مرثيه في الشيخ/عياش بن رشيد السمين(أبا الذيابه)

مرثيه بالشيخ:عياش بن رشيد السمين العمري الحربي رحمه الله بواسع رحمته
(زيزوم السمان وكبيرهم) الله يرحمك يابوي ويرحم اموات المسلمين:

ألفٍ أون ومن فقد غاليٍ ون=عليك يامن راح عنا مكفن
الله يجيرك ياسندنا ويحسن=ملفاك يمه في مقر المجازاه
والبا بدار الهون كلٍ شكى الويل=أحدٍ قضى عمره هموم وغرابيل
وأحدٍ لبس من سو بقعا سرابيل =إمسربلٍ من قرد حظه بعمياه
والتا تعيش وعوج الأيام تنبيك=عن عوجها واللي وطا الناس واطيك
درهم بها واطلب من الله ينجيك=عن مابها من شر عشنا وشفناه
والثا ثمرها ما يطيب ويدومي=ولو لبستنا من جديد الهدومي
لو هي صفتلك بالسعاده لزومي=لزوم ما يحتاس طينٍ على ماه
والجا جميع الخلق يم النصايب =تسوقها الأقدار سوق الركايب
كلٍ على ملفاه عاصي وتايب=والرابح اللي صان زرعه وراعاه
والحا حدانا عنك ظرف الزمانا =ياطيبٍ من طيب عرفه غذانا
الله يجبر يامعلا عزانا=يجبر عزانا في عقيدٍ فقدناه
والخا خلط زين المراجل على الدين=طيبٍ طرق به في جميع الميادين
سم العدا ريف الربوع الموالين=ما صك بابه دون من جاه يبغاه
والدا درينا يوم جن الطلايب=إنه سندنا يرتكي للنوايب
مثل الجبل لمذاريات الهبايب=ما حركنه لو يجنه من أقصاه
والذا ذرا عن كل عيبٍ ومنقود=ياكم نصاه من الرياجيل مضهود
يلفي عليه بمجلسٍ حفه العود=سيّر علينا في محله وتلقاه
والرا رعى حق العهد والأمانه =للي قرب واللي بعد عن مكانه
ودعتك الله يافريد بزمانه=يامتعبٍ منهو يبا يتبع اخطاه
والزين زانه زين فعله من الناس =متلبسٍ من غالي العز بلباس
حرٍ علا بالمرجله كل قرناس=وتاج الشجاعه من جنابه ورثناه
والسين سِعد اعيون ربعه إليا جوه=في معضلاتٍ كايداتٍ وحفوه
لاقال قولٍ كلهم ما تعدوه=كلٍ خذا من طيب العرف وارياه
والشين شيخٍ شام عن كل تقصير=كلٍ حفظ له مع هل الطيب تقدير
يومن شيخة بعض الأزوال تزوير=شيخٍ كسبها غصب جاته وتبغاه
والصاد صان الله لسانه عن الزور=في ماقفه ما يقبل الحيف والجور
عون القريب اليا بغى منِّه الشور=يركي على رايٍ يدله ويقداه
والضاد ضاقن الفجوج الوسيعات =في ربعك اللي يذخرونك لعسرات
شيخ العرب ماضيعت فيه هقوات=ياقف مواقيف السعد لا نصيناه
والطا طويل الباع عوق الصناديد=تبكي عليه امبهراتٍ بغاديد
وتبكيه شقراً من خيار البواريد=البندق اللي تفخر بكف يمناه
والظا ظلٍ في لهيب القوايل=للي شكى من قرد الأيام عايل
حرٍ نبيه وعادلٍ كل مايل=بحرٍ عريض وتنهل الناس من ماه
والعين عون اللي يبون المعونه =أمين سر وعرض جاره يصونه
اللي كتم واللي افضحنه اعيونه=من حر فقد النادر اللي نعيناه
والغين غارن القصايد والأشعار =في مدحكم ياعز وافين الأشبار
انت الذي لا صار بالوقت ما صار=مزبن بعد ربٍ حمى الدين بحماه
والفا فعايلك العظيمات تذكر=ياسيدٍ شاد الفضايل وعمر
مرحوم عد اللي على الأرض كبر=من مسلمٍ يطلب وليه ويرجاه
والقاف قمت بحق خالقك وآمنت=واعطيت حق عباده وجدت واكرمت
ياراس قومٍ مالهم راس غير انت=عزي لهم عقبك على الربع عزاه
واللام لو اني بااعدد واخلي =مما فعلته من فعايل يجلي
عن حصرها ما يحتويها السجلي=يجزيك ربٍ تسجد الناس لرضاه
والكا كتبنا ما لجا بالضماير =نرثيك والله عالمٍ بالسراير
ياطيبٍ طيبه مع الناس ساير=الله يقدرني على رد حسناه
والميم مايسكب من الشاذليه=عدادها هي والفياض العذيه
مرحوم في صبح الزمان وعشيه=ياشايبٍ ورث لنا العز والجاه
والنون ندعي من يحفظ الوديعه=يجعل مقرك بالجنان الوسيعه
يارب واجعل خير خلقك شفيعه=نبينا اللي دمر الشرك وانهاه
والواو وعدٍ ما يخالف وينقض =إني لحض الرجل في دربكم حض
في دربكم عسى الليالي تمخض=عن نادرٍ مثلك ولو في حلاياه
والها همالٍ من الغيث ثجاج =يسقيك ياقبرٍ به اعز من ساج
رجله على الطولات في كل منهاج=ياليت نعيك يايبه ما سمعناه
واليا يجازيك الولي بالجزيله=ياعز ربعك يا فقيد القبيله
بختام ما عديت لك من فضيله =يا من يزين حلو الأيام ذكراه

الشاعر / رشيد بن عياش السمين الحربي

صح لسانك و بيض الله وجهك

و رحم الله والدك الشيخ/ عياش بن رشيد السمين

رحمه الله رحمة واسعه واسكنه فسيح جناته ...

لا حرمك الله اجر هذه المشاعر التي فاضت شعرا وابكت مشاعرنا لا شك ...

تقبل مروري المتواضع ...

دمت بووود ...

الله يرحمه ويغفرله وعضم الله اجركم وصح لسانك

الله يرحم الشيخ عياش بن رشيد

والبقاء فيكم ومن خلف مامات

وصح لسان الشاعر رشيد

صح لسانك يالذيب

.. ولاهنت

نص راقي ..و عذب المعاني .. ! ورحمه الله

سلمت مشاعرك ..

دمت بـ إبداعك

راعي الحناكيه

صح لسانك

وافيه يا وااااافي

لاهنت ولا فض فوك


لك التحية

صح لسانك و بيض الله وجهك

و رحم الله والدك الشيخ/ عياش بن رشيد السمين

صح لسانك ..

قصيده رائعه واحساس اروع ..

	صح لسانك على المرثية والله يـعـطـيـك الـعـافيـــــــــــة بيض الله وجهك