوم خير البريره

الشاعر/ خالد بن عبيد بن معتوق الاحمدي

الأخ صقر المراقيب

بيض الله وجهك نقل رااائع لقصيده راااائعه للشاعر خالد بن عبيد بن معتوق الاحمدي

وفي انتظار اكتمال الجمال من الشاعر نايف الحبلاني

بيض الله وجهك ووجه شاعرنا خالد الأحمدي

ومستعدين للمتابعه لرد شاعر الحدث فهو كفو وشاعر متمكن بيض الله وجهه

والله يعطيكم العافيه

تقبل تحياتي

مشكوووووووووووووووووووووووووووووووور
يابن خيرالله الردادي
انا اتشرف بكل حرف تكتبه الله يعطيك العافيه

صح لسان الأخ خالد وبانتظار اخونا نايف القصيدة قووووية ورائعه كل الشكر لك ياصقر ز

صح لسانك اخوي خالد

ويعطيك العافية على النقل اخوي صقر


أخوكم : عصام المحمادي

بيض الله وجهك على النقل

ووجه الشاعر خالد بن عبيد بن معتوق الاحمدي

مشكور اخي العطري
وانا اتشرف بمرورك على
قصائدي يعطيك العافيه

اخوي/ عصام المحمادي
صح بدنك وشرفتني

ابن السفر
الف شكر لك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك