أبطى الحمــام ينــوح

السلام عليكم ورحمة الله وبركاته

أسعــد الله أوقاتكم جميعًا

يــا صــــاح

أبطى الحــمــام يــنــوح مافارق الدوح=قبل شـــروق الشـمـس والشوف منباح
وأنا برجــاي وخـــايف لأعــلـــن البوح=متى على الله ضــيــقــة الـصــدر تنزاح
دام الخــبر مـطــروح والــدرس مشروح=والمقـــطـع أبيض كيف ومنين أبرتاح
صـفـر الــدلال الحـاضـيـة هـيـلـها يفوح=هي كيف مرسول ن لي أقسم بالانصاح
قلت اهـتــد بــســبل الهدا وأبعد الشوح=البـــيـت لـه بــابــــه ولـلــبـــاب مفـتاح
لا تعــتــزي قــبل آدم بــجـــدنــا نــوح=احـرص تـرى الواحـد وعـشـرين رجاح
راع الوفـــاء والـطــيـب ماهو بمسنوح= ولا الــردي خـلـه عـن الــدرب مــسناح
جــال الـصــريــة مــيـت(ن) فيه ذرنوح=وجال الـنــهر به عايش(ن) غصن تفاح
ياوجـد حــالي وجــد من جـاذب النوح= أهــدف عـلــيـه الـمــوت نـزاع الأرواح
في وسط طرشه طــاح بالغدر مطروح=بـيـن الـتـــراقـــي صــوبــه رمـح ذبـاح
وصــيــته بـثــراه والـــدم مــســـفــوح=فيــهـا لـســانــه لا تـعــبـــَر و لاصـــاح
تحـشـرجـت روح وطلع صوت مبحوح=واسـتـنـجــد بســبابـتـه وانـثـنـى وطاح
له لابة(ن) تــشـدى لســالـم ومـسروح=ما ينـتــظـر واحــدهم صــيــاح ونـكـاح
من شــبــة الـشـبــان لأفعـالـهم ضوح=يــضـوي ســناه اللـــيـل الأظــلـم ليا لاح
وجدي علــى اللــي لـوتـعذر بمصلوح=دعيــت لـه فـي مـا نـــوى زود الأفــراح
ياصاح بالجفوة ترى ماانت مسموح=جد لي بـنـصـف كـفـوف سالفـك ياصاح
لولا الغــلا اللي شـيـد بجوفي صروح=واللــي خـلــقــنـي ما اتـرجــاك بإلحاح
ياروح،روح الروح,ماترخص الروح=إلا لأغـلـى وأنـتـه أغـــلـــى بــمـسـراح
عليك صـبـري ما سـتـر كل مفــضوح=لوقـلـت مـا هــو كـل الأحــــوال دمــاح
تغـازلن لحــظة،،، وأنا دمعــتي بوح=البـــيـر قـال الـســر والـراعـــبـــي ناح
وهليـــتها مـدري على ويــن أباروح=محـــاجـــري سبـًاح والشـــوف منـباح

(تم نشرها بمجلة الوجد العدد الحالي)
وتقبلوا تحيات أخوكم /
أحـمـد بن نـاحـل

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الحب الباقي

صح بدنك أكثر ولاهنت

شكرا على طيب المرور

تحياتي لك.....,

صح لسانك ثم صح لسانك وتعلى شانك

اشهد انك جزل


لاهنت يالقرم

تحياتي وتقديري

	المشاركة الأصلية كتبت بواسطة لــهــيــب

	صح لسانك ثم صح لسانك وتعلى شانك اشهد انك جزل لاهنت يالقرم تحياتي وتقديري

لهيب

صح بدنك ولاهنت

شكرا على الحضور الطيب والاطراء

بارك الله فيك

تحياتي لك....,

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

	المشاركة الأصلية كتبت بواسطة راعي الحناكيه

	صح لسانك يالذيب .. ولاهنت نص راقي ..و عذب المعاني .. ! سلمت مشاعرك .. دمت بـ إبداع راعي الحناكيه

راعي الحناكية

صح بدنك ولاهنت

شكرا على طيب المرور

بارك الله فيك

تحياتي لك...,

أحمد بن ناحل
علاقتي بما تكتب بدأت قبل هذا النص ولكنها توثقت بهذا النص .

رائع ماتكتبه بدأ من القافية التي أرى بها تفرد خاص وأنتهاءً بصياغة وحرفنة القصيدة.

	المشاركة الأصلية كتبت بواسطة المحايد

	أحمد بن ناحل علاقتي بما تكتب بدأت قبل هذا النص ولكنها توثقت بهذا النص . رائع ماتكتبه بدأ من القافية التي أرى بها تفرد خاص وأنتهاءً بصياغة وحرفنة القصيدة.

المحايد

شكرا على مرورك الرائع

واعجابك شرف

تحياتي لك...,

صح لسانك قصيده رائعه