شاعر الخليج و شبيب الزراقي

ياحبيب و يامحمد و ياسعيد و يالرياحي=قوموا صياف و إلا قوموا فيصل بداله
كل رجال يبي يشرب من الجم القراحي= مير ظن الزراقي قدر يلاعبكم لحاله

كلنا نكتب و نقرأ فالمساء و إلا الصباحي=قايد الحملة و لانشوف إلا خياله
نادوا الزراقي اللي عام الاول كان صاحي=كان مثل الضلع يوم الناس تجلس تحت ضلاله

كل ماقلنا تبي تمزح مفارقها المزاحي=قادها مسكين مايعرف يمينه من شماله
جاك رجال يشوف الدرب و لو علمت ياحي=لو يموت العود و الله مايفكونك عياله

أن لحقت الطايره خلك على ظهر الجناحي=الركوب على ظهر الجمل مالك و ماله
الخفيف يا ابيض الشارب تطير به الرياحي=ليلة القدر معروف و الشهر شفنا هلاله

طايرتكم جالها طيار و اللي راح راحي=و الجمل شقران ياصياف يقعد في حباله
أكثر العربان يجمع كريكات و مساحي=لاتركها و استراح و لاكسب منها جماله

نشتريها بالسياسة و أن عصونا بالسلاحي=عارفين أن المكاسب ماتجينا بالسهاله
ان تركنا راس الريح و إليا طاح طاحي=و الصديق اللي منول مالقيت إلا عقاله

كيف تسلم و الخطر واصلك من كل النواحي=العمى ينزل درب السيل لين السيل شاله
و الله انك تعرف الدكتور و الدكتور الجراحي=ماتغير عن دروب الطيب و دروب الرجاله

أنت راسك من حجر يصبر على كثر النطاحي=مير بعد ألفين من ميلاد عيسى وش بقاله