يا معيض انا جيتك على الذكر يا معيض

	الشاعر / سعود بن صالح الحصني يا معيض أنا جيتك على الذكر يا معيض=يوم أنت رجل ومدهلٍ للرجالي جيتك ولي عندك لزوم وملاحيض=أبيك تفزع يا كريم السبالي ولو مالكم بالطيب فعل ومراكيض=يا بو علي ما سقت يمك رحالي عرق الندى يندى ولو مسه القيض=تلقى بظله للنشاما ظلالي وذكر الحياء يظهر له رسوم ويفيض=ويبين لاركب الرشاء للمحالي وإلى وصلك العلم موفى بتحميض=يا معيض أنا أعدك لنا راس مالي أشهر جناحك يا بعيد المناهيض=وانته معودنا لصيد الجزالي وإلى أنهيت موضوعي اكفيت العواريض=والين معروفك بنا أول وتالي قبلي ( سبيل ) اثبت فعايلك يا معيض=بالموقف اللي له على الكبد صالي وقفت به ما طاب للعين تغميض=لين الليالي مرها صار حالي لعل تفداك الوجيه المباغيض=اللي عن الطوله يجيهم جفالي هذا كلامٍ معتبر نوع تفويض=منخي وأنا ابنخى تخوت الجمالي ولآني بقول افرض على الناس تفريض=أوقف بجاهك يا نزيه القبالي وأسلم ودم وانته عن الروح تعويض=ويبقى على المعبود كل اتكالي وصلوا عدد ما يكشف البرق وينيض=على النبي عداد وبل الخيالي

سعود الحصني



صح لسانك


واعتلا شأنك

صح لسااااااااانكـ

قصيدة جزله

كفو كفو كفو
والنعم بالمادح والممدوح
جزله من جزل لجزل
صح لسانك
دم بعز وتقبل إجلالي

	اشكر الاخ / حمود الغيداني وبيض الله وجهك ولا هنت

	اشكر الاخ / حميدان العوفي وبيض الله وجهك

	الاخ / عبد اللطيف العوفي شكراً على هذا الكلام الجميل وبيض الله وجهك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الشاعر القدير
سعود الحصني
صح لسانك
قصيده جزله ورائعه
في كل معاني الابداع والجمال
بيض الله وجهك
وننتظر ابداعاتك القادمه

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة